張敬軒 HINS (155) 找唔到數請還獎，唔係催歌

elaborated版本 唔po threads 反正有絲打好叻cap圖

人嘅時間都係有限，一年365日大家都一樣
就好似佢個雅比斯講咩事都唔係冇選擇嘅，只係priority優先級安排而已
時間有限 梗係件事對自己priority越高分配嘅時間精力越多：

屋企人最重要 完全冇問題 我覺得就算屋企人冇事也應該擺第一
關照自己情緒 休息散心 很重要
關心身邊工作人員為行業培養下一代人才 很重要
履行對公司客戶嘅承諾拍廣告接商演開演唱會賺錢 很重要
出席時裝活動出席品牌活動出席馬場活動站台做嘉賓 很重要
裝修屋企整理倉庫籌備二手賣物會（千幾蚊賣一條粉晶摩根石） 很重要
⋯⋯
當然也可以話，歌迷對佢真係特別重要，佢超級重視對歌迷/大眾嘅承諾
但佢就係冇時間，好無奈，好內疚，好自責，但應承歌迷嘅嘢一項都做唔到（甚至也冇任何想要彌補嘅gesture）

求其諗可以有咩gesture
佢可以就咁錄啲清唱cover po係HCFC個網站？
手寫啲聖誕祝福/感謝信嘅相 po喺HCFC個網站/send email畀會員
私服錄段video message po喺HCFC嘅網站？
⋯⋯
（但我覺得都唔會做，因為只po喺會員網站冇曝光=冇PR價值=冇回報）
（所以佢揀最effortless嘅方法：深夜兩個鐘講野live）

希望take care 繼續做佢覺得重要嘅嘢 粉絲也一定會支持佢

絲你講得好精彩
精彩到唔識覆你
我真係好想你tag佢同娛記

將心比己啦 你講到佢咁假 你脫粉啦咁辛苦
我唔覺得佢賣水晶鏈千幾蚊一條有咩問題
第一佢係慈善形式 第二係買佢嘅信心保證

你知唔知宜家出面水間巿場有幾多假貨？你知唔知呢幾年水晶價值飆升得幾誇張？因為有好多礦場原石都開始斷層 所以靚嘅水晶原石都十分之貴 而你所講佢賣嘅千幾蚊條粉晶摩根石 絕對對得住佢ntf 個售價

第三係宜家張敬軒嘅價值

佢肯定無睇到今日threads有個賣水晶嘅店主話牙軟做爛巿 話已經生意難做仲賣到咁平搶同行生意 你就知佢D靚貨賣得有幾平

要賺錢會去做音樂同出碟？
如果佢係楊受成個仔/英皇集團承繼人
肯定俾楊生屌到反艇
再重新教佢點學做生意

你講到首以你命名的恆星不存在咁
佢係咁功利
首歌咁好聽 一早應該派台
唔應該自私淨係同會員分享啦
年頭生日會 年中雅比斯
兩個會員免費活動
呢啲算唔算係你要嘅gesture?

其他商業活動應該都係一早簽咗約
一定要去
唔知聽邊度講 佢今年已經推咗好多活動

其實你點解唔嘗試put yourself in his shoes 喺佢嘅角度諗
佢係特登走數？
你會唔會應承咗咁多香港樂迷之後特登走數？
走數搏俾人鬧？
點解你唔相信佢係有苦衷先會走數呢

