【K歌之王】回到過去﹐我搶了表哥的新娘

是咁的﹐小弟一直都有個自認好無聊嘅嗜好﹐講出嚟可能會被人當白卡﹐就係我無論聽乜嘢歌都好﹐都會因應旋律同歌詞﹐喺腦海中幻想背後嘅故事。

而且一聽到鍾意嘅歌﹐就會不停喺度諗首歌﹐幫佢建構世界觀﹐有時仲會將唔同嘅歌撈埋一齊﹐幫唔同嘅人物做互動。

最慘嘅係﹐我人生中用咗好多時間諗呢啲嘢﹐但都只係為咗自high

雖然曾幾何時有諗過將自己嘅諗法寫成故﹐但可惜才疏學淺﹐一直都係得個諗字。由當年嘅高登仔﹐變成今時今日嘅連登佬﹐都冇勇氣喺講故台發表任何故

人到中年﹐做左鹹魚苟且偷生咗咁多年﹐身體又越嚟越差﹐都唔知自己仲可以捱多幾耐。突然間﹐好想喺我呢條鹹魚仲未完全曬乾之前﹐將心中最為感動嘅『旋律』寫成故事﹐分享俾大家﹐留個紀念

雖然小弟文筆非常差﹐啲歌又要係十幾廿年前嘅流行曲﹐但都希望各位巴絲打高抬貴手﹐唔好介意

可以既話支持推一下﹐不勝感激

出文前我用AI整咗張女主圖比大家睇吓



戴定頭盔先﹐本故事唔係《K歌之王》原意﹐甚至乎你睇完唔覺得同首歌有關，嗰故事只係純粹受《K歌之王》啟發，並且純屬虛構﹐如有雷同﹐實屬巧合。

《K歌之王》

Canon in D﹐一首三百多年前創作的作品﹐也是現時最熱門的婚禮進場音樂﹐有一些人認為這首樂曲是作曲家為朋友的婚禮而創作﹐雖然不知道是否真確﹐但這首樂曲確實既莊嚴又隆重﹐很適合在婚禮時演奏。

今日我站在教堂的小祭壇上﹐以主角視角﹐望著新娘伴隨着這樂曲編織的感動旋律，緩緩地步入教堂中央。

再加上一班陪伴着新娘成長的親友﹐見證她朝向人生新篇章時﹐這動人的場面﹐令我感觸萬分﹐差點要在這麼重要的場合把眼淚湧出來。

「攝影師哥哥﹐你可唔可以企過少少﹐你企喺新郎前面我行唔到埋去主持婚禮。」証婚律師走到我附近喁喁細語地對我說。

「唔好意思。」我細聲帶點歉意說完就走開一邊繼續拍攝。

今天是我感情最要好的表哥George和我的中學同學Maria結婚的大日子﹐他倆都是天主教徒﹐所以選擇了在香港西半山堅道這間教堂舉行婚禮。

望著他們快將在這美麗的大教堂結為夫婦﹐理應替他們高興﹐但現在的我百感交集﹐思緒也有點混亂﹐皆因從中學時期我就已經很喜歡Maria﹐看著她嫁給別人﹐心裡總覺得不是味兒﹐儘管她是嫁給我自小崇拜的表哥。

