［獨遊］去尼泊爾行10日山 (ABC + Mardi Himal)

行程
香港 -> 加德滿都 -> 博卡拉 -> 行山 -> 博卡拉 -> 奇特旺 -> 加德滿都 -> 香港

今次主要目的係去行山，觀光景點睇心情決定

徒步路線
同陌生人（或者識但唔夾嘅人）行山極易中伏大家步伐唔一樣一粒鐘都嫌多，更何況共處咁多日只會搵自己黎搞，所以從來冇諗過搵伴亦冇考慮過跟團

呢條路線其實好成熟，雖然2023年開始尼泊爾政府規定徒步一定要請導遊，但網上搵資料嗰陣見好多人話自己跟住地圖行都完全冇問題。但考慮到自己獨行經驗比較少，安全起見就請左個導遊。

選擇 ABC + Mardi Himal 呢個組合係因為我對呢兩條路線都好有興趣但唔算好難（實際情況係點，要等我行完先話到比大家知）。

出發前
本身幾個月前睇吉隆坡轉機三千左右，但當我真係要訂嗰陣已經變左三千尾，最後唔想煩直航算。

香港直飛加德滿都得兩個選擇，一開始國泰成6千幾好撚貴，尼泊爾航空4千多啲可接受就揀左佢。由於佢唔算廉航，比錢嗰時都冇考慮好多。

點知晴天霹靂出發前一星期班機無故取消。

尼泊爾航空就唔會再搭（好彩啲錢退得返，上網睇原來尼泊爾航空都幾垃圾，好多人都退唔返錢），含淚出多張國泰，最後國泰仲要平廿蚊，係咪算因禍得福

Day 0 - Hong Kong -> Kathmandu

好耐冇搭過國泰


平時搭咩航空都係價錢決定，國泰如無意外都唔會係最平嗰個，點估到今次居然仲平過尼泊爾航空

班機都滿，大部分都係尼泊爾人，有啲中国人，反而香港人好少

全程四個幾鐘，睇套戲食個飯休息一陣就到


入境好順利排都唔使點排，簽證一早喺香港搞左，比張紙同護照佢睇就搞掂

個機場比想像中簡陋，係冇冷氣的，好彩夜晚唔係好熱


成個攞行李區得兩班機都等左好一陣


預先叫左車黎接，攞行李後就搵下邊個舉住我個名。因為實在太多人接機（得嗰幾班機到點解出面全部都係人），行左兩次先搵到接我嗰條友


到左架車後先發現原來舉牌條友唔係個司機，佢純粹搵人仲要問我攞小費我係唔太想比，而我身上都冇尼幣，但佢有我唔比就唔走嘅打算，最後比左一蚊美金（好彩身上有唯一一張美金，其他全部大紙）

