張敬軒 HINS (155) 找唔到數請還獎，唔係催歌

在你的左右 2024-09-23 09:04:45

在你的左右 2024-09-23 09:05:21

Lesile去咗天國玩lu

也真的只怪太軟 2024-09-23 09:44:30

小弟移民咗去英國，夜晚半夜兩點，出面落住大雨，突然有感而發。
軒仔，多謝你搞左fans meeting，雖然我係英國嚟唔到，但好多「羅賓」都可以同你見面，我戥佢哋開心。
Leslie 去咗彩虹橋，你要take care同振作呀。
你終於肯hidden cove update下自己嘅近況，作為歌迷，當然樂見
軒仔，如果你仲記得你係一個歌手，你曾經嘅音樂係比到大家好大嘅力量。你講到幾位朋友都受到癌症等唔同疾病影響，你嘅祈禱當然重要，但你嘅音樂對大家嚟講更加重要，你嘅一首歌，一句歌詞，給予大家嘅力量，遠遠比你想像中大得多。你曾經承諾推出嘅專輯，俾咗好多希望我，日盼夜盼，生活好苦好沉悶，但諗到你話會出專輯，就有一種諗法「頂埋佢啦，可能聽日有得聽軒仔新歌」。曾經嘅我喺多麼期盼明天嘅來臨，因為我知道我可能會等到，但結果每朝起身都係失望，自此呢個諗法就逐漸消失
我好感恩，你23 年3月161718號喺倫敦開咗三場好精彩嘅演唱會，我睇咗其中一場，你首場嘅隱形遊樂場的確俾咗好多希望同力量移英港人，我作為一個張敬軒嘅歌迷，真係好想佢會出多啲歌去鼓勵大家，我一直等一直等。等咗一年半啦，等到嘅就係七個版本嘅隱形遊樂場，同埋一首青春告別式，就冇啦。
你給一個承諾俾咗好多人一個希望，但你親手地摧毁緊你個希望
你自己都寫過呢句歌詞啦「每當我閉上眼我總是可以看見失信的諾言全部都會實現」
我依家就係呢個感受，好想同你講一句：「說好的你怎麼你不要忘記了」
我睇YouTube片，你講過你見到中環好多空鋪，捉唔到呢個城市嘅節奏，我明白。但大家都要繼續生活，繼續有人會失戀，有人會受情緒嘅困擾，有人會受到病魔嘅折騰，每一種類型嘅歌都係需要嘅，你作唔同旋律嘅歌，都會幫助到唔同需要嘅人，我希望你明白啦。
我只係鍾意聽你嘅歌，我鍾意你聲音嘅磁性，live 嘅演繹，或者你嘅唱腔我都好鍾意。album 入邊有你80首嘅歌，唔同version都有啦。每日沖涼搭車得閒就不停播不停播，呢個pattern 每日重複咗兩三年，真係有啲厭倦，但我又唔想轉聽第二個歌手，因為你嘅音樂的確有吸引人之處。希望你盡快可以有新歌令到廣大嘅歌迷有更多選擇啦。
軒仔，知道你仲有一個月又開show ，預祝你個show先
但希望你知道，你嘅音樂會帶俾樂迷一種力量，作為歌手，陪伴樂迷最好嘅方法就係透過音樂
我每日都期待你將來可能會出嘅新專輯，希望有朝一日會等到啦

盼望妳哭出理智 2024-09-23 09:59:06