【K歌之王】回到過去﹐我搶了表哥的新娘

應該會係《Shall We Talk》同《少女的祈禱》之間做選擇﹐故事大綱諗好咗﹐不過我想故事性同情節更加有趣﹐所以要搜集多啲資料﹐要花多啲時間，所以冇咁快出到文

「其實我都只係隨意彈﹐同埋你以後唔好咁傻喇﹐有咩事可以搵你家姐或者我傾﹐無咩事係解決唔到。」我鼓勵她道。

「係啦﹐你有冇時間一齊食餐飯？」Anna收起剛才憂愁的語氣﹐微微地笑著問我。

「好呀﹐我之後都冇野攪﹐諗住一個人食飯。」我很快就答應。

到達餐廳後，我才記起這時香港還有限聚令，入餐廳時要用安心出行。於是我們掃了二維碼，量度體溫後，就坐在餐廳中間的桌子。

當晚整間西餐廳非常冷清，只有我們一檯客，感覺這餐晚飯好像特別為我們而設一樣。不知道為什麼，食飯時跟Anna一直聊天，她帶給我一種熟悉的感覺。

聊着聊着，由疫情說到她在演藝的教學生活，再聊到古典音樂到電影配樂，直到以前讀書時的點滴，突然間，她說出一些令我驚訝的說話：「係啦，你申個頭過嚟，講個秘密俾你知，不過你唔好講出去。」

「秘密？」我一邊問，一邊將身體向前傾。

「當年家姐一直都拉唔好小提琴﹐媽媽叫我代佢去考試﹐除咗頭兩堂係家姐同你夾之外﹐其實之後都係我同你夾。」Anna細聲地在我耳邊說。

「吓，妳講真㗎。」我驚訝地叫。

「仲有呀，當年你咪有一晚嚟西貢搵家姐嘅，其實果日係我去咗做替工。」Anna笑著對我說。

「吓。」我再次露出驚訝的表情。

「果日家姐朝早好唔開心，又有啲唔舒服，原本諗住下晝提早收工﹐返屋企休息，但係咖啡店好忙，我又咁啱喺西貢幫學生補完習，順道諗住睇吓家姐有冇事，店長見到我就求我幫手。不過最攪笑嘅係，我平時綁頭髮條髮帶斷咗，髪型變成同家姐一樣，店長同其他同事都一時適應唔到，叫錯咗我做家姐。」Anna笑道。

「點解果日你唔話我知妳家姐一早走咗？」我問。

「本來我想講，但見你長途跋涉特登嚟搵家姐，我唔好意思講，同埋唔想你失望，所以唯有假扮家姐陪你傾偈。」Anna低頭小聲地說。

「咁仲有冇邊次係扮妳家姐？」我追問道。

「你自己再估吓啦。不過我可以講多樣嘢你知，就係我有試過扮家姐去大學聽你彈琴。」Anna壞笑著回應我。

回想起當日在西貢的聊天內容，我們音樂、電影、餐廳食評等，什麼話題都說一番…….直到現在才驚覺原來一直與我投契的人是Anna。之後我送她回家﹐在她所住的大廈門口揮手道別﹐臨別時她跟我說：「我知你好鍾意我家姐﹐加油呀﹐你努力啲就可以感動到佢㗎喇。」

（待續）

聽日結局﹐希望大家會繼續支持

咁佢兩個都真係要好撚似樣先可以玩到咁大

<少女的祈禱> 故應該勁有 feel

佢地係好似樣嘅雙胞胎
係唔認真分辨都分唔出果款
不過面型有少少分別﹐但長頭髮放落嚟遮咗就好難分﹐所以Anna選擇紮馬尾﹐就係想人易啲分佢哋兩姐妹
而性格上﹐兩姐妹就好唔同

我都覺得有feel啲
《少女的祈禱》本身就預設咗個故事，就係一對小情侶喺巴士上面
個女仔祈禱，如果順利通過三盞交通燈都係綠燈嘅話，就可以永遠同個男仔一齊
但唔好嘅係寫故個時變咗有好大限制