琴日個live佢交代晒自己走數嘅事，我覺得可以接受啦，做人最緊要有交帶，尤其是係公眾人物
之前粒聲唔出，走數，又唔解釋啲人先鬧佢啫
你解釋清楚自己有苦衷，街客或者fans接唔接受係一回事，起碼張敬軒有解釋有道歉，真係唔可以要求咁多
唔知你有冇試過做某啲事之前特別感性，有一晚特別感性想講多幾句、就好似春秋「那夜誰將酒喝掉，因此我講得多了」
你咪當張敬軒有好大重擔，有一晚無端端講多咗兩句囉，唔使做PR嘅
反而live之後見到啲新聞話「張敬軒好人好事｜甄詠蓓撰文感謝張敬軒薪火相傳、為工業意外傷者送飯送湯 盤點Hins暗中行善5件事」嗰啲PR味真係好濃
係咪英皇寫我唔知啦，張敬軒知唔知有PR咁樣寫我唔知啦，但係張敬軒係自己嗰part，琴晚道歉解釋返，叫做對得住啲fans同投咗佢票嘅人，我又唔係覺得為今年拉票
反而我覺得你可以challenge 佢嘅位係，大把人返工期間都有親友去世，都有小動物去世，咁唔通呢類人全部都唔返工唔做嘢？老闆叫咗佢做嘅嘢佢又唔做？一句小動物走咗就推晒自己所有錄音嘅project，走晒數，非常之懦弱。
你的確可以咁樣challenge 佢，咁佢琴晚都影咗衰仔，覺得自己懦弱，覺得自己不能原諒，咁做fans做街客可以點啫
一係接受佢道歉，等佢下年出嘅音樂，一係咪脫粉囉，覺得佢個人好虛假
但我就覺得佢起碼肯承擔，前幾年佢走數可能好輕佻又話軒曆，又冇咗件事
但今次佢開live解釋，街客睇唔睇晒喺佢哋嘅選擇，但舊年投咗去票，我琴晚聽到佢嘅解釋，我選擇接受，並期待佢出年嘅音樂

我係楊生我會首先要佢每年開200場演唱會
跟住剩低65日日日出function
Hcfc同埋avon即刻摺咗佢
hcfc啲內部飛全部攞晒出去自己做牛牛炒
做音樂出碟？你唔好發夢啦

你講嗰幾個gesture我先唔會「袋住先」
我都唔係小朋友，唔需要呢啲嘢氹住先
之但係唔代表佢冇做你所講嘅嘢
清唱嘅話佢前幾日threads都有做丫
私服錄嘢佢呢一年ig story/hidden cove嗰啲大把
只係平時你睇落覺得佢做呢啲嘢係好平常好應份
冇好明確咁話俾你聽係咩目的所以你醒唔起
開ig live就係PR, 咁佢以前由2016年起所有ig live/facebook live都係PR? 咁你應該要一早脫粉喎

其實如果真係咁睇佢，不如考慮唔好再追？其實佢可以唔開呢個live，一樣會繼續有人支持佢。佢唔講，又有人話做走數無解釋，佢選擇解釋俾大家聽，你又覺得佢假，做大龍鳳。咁其實佢點做你都唔會滿意。

首先用佢名義炒起avon
再逐件console、mic、compressor 放出去
放哂哥哥啲母帶出去
嘩呢度都執唔少啦
仲和味過開演唱會 唱到聲帶都爛
做歌？求其入幾首demo
喺屋企求其一支咪錄完
再後期求其落幾個effect就出得啦
一年出6,7首唔係問題啦 男金攞硬
洗乜搞咁多冇人識嘅航空母艦console
反正出到嚟都係$8一首歌之嘛
反正而家出完歌啲人都係一個字：悶
搞咁多嘢做乜
同埋唔好理alberose 喇
放手一身輕 執返哂啲嘢返一個屋企咪算
仲同佢嘥錢嘥時間執呢樣執嗰樣
同埋dancer啲ear mon應該個個收返佢哋錢
佢做啲CIEM應該每隻幾千走唔甩
嗰度十幾個dancer應該可以收返十皮
仲有上環office同avon租都可以send返啲invoice俾人

佢地冇諗過要滿意，總之冇出歌就係唔啱，解釋就係狡辯同博同情，冇解釋就潛水，好商業唔履行當初嘅承諾解釋又好唔解釋又好，都千千萬萬個理由去人格謀殺佢

但係從來唔會諗下軒咁耐都係自己一個人住，父母又唔係香港，都係叻li陪足佢咁多，亦都病咗幾年 ，知道可能隨時會走要抽多啲時間陪佢都好正常，日日隨時on call，仲有一早schedule咗嘅工作，仲點抽到咁多時間做更多嘅野