撻訂追差價 仲蝕過樓價跌幅

唔撻加息咪一樣死

我記得當時有傳會追差價, 我公司個同事仲好大聲講:沙士都冇追啦, 驚咩

班友係無經驗定點
市差就算要買都只可以買2手
買1手破產都似

無情白事破產好好玩咩

如果收唔到傳票 就好難知道要出庭 特別係當個人都唔係香港時

破產好過

咪玩啦 人哋有權唔追 僥倖心態咪會令你輸囉
今時唔同往日
以前香港樓 因為經濟差跌 你可預期 但今次跌市係加息 經濟差？發展商咁諗未必追
但都貼到成本價 你覺得佢追唔追
冇錢賺起磗頭白做？ 上下成村咁多人出糧 孭咁大條數冒咁大風險連個銀賺唔到個 你仲起唔起樓？
買家老破一件事 發展商冇錢搵就唔會放過任何機會
同埋只要追幾單 就防止後嚟班友玩撻訂
你明知呢下輸得仲多 你話就話止蝕姐 你一時呢成球射落海喎 你制唔制 輸住都要供起碼有舊嘢返

唔出庭，告果個係可以開任何條件，當然要合理啦
咁被告果個唔出庭，即係唔反對啦

成件事一開始就係民事，點樣變刑事？
香港差人錢唔會比人拉

成個香港又細洗腦洗到大
一定要買樓 租樓唔撚抵
但完全唔教買樓既風險
完全係人礦製造場

講call loan 就有人駁嘴 唔會既
講利息 就唔撚識計
槓桿幾多 又唔撚知
咩都唔撚識 總之買樓就啱 癲撚過邪教狂信徒

跌 撻訂 追差價 重售
不斷輪迴 發過豬頭

呢個真係飲恨 有機會走

股票炒孖展 = 危險
買樓9按 = 叻仔 / 成功人士

有朋友食個飯50$都話貴
但買樓咁大筆錢諗都唔諗
勁突然就車落去

總知撻訂就預左要走佬

英國都係誠哥勢力範圍，所以要去非洲

佣金點解得3%咁少？ 唔係30%-50%咩？

我講drpp to zero 唔係話即使會drop to zero 都好抵供，只係講買樓就係佢點跌，間屋本身就係一樣有實際用途嘅嘢，雜費方面，你考慮買樓嗰日已經一早預期要支出嘅錢

呢個post 係講樓主覺得撻訂比人追差價蝕過樓價跌幅，而家新聞提嘅呢啲情況都係呢幾年內落訂買新樓嗰啲case，維修應該唔係近廿年要面對嘅問題

利息唔拗之後加定減，以而家呢刻，借五百萬還大約二萬三四，同類新樓可能萬五蚊租，就算你比租樓付出多一萬蚊一個月，呢一萬都至少要跌足接近十年先追平你比發展商追嗰一球

至於機會成本問題，定期就係你本越大個回報先影響得你多，如果你買個上車盤六百萬，高成數做九成按計埋雜費個本一百萬內，呢一百萬定期你一年收幾多？而家有冇5%？送多1%比你一年有六萬蚊息收，萬五蚊個月租嘅樓一年要租十八萬，你個本都一樣扣緊

如果你堅持要講買二千萬樓拎一千萬首期出黎話嗰一千萬可以點定期，我覺得係為拗而拗，你拎得一千萬出黎比樓價一半嘅首期，而家普遍出面跌兩三成，你撻完比人追多三球，計計埋埋前後都比左樓價三分二，真係會撻？

呢個post 嘅前題底下越貴嘅樓越冇討論價值，因為會撻嘅十個八九個都係高成數按揭嘅上車族，你用一千萬做本嘅例子去講買樓對比收息係兩班唔同嘅人，而家出面班人咁驚就係因為佢地辛辛苦苦儲𠴱份首期已經係佢成款身家，追佢差價幾乎要佢嘔多一份首期出黎，搞唔掂就破產

我講嘅只係基於呢刻破產慘過你捱住供搏下將來個市，息會唔會有好轉，即使退一步講供樓供唔掂都係老破，同你新屋門口都未入就破都爭得遠

「利息支出」係咩嚟？

「管理費」又係咩嚟？唔係賣樓花咩？未有得住已經有管理費？

真係逐條逐項計清楚哂，一個仙都唔會蝕俾人

呢d細項肯定有得打
問題係就算打得甩, 你成本可能仲大過賠足

利息：原業主最後決定唔買果日同重賣後日期，中間產生既利息開支。呢一點針著點係利率佢計P+2
。

管理費：管理公司既費用。原業主決定唔買日期至新成交日果段時間所交既管理公司管理費。呢個針著點就係發展商有無代原業主俾過，又或者係跟本唔使俾。

15個業主 委託同一個律師咪得囉
打甩一兩個細項 堂費除15 可以打個和既
係唔知呢種 有冇得劃一處理

個個都走去撳破破產， 好快玩爆

只有細訂可以撻訂

大訂 嘅 “撻訂” 其實係計毀約， 因為俾大訂果吓會簽埋 正式買賣合約。 簽果下法律上認定交易已成立，餘下的只係各方按約履行嘅義務。

毀約嘅話另一方係有權向毀約方追究一切損失，除非約內另有條款限制毀約時雙方賠償範圍。