【重甜】【明就明唔明就黎明】《XG快落》(3)

1001 回覆

6 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2024-08-02 15:00:11

上回講到綽廷俾鏡中嘅自己嚇親！
嚇到連微微話想曳曳都冇Mood曳！
微微見綽廷唔得，就叫佢Check Check啦～自己就去搵華哥玩～
邊係唔得姐？綽廷有幻覺咋嘛！
諗住專心做嘢！點知就覺得好多嘢做！做極都唔完！
點會咁㗎？明明時間好充裕！但就對時間好似好陌生咁！唔知過得快定過得慢！
而且仲聽到微微同華哥搞緊嘢喎！
有幻聽添吖？
擰轉頭仲睇到微微俾華哥後入！
佢哋兩個又好似睇綽廷唔到咁！
咩事呀？！
唔止有幻覺...
“啪啪啪滋滋啪滋滋啪滋啪啪”
仲要有幻聽！
唔得喇...唔得喇！
綽廷真係頂唔順！一起身就衝出Office！
唔得呀！綽廷唔要留喺呢度吖！佢要離開...要逃走！
綽廷起勢咁撳𨋢！
『快啲...快啲...快啲呀！』撳到𨋢掣都就嚟爛！
終於都有𨋢上到嚟！
綽廷一衝入𨋢就立即閂門！
走吖...走吖！有咁遠走咁遠呀！！！
當部𨋢一落到嚟地下大堂...打開𨋢門嘅一刻...唔係熟悉嘅光鮮時尚空曠大堂...
而家喺綽廷眼前嘅係...殘殘舊舊...細小...破爛嘅大堂...
跟住既劇情發展又會係點呢？

準備出文

飛揚 2024-08-02 15:00:25

[Day 05－加劇惡化] PART 03

我行出一步...再行前一步...

成個大堂...一眼睇晒...同原本嘅大堂...而家就只有...原本嘅十分一？廿分一？都唔知有冇...

總之就係細到乜咁...

而且天花上嘅光管又閃爍閃爍...啲牆身勁污糟...又勁多裂痕甩晒灰咁...

再望望啲天花...牆角...都佈滿蜘蛛網！

仲可以睇得好清楚...成隻手掌咁大嘅蜘蛛！喺度食緊唔知係曱甴定乜！

痴撚線...點解可以污糟成咁？！

飛揚 2024-08-02 15:01:48

我後退一步...就已經貼咗埋牆！

回頭一望...就望到個電子水牌又係閃爍閃爍...啲色都變晒...

我行近啲睇清楚...掃兩掃又碌兩碌...卡頓勁嚴重！

根本就係壞嘅！點用吖？

然後我回望櫃檯，裡面個空間又勁細勁窄！兩個女仔就迫埋嚟坐！

而嗰兩個女服務員個樣勁殘勁大個眼袋又成面粒粒勁樣衰咁！

邊位呀？咁樣衰坐喺度做乜呀？唔係一直都係啲靚女嚟㗎咩？！

兩個女仔睇起上嚟已經攰到乜咁嘅樣...但就面帶笑容...

咁樣睇就更加詭異！

呢度係咩地方吖？究竟我去咗個咩嘅鬼地方吖？！

飛揚 2024-08-02 15:02:49

“吱吱”有隻貓咁大隻嘅老鼠咁啱就喺我腳邊行過！

『嘩！』我驚到立即跑出大門！

跑嗰陣都唔覺，跑到出去回頭一望...先發現玻璃大門塊玻璃係冇咗！

再望上大廈...本來係全玻璃幕牆嘅高級商業大廈...但而家眼前嘅係...又殘又舊...外牆甩晒灰嘅單棟式商業大廈...

點解咁㗎？就只係好似牙籤咁...

唔止我哋呢棟...旁邊嗰啲貼住嘅都係...甩皮甩骨...好似日久失修嘅危樓咁！

痴咩線吖？咁嘅危樓...會唔會太危險？

「而家返緊去喇～」身後有把女仔聲...