好快就到住宿，我以為加德滿都嘅路會好爛但比想像中好，唔使廿分鐘就到都幾快

尼泊爾d 飛機會跌落地架喎
咁都唔比多少少錢搭國泰

Day 1 - 加德滿都
一起身 hostel 有個中国呀叔邀請我去食飯，話有間中餐好平

有人帶路唔洗用腦就跟左佢去嗰間中餐廳，啲餸油到仆街仲要辣，晨早流流食埋啲咁嘅野係咪痴線（冇圖）

之後喺 Thamel 唱左啲錢，跟手搞埋張電話卡。張卡行到 5G 26GB 28 日都只係 800 NRP，地面收得好好 希望上山都收到

搞掂呢啲基本野就行去杜巴廣場，終於見識到傳說中亂到七彩嘅電線




沿途經過一個小型嘅佛塔，雖然細細地但都好特別（大鄉里第一次見）



大概行左廿分鐘就到杜巴廣場，啲本地人全部都就咁坐喺神廟上面




杜巴廣場欄入面嘅範圍係要比入場費，啲工作人員見到遊客走入去就會即刻問你買左飛未


我跟住呀叔行左另一條路逃票，入左去工作人員就唔會理你







有人喂鴿


想影啲鴿飛起嘅畫面，可惜冇帶相機

2015年地震震爛左再重建嘅 Basantapur Durbar



小型市集，好多都係賣銅器，完全冇人幫襯


隨便行左兩個圈就返 hostel，比想像中熱冇動力繼續

可能之後返加德滿都有時間跟團去多次，自己睇冇解釋睇唔明

Thamel 區周街都係鋪頭，主要賣毛製產品（披肩圍巾之類），行山裝備，衫同紀念品，都偏遊客為主


嚟之前有聽聞冇行山裝備到加德滿都買都得，但我摸上手都係自己著開啲料舒服啲同輕啲（睇佢啲吊牌都應該係淘寶入貨）。

夜晚食左湯 momo，唔錯嘅但就係皮好厚嘅雲吞

小型嗰啲內陸機先最危險姐
最後咪搭左國泰

有興趣lm

Day 2 - 加德滿都

朝早去尼泊爾連鎖咖啡店 Himalayan Java Coffee 飲返杯啡


飲完咖啡就行去猴廟，大概行八個字

天氣比想像中熱，雖然冇30度但喺條街行一陣都出汗


尼泊爾嘅遊客比想像中少好多，唔知係唔係仲係淡季嘅關係，一路除左我之外都冇見到遊客

感覺上沿途都幾安全，本地人都係自己做自己野，完全唔覺會有人衝出嚟打劫我



40分鐘後終於到猴廟


猴廟叫猴廟係因為呢度有好多馬騮，但我覺得少過馬騮山，同埋啲馬騮冇香港嗰啲咁惡，成日覺得香港啲馬騮會襲擊我

但真正到達猴廟前仲有條樓梯，行到身水身汗，好熱





猴廟要比入場費，樓梯盡頭前個工作人員出黎截停我叫我比錢，200 NRP 算好平


上到頂後望返落去就可以見到下面嘅風景。上網睇 blog 有啲人會天未光上去睇日出，但咁遠我就不了


四眼天神廟



上到去終於多少少遊客，但其實都係唔多



轉經筒


行入少少有好幾間紀念品店，我覺得啲畫好多都畫得幾靚



加德滿都嘅景就算喺山頂望落去都冇咩特別



神廟上面都係暴曬，加上另一邊有人點香就更加熱，停留左一個鐘都冇就離開左

可能嚟呢度嘅遊客都係跟團，停車場入口喺另一邊，所以條樓梯得幾條友行

之後行返去 Thamel 食午餐，食左個好難食嘅 momo （冇圖）



跟住又返 hostel hea，條街實在有啲熱，hostel 起碼有風扇


Hea 到黃昏開始肚餓就出街搵野食，去左間裝修好少女嘅餐廳。間鋪樓下賣啲唔等使嘅飾物，樓上就餐廳


餐牌上面咩都有啲


叫左杯咖啡同 butter chicken masala, 埋單 NRP 1100 偏貴但可接受


野晚嘅 Thamel 區望落好熱鬧，但其實大部分鋪都冇乜人



覺得呢啲公仔幾得意，買左兩隻牛牛



個店主唔知係生意淡薄定點，我買咁少野都比張名片我叫我返加德滿都之後可以搵返佢買野

逛完街就返住宿休息同執野，聽日一早搭車去 Pokhara

首都外面超大塵，有冇帶口罩？

有帶口罩不過冇用
暫時覺得還好

行完quote我thanks

LM

建議去pashupatinath temple睇燒屍
除左燒屍，入面既Hinduism culture都係係勁shock

Kathmandu 勁多流浪狗好撚驚

LM

上年行完ABC 好想再去EBC
去尼泊爾真係會上癮
但係加德滿都真係去一次就夠

留名

行過ABC EBC留名

Lm

之前行完abc冇錢，返到Kathmandu俾人帶咗入賭場r飯食

lm

未拉落去，心諗做咩有張深水埗既相

留名支持
去尼泊爾行山一直喺checklist入面，但自問未必行得到EBC，所以ABC就係目標了

你諗下佢國民要出國揾食就知佢國家好。。惦，仲去下次去巴基斯坦言


不過尼泊好少聽被人強姦。。。

張sim卡入到山信號好唔好?