快將登六的郭政鴻日前（7日）於吳啟華的抖音現身作客，吳啟華寫道：「60歲又點啫？健康最重要～」影片可見，身穿粉藍色Polo恤配白色針織外套的吳啟華，一如以往以斯文look示人，而郭政鴻則穿上白T恤配黑白條子西裝，以smart casual登場。
郭政鴻分享逆齡秘訣
郭政鴻先問吳啟華在那一年加入TVB？吳啟華笑說：「哈哈！咸豐年喔！83年，那時候我18歲！」郭政鴻聞言，反應甚大說：「83年，你18歲咪即係同我同年？」吳啟華一臉震驚，「你60喇咩？有冇搞錯呀？所以話呢，TVB最識保養嘅男人就係佢喇！」郭政鴻立即回禮說：「都係跟你學嘢啫！」郭政鴻公開分享逆齡保養秘訣，他笑說：「唉！搵食冇計啦！平時嗰啲薯條、蝦條、可樂，全部都戒晒，仲要少油少糖…還有飲湯啦！」
網民驚訝郭政鴻已登六
網民在帖上留言大讚郭政鴻完全不似60歲，「郭政鴻看來83年出世還差不多」、「郭政鴻看起來更年輕」、「郭政鴻叔也有60了？香港男演員都看起來那麼年輕,以為他50左右呢」、「華哥，鴻哥，你倆太不尊重年齡了」、「郭看著像80後」、「頭髮，他的髮量真好」、「這確實想不到，郭政鴻居然60了」。
講大話 ! 我相信係無 60歲咁老㗎 !