表哥是一個很優秀的音樂監製和作曲家﹐幫過很多電影配樂﹐又曾為陳奕迅、張敬軒和容祖兒等著名歌手寫過不少膾炙人口的歌曲。

他對音樂的熱誠和觸覺相信在現今香港沒找到幾個﹐而我也是在他的薰陶下﹐選擇在大學時期進修音樂﹐可惜我沒有取得像表哥那樣的成就﹐現在只是一間小琴行的老闆。

還記得幾個月前表哥特意到我的琴室﹐委托我做婚禮攝影師時﹐我本想推辭﹐甚至打算找個借口﹐例如：去倘旅行﹐以逃避參與他們的婚禮。

不過當表哥說出豐厚的報酬時﹐我又抵受不了而答應。

因為琴行近來的生意實在差到令我叫苦連天﹐上個月的總收入更只僅僅夠交舖租。

後來再發現﹐表哥原來是知道我近來因大部分學生移民突然退學﹐致琴行生意慘淡。他早前已經多次提出借錢給我﹐但都被我斷言拒絕。

他知道我倔強又不愛受人憐憫﹐而我又有做開攝影師這個副業﹐才特意高薪邀請我做他的婚禮攝影師﹐委婉地幫助我渡過困境﹐最後我都硬著頭皮去接受了他這番好意。

雖然今天我是有點不情願做攝影師﹐但看到Maria那漂亮動容的打扮﹐反而慶幸自己當初沒有拒絕表哥的委托。

特別是她穿著着那雪白的一字領婚紗﹐緩緩地進入教堂的那刻﹐彷彿是從天上下凡的天使﹐再配搭那隨風飄動、若隱若現的頭紗……

我完完全全被她迷住﹐而那份被我收起了多年的感情﹐突然湧了出來。

雖然我很快就回過神來﹐也很清楚我和Maria是完全沒有可能﹐但不知道為什麼﹐突然間腦海浮現了一套十多年前叫「求婚大作戰」的日劇穚段。

那一刻我多希望自己能像劇中男主角般回到以前﹐然後向Maria表白。

或者剛巧我待會兒也要在婚禮致詞的關係﹐又或者是Maria本身貌似長澤正美﹐所以才有這瘋狂的聯想﹐但當然我很快就打消腦海中那無聊的念頭﹐繼續專注幫一對新人拍攝。

婚禮中，証婚律師拿起咪高峰朗讀出耳熟能詳的台詞﹐為新郎新娘主持証婚儀式，並即場簽發結婚証書。

隨後表哥、Maria和他們的父母陸續上台說出致謝詞﹐最後咪高峰就交給了我。

當我接住咪高風峰的那一刻﹐Maria對住我會心微笑了一下﹐我突然間回想了很多以前在中學和大學時期跟她的點點滴滴。

也不知道何竟然有點後悔那時沒有積極進取一點去追求她﹐當時和她的關係明明很親近、很要好﹐放假都會時常一起遊玩。

呆滯的我﹐幸好最後都吸了一大口氣﹐及時冷靜過來﹐然後把一早準備好的致詞說完。

婚禮完結後﹐我幫忙收拾用品﹐正當我想轉身離開時﹐突然有把很久沒聽過的聲音從我後邊傳過來。

「Elton Chong﹐你跌左野。」我轉身一望﹐看到一個紮起馬尾﹐和新娘身形相似﹐都是玲瓏有緻的女生﹐拖住一個大約3歲的小女孩叫住我。

(待續)

希望大家會鍾意呢個短篇故
留名支持一吓

聽日會再出文

亦都不妨follow小弟既IG或Threads、like下facebook﹐感謝


IG: https://www.instagram.com/musicstoryhk/
FB: https://www.facebook.com/profile.php?id=100012220422409
Threads: https://www.threads.net/@musicstoryhk

出文前，我用AI整左女配角嘅圖

支持

多謝支持

支持

多謝支持

「跌咗嘢？」我一臉奇怪地摸着自己的口袋和看看附近﹐但沒有察覺到什麼不見了。

「Catharina﹐你幫叔叔執返條頸鏈。」那女生說完﹐小女孩就很可愛地從地上拾起那條鑰匙鍊墜頸鏈﹐交給我之後就害羞地走回那女生後面。

細看之下﹐那女生原來是Anna﹐Maria的孖生妹妹﹐雖然是孖生﹐但亦很容易認得出。

因為Maria愛放散剛好及肩的長髮﹐有如隨風飄逸的瀑布般美麗動人﹐整個人散發着典雅端莊的氣質﹐而Anna則愛紮起馬尾﹐經常作中性打扮﹐臉上亦不施加任何胭脂水粉 (當然除了今天這些特別的日子)。

而且兩姐妹的性格完全不一樣﹐姐姐溫文爾雅﹐妹妹就比較粗魯橫蠻。

我跟Anna不算太熟絡﹐以前她偶爾會和姐姐一起出來﹐但跟我總是不太合得來﹐每次都總會為了些小事而嘈交﹐彼此相處得不太融洽。

支持下開頭講既野
文就唔追了

唔緊要﹐都多謝你既支持

「呢個小朋友係？」我望住那可愛的小朋友好奇地問道。

「佢係我個女﹐Catharina。」Anna回答後﹐我有點愕然﹐估不到竟然會有人喜歡這種粗粗魯魯的女生﹐而且還結了婚。

我還未來得及反應﹐Anna就拖住她女兒的小手說：「係啦﹐Catharina﹐呢位係Elton叔叔﹐快啲同叔叔打招呼啦。」

「Elton叔叔﹐你好。」小女孩害羞地對我說。

「唔該晒呀﹐Catharina妹妹﹐不過我係Elton哥哥﹐唔好聽媽媽講叫叔叔。」我摸摸小女孩的頭說道﹐隨即用帶點不滿的語氣跟Anna說：「我三十歲都未夠﹐做乜教個女叫我做叔叔呀。」

「唔好意思﹐你打扮得有啲似阿叔﹐口快快講錯左。」Anna取笑我說。

「算啦﹐見今日係你家姐的大喜日子﹐唔同你計較。」我帶點無耐地回應。

「好耐冇見你﹐你近排點呀﹐有女朋友未？」Anna跟以前一樣﹐不會說客套說話﹐直接問人問題。

「暫時單身啦。」我無奈地回答。

「啊﹐駛唔駛我介紹女仔比你識﹐我有好多靚女朋友都係單身，雖然冇我家姐咁靚。」Anna笑笑口地說。

「你好少何咁好心幫我﹐都唔知有啲咩陰謀﹐唔駛客氣啦。」我覺得Anna不懷好意﹐所以很快就拒絕。

「唔駛咁陰謀論喎﹐之前你幫過我﹐我只係想幫返你。」Anna解釋說。

「幫過你﹐幾時呀﹐點解我冇乜印象。」我奇怪地問。

「你唔記得都唔出奇﹐都好耐之前……」Anna未說完﹐身邊的Catharina就扭計﹐開始撒嬌。

「弊啦﹐我個女要去洗手間﹐唔講住，遲啲再傾。」Anna慌忙地抱住Catharina走出教堂﹐而我拿住那條鑰匙鍊墜頸鏈感到有點疑惑﹐我從來沒有買過這類頸鏈﹐心想可能是Maria她們遺留的﹐待會兒去問問她。