這刻我突然有種無奈的感覺﹐輕聲道謝後就踏上歸家的路途﹐路上我沉思著自己喜歡的究竟是誰﹐是Anna還是Maria？

我的心突然之間很混亂﹐不斷地反問自己，一直接觸的Maria究竟會不會都是Anna所扮的？這種困惑的感覺一直伴隨着我到凌晨十二時﹐回到了現代。

打開雙眼，我以為我會如之前一樣回到家中﹐但這次我竟然回到今日下午我駕車到教堂準備出席Maria的婚禮，剛剛泊好車的那一刻。

我走出車外﹐見到一個穿著淺藍色外套，配紅色恤衫和黑色西褲的男人站在我車旁，細看之下，原來是天使，於是我問道：「天使！點解我會喺度嘅？」

「呢個係我特別送比你嘅禮物，答謝你幫我做完任務。」天使搭住我的膊頭解釋道。

「其實個任務咁簡單，你冇必要多謝我，反而我要多謝你就真，今次返去我知道左更多關於Anna既事。」我回應。

「老實講，你彈琴真係好好聽，但要感動到一個人，始終都要令聽嘅人產生共鳴。呢件事﹐就算你點樣改變過去，都唔會改變到。」天使說。

「我明白。」我回應。

「好啦，弟兄，我係時候要走喇，麻煩你陣間將條頸鏈掛返係小祭壇前嘅十字架度。」天使拍着我的膊頭說。

「冇問題，不過多口講句，天使，你今日個造型有啲俗。」我打趣地說。

「我又唔覺喎，似紅日一樣咁sharp，幾襯今日。」天使帶着自信的笑容說，當我再望向他時，他已經消失了，褲袋也出現了今早的鑰匙鍊墜頸鏈。

我重覆着今早的流程﹐再一次望住穿著婚紗的Maria步進禮堂﹐但不知道為什麼，我這次再感受不到之前那種耀眼的美麗﹐也沒有之前那種難以忘懷的悔悟。

現在的我只顧着留意旁邊的Anna﹐當我又一次上台說致謝詞時﹐突然有感而發：「我好高興今日可以見證到我最仰慕嘅表哥George同我最好嘅朋友Maria結婚，攜手走進人生嘅新階段。我同Maria雖然識左10年有多﹐我曾經都有諗過好唔好追Maria﹐但最後輸比表哥﹐我絕對心服口服。哈哈，當然﹐我只係講笑﹐其實我同Maria真係好好朋友﹐但我哋唔會做到伴侶﹐因為伴侶係命中注定嘅﹐就好似George同Maria﹐第一次見面我都喺度﹐佢地嘅緣份係上天安排﹐佢地嘅默契係渾然天成，就算我識左Maria咁多年﹐嗰日我都只係旁觀﹐完成插唔到咀。曾經有一個人令我明白到命中注定究竟係乜嘢感覺﹐個種感覺係冇時間約束﹐無委屈﹐完全隨心﹐即使只係不經意間為佢做咗一件好普通嘅事，都會令佢感動﹐呢啲就係命中注定﹐若果唔係﹐就算你精心為佢做好多樣嘢﹐得到全世界嘅讚賞﹐你都唔會感動到佢﹐所以我可以好肯定咁講﹐George同Maria係命中注定嘅一對﹐希望大家祝福佢地，白頭偕老，永結同心﹐多謝。」

我說完後，在場嘉賓都報以熱烈的掌聲給一對新人，而我又再次執拾細軟，為晚宴準備，突然間，身後有一把聲叫住我﹐我雖然心中知道是Anna，但仍然扮作愕然地轉身望向她。

「Elton莊﹐你跌左野。」

「跌咗嘢？」我知道是跌了頸鏈，不過我仍裝作不知情。

「Catharina﹐你幫叔叔執返條頸鏈。」Anna說完﹐她女兒就可愛地從地上拾起那頸鏈﹐然後交給我。

「Catharina妹妹，條頸鏈唔係我㗎，你可唔可以幫我掛返係前面個十字架上面。」我摸了摸Anna女兒的頭，然後指住小祭壇前的十字架說，之後Anna的女兒就很乖巧地向那十字架的方向跑過去。

「呢個咁可愛嘅小朋友係你個女呀﹐原來已經咁大個﹐之前見妳仲陀住佢。」我眼望住Catharina跟Anna說。

「係呀，上次見面已經係疫情果時，好耐冇見﹐近排點呀﹐你有女朋友未？」Anna跟之前一樣直接地問我。

「暫時單身啦。」我依舊無奈地回答。

「啊﹐駛唔駛我介紹女仔比你識﹐我有好多靚女朋友都係單身，雖然冇我家姐咁靚。」Anna笑笑口地說。

「唔駛客氣啦，不過你過兩日得唔得閒？想搵妳食餐飯傾吓偈，順便聚舊。」我說完後，Anna帶點愕然，然後帶點害羞地回答我：「可⋯⋯可以呀。」

(K歌之王 - 完)

小弟第一次寫故，真心感謝巴絲打呢3個星期嘅支持
特別係#人盡同#週末巴打，大家素不相識，都不時留言，幫我喺呢個post增加啲人氣

其實故事一早就寫好，不過每次出post之前都會重覆修改好多次，盡力寫好啲，亦都初次嘗試製作啲AI故事人物圖，等大家睇嘅時候冇咁dry，睇嘅時候可以投入啲

個故雖然唔多人睇，但我都唔希望完咗之後嘅一日，咁快就沉晒底，所以懇請大家幫幫手喺 #1 俾個正評，留言推下post，有你哋嘅支持，我先有動力繼續寫第二首歌嘅故

最後，容許我私心咁講幾句
我好感謝陳輝陽同林夕，曾經創作出咁多咁好嘅K歌，多年以嚟慰藉我嘅心靈，若果有幸佢地睇到個故，希望佢哋唔好介意我改編佢哋嘅作品

有靈感得嚟又有動力寫係好幸福嘅一件事，我都係呢一年嚟先至慢慢發覺。

期待下一首歌！

巴打講得冇錯﹐喺創作嘅過程能夠享受﹐係一件好重要嘅事﹐成果始終冇辦法控制﹐成功是需要運氣

雖然open end睇完會有啲空虛，但樓主寫得唔錯，繼續加油巴打

感謝巴打一直嘅支持
下次個故﹐Ending會做好啲

我覺得完得幾好
雖然冇講明同ANNA最終有冇一齊
但至少主角終於搞清楚自己心意
好耐冇睇過呢種感覺嘅故

多謝巴打支持
希望主角同Anna有情人終成眷屬

支持 期待有下首歌！

感謝支持
我會繼續努力寫下一個故﹐期望可以盡快比大家睇

自推一下

加油！

感謝支持

下面係寫故嗰時參考嘅資料，純粹想分享俾大家睇吓

(一)

參考來自 - 陳輝陽鋼琴作品集 聲音變魔術

「很喜歡 Elton John 的 Your Song，尤其裡面十分感動我的一句歌詞"You can tell everyboby this is your song”。創作K 歌之王，想寫一個很喜歡唱K的人，希望用歌聲去感動心愛的人，當他把喜歡的歌唱完，卻只得到K歌之王的封號，完全感受不到歌裡的感情。很想透過K 歌之王，向歌裡出現過的歌曲致敬，因為在我們傷心的時候，這些歌都成為我們心靈的避難所。」by 陳輝陽