我回頭一望...就望到有個勁瘦又披頭散髮嘅女人啱啱就行緊過嚟！

飛揚 2024-08-02 15:04:29

「係吖～今日想早啲返吖嘛～」個女人應該係講緊電話...行過我身邊之時...仲聞到佢身上勁臭咁！

睇佢衣衫襤褸咁...對高踭鞋又甩咗一邊踭咁...又好似十幾日都冇沖過涼洗過頭咁！

然後就睇住個女人就穿過冇玻璃嘅玻璃大門，行入大廈！

想早啲...早啲有幾早吖？

我望望手上隻錶...本來係名貴腕錶...而家腕上只係一隻個Mon爆咗，顯示唔到畫面嘅電子垃圾！

我除咗隻電子垃圾一手就掉落地！

再喺褲袋拎部電話出嚟！一睇個Mon又係壞咗！

想睇而家幾點都唔得...

而且部電話...又厚又大部！

咩電話嚟㗎？

飛揚 2024-08-02 15:05:45

我擰擰頭咁袋返部電話...然後轉身行...

喺條又凹又凸又多窿又裂撚晒嘅行人路上行...周圍都勁多垃圾同雜物！

我左閃右避...但啲途人就直行直過...踢到撞到都唔覺係咩一回事...直頭好似見唔到咁！

而且佢哋個樣...個個都殘到好似成個月冇瞓過！衣衫襤褸個身又臭！但係又面帶笑容咁...攰到癲咗咁笑到好開心！

咁嘅Look應該係死口死面先係...而家笑到咁嘅樣就更詭異！

再加上周圍嘅環境...滿目瘡痍...污糟邋遢...勁多老鼠曱甴行過走過！

呢度究竟係咩地方吖？到底發生過什麼事？點解我會突然嚟咗呢個地獄㗎？！

飛揚 2024-08-02 15:07:07

我抬頭望上天空...見到好似有一部部...Drone？

細細部咁嘅白色三角形Drone仔...有紅藍燈仔喺左右角一閃一閃咁...喺天空上飛...

一部又一部...就喺我頭上都已經有三四部咁慢慢盤旋...

點解會有啲咁嘅Drone㗎？平時都唔見嘅...用嚟做咩㗎？！

有呢啲Drone喺頭上飛嚟飛去都唔夠奇怪...最奇怪嘅係喺身邊...有啲著住綠色大褸...戴住防毒面具嘅人！

一個又一個...著住綠色大褸戴住防毒面具嘅人喺身邊...行又有...企又有...

咩人嚟㗎？咁奇怪嘅？平時都唔見有...

只見啲防毒面具人行埋去啲途人睇睇...又行近啲睇緊櫃窗嘅途人身邊睇睇...

啲途人又好似睇佢哋唔到咁！仲係做緊自己做緊嘅事！睇緊自己睇緊嘅嘢！

咩事吖？佢哋係咩人嚟㗎？啲人又做乜好似完全當正啲防毒面具人透明咁㗎？！

飛揚 2024-08-02 15:07:35

『冇事㗎...冇事㗎...』

我轉身繼續行...

『幻覺嚟姐...』

頭耷耷...

『只係幻覺...係幻覺...』

啲防毒面具人好似望咗過嚟...

『所有都係幻覺...幻覺...』

越嚟越多...一個又一個防毒面具人望咗過嚟...望住我...

『唔係真㗎...唔係真㗎...』

飛揚 2024-08-02 15:08:08

我繼續耷住頭咁行...行快啲...再行快啲...

啲防毒面具人開始向住我嘅方向...行埋嚟...

『冇嘢㗎...冇嘢㗎...』

我再行快啲...耷住頭咁行得再快啲！

幾個防毒面具人就行埋嚟...走埋嚟...

『冇嘢㗎...幻覺喇㗎咋...冇嘢