(待續)

鳩估劇情：之後就係妖精出現，主角真係回到過去，但係反而同咗 Maria 一齊，牙 Cat 變咗佢個女

巴打你好厲害﹐有個位你差唔多估中咗

標題 + intro = 冇得鬥氣

話時話，仲有邊幾首歌有機會變成故架？

我仲有幾首歌既短篇故事係心入面醞釀緊﹐會睇下呢個post既反應再決定。其實頭post我都寫得好隱晦﹐但都比巴打發現左﹐真心寫個服字

表哥邀請了很多名人來參加他的婚宴﹐在婚宴會場中的我忙到喘不過氣來﹐水也沒時間飲﹐直到凌晨一時才回到家休息。

回到只有自己一個人的寓所﹐放下身上所有的器材﹐當把衫褲袋清空時﹐才驚覺沒有將那鑰匙鍊墜頸鏈還給Maria，於是我便將它放在衣架旁的雜物盒﹐等遲些有時間再還給她。

今日當了一天婚禮攝影師真的很疲倦﹐出了很多汗﹐於是我很快就洗完澡然後上床睡覺﹐而且不夠一分鐘就睡著了。

不知道睡了多久﹐天還未光時﹐就突然間聽到砰砰嘭嘭的聲音將我從熟睡中叫醒﹐當時我猜想應該是大廳傳過來的﹐於是我便迷迷糊糊走出去看過究竟。

一出到大廳就發現衣帽架倒在地上﹐心想難道是我放了太重的東西﹐令衣架塌下﹐不過我也不太想太多﹐只是希望快點回到牀上繼續發剛才的美夢﹐所以我很快就走上前抬起跌下來的衣帽架﹐放回原位。

正當我轉身想回睡房的時候﹐突然有個穿著絲質般柔軟飄逸的白色長袍的男人，身後還有一對宏大的翅膀，翅膀的羽毛白皙如雪，每一根羽毛都閃耀著微弱但溫和的光澤，仔細一望，有點像電影「正義迴廊」中飾演律師的那位周文健，而且還戴著我剛帶回來的鑰匙鍊墜頸鏈站在我睡房門前。

我頓時嚇到魂飛魄散﹐彈到大門口﹐心想我是不是在做夢﹐但當我捏一捏自己的臉﹐痛到差點大叫起來時﹐就驚覺這一切不是夢﹐是真實發生的。

Lm

多謝支持

「呢位弟兄﹐唔駛咁驚﹐我只係依附係呢條頸鏈既天使﹐我以前係一個神父﹐一直住係教堂﹐平時夜晚會出黎行下﹐點知今晚一出嚟就嚟咗呢度﹐仲撞跌咗你個衣帽架﹐實在唔好意思。」那位貌似周文健的男人跟我道歉說。

「有怪莫怪﹐細路仔唔識世界﹐我唔知呢條頸鏈係教堂既嘢﹐我以為係我朋友跌左嘅﹐冇心拎佢返屋企﹐我聽日會即刻拎返去教堂﹐物歸原主。」我指住天使的吊飾慌忙地解釋。

「你唔駛咁驚我喎﹐我唔會怪責你﹐之前都試過類似既情況﹐俾人拎走左﹐唔駛緊張。」天使笑笑口安慰我。

「多謝多謝﹐咁而家我返去訓先﹐訓醒即刻帶你返教堂。」我一邊起身﹐一邊避開天使行回睡房說道。

「唔駛心急呀弟兄﹐我認得你﹐你係今日下午係教堂做婚禮攝影師㗎嘛﹐我同你總算有緣﹐見你個樣有啲煩惱喎﹐有冇嘢可以幫到你？」天使邊說邊伸手阻止我回睡房。

「冇﹐冇﹐今日可能有啲攰啫﹐休息下就冇事㗎啦﹐我都唔阻天使您休息啦。」雖然天使看起來很友善﹐但為了避免不必要的麻煩﹐拒絕了他的好意。

「呢位弟兄﹐我睇得出你有種非常後悔同唔甘心嘅心情﹐你係咪仲好鍾意今日行禮果位新娘呀？」天使竟然看穿了我的想法﹐我雖然有點愕然﹐亦只好無奈地誠實回應：「係﹐冇錯﹐不過都過咗去﹐而家做乜都冇用。」

「都唔係冇辦法嘅，我或者可以幫到你。」天使說的話﹐令我又突然聯想起那套日劇「求婚大作戰」的橋段﹐難道這位天使真的可以像劇中那精靈幫我回到過去？真的可以改變歷史﹐令我有機會跟Maria一起？想到這裡，我便興奮地問：「咁你係咪可以好似套日劇咁幫我返去以前，補救我同新娘既關係呀？」

(待續)