［獨遊］去尼泊爾行10日山 (ABC + Mardi Himal)

Plan 緊想去，想問去Pokhara係咪建議車路多過飛機？啲路況會唔會好差？

Kathmandu 去 Pokhara 巴士10個鐘飛機半個鐘，我諗睇你趕唔趕時間，路況係幾差但我冇暈車問題覺得還好

Day 5 - ABC [ Jihnru - > Chomrong]
一早導遊就嚟左 hostel 接我，跟住就坐車去行山


我完全睇小左尼泊爾嘅路可以有幾爛之前加德滿都去博卡拉嗰程車嘅扽完全濕濕碎。呢程車扽到呀媽都唔認得，喺一舊舊石頭上面行駛兩個鐘


中間有個位直程過唔到要落車行過石頭另一邊轉車


中途要喺第一個 check point 登記，全部導遊幫我搞我喺架車度等左一陣就走



落車行左可能10分鐘度，導遊就話食飯
吓先十點幾食咩飯

傳說中一模一樣嘅餐牌（除海拔越高價錢越貴）



叫左個炒飯，還好


暫時食咁多餐都覺得不過不失。我唔挑食，但真係講唔上好食

食完飯就開始第一日嘅徒步旅程

下面兩幅圖加埋大概係我今次行嘅路線（有啲部分砍左但主要 ABC + MBC 嘅路線都差不多）



踏上呢條長長嘅吊橋正式開始10日嘅徒步旅程



由於第一日，所以都好輕鬆

一開始只係沿着山上面嘅小鎮行，都係梯級，大概行左兩個鐘左右就到今晚嘅落腳處 Chomrong。




近車路嘅鎮多啲運貨動物同牛，行過嘅時候小心踩地雷



到 Chomrong 好早，先晏晝2點，但好彩啱啱到出面就開始落雨，完美避開左第一日就要喺雨中徒步



呢間民宿係咁多日住過最好嘅一日（原因好多，我堅持寫埋落去大家就會睇到我有幾唔鐘意之後嘅旅程）

今日成間民宿得我一個客人，包場


到呢個位開始收唔到網，冇野做就沖個涼瞓下覺。


瞓醒停左雨，一打開房門見到彩虹


啲雲散左之後就見到魚尾峰



一開始我以為只係低海拔未洗樣樣都要比錢，但其實踏上登山徑之後樣樣都係錢。熱水、飲用水、差電、wifi 全部根據海拔收費。

雖然話要支持本地消費，但其實山上面消費都幾貴（一下全部以港幣計算），低海拔一餐飯要30-40蚊，斟滿一個水樽要5-6蚊，差電5-6蚊，wifi 5-10蚊

孤寒如我出發前做好準備，濾水水樽，超大容量 power bank，download 左大量Netflix 片，一次熱水涼都冇沖過。就算我咁慳喺山上面咁多日都洗左接近一千港幣。我有記低山上面每一筆消費，成功寫到最後可以比大家參考下。

晚餐叫左意粉，除左好一般我比唔到其他評價

20年前一條友冇請guide/porter經Dhampus行上ABC, 每日就一早6-7點起身食早餐, 一路行7-8個鐘去下一間tea house, 下午2-3點就食飯沖涼洗衫吹水等天黑再食飯瞓覺, 行吓行吓就去到ABC睇日出

而家第一日就可能行到Chomrong, 咁快

你驚飛機出事？

ABC完全可以唔洗要guide同porter, 可以自己行，好平

guide好似唔會幫你拎野?
如果一個人請一個guide再加一個挑夫會唔會好過份

其實我個導遊係 porter guide，我同佢交換背囊孭，我個袋7kg 佢就3kg左右

其實只要你唔介意就得，冇話過唔過份嘅，但一個人比曬就貴。如果唔係跟團的話，我見 guide 同 porter 都請嘅通常都兩個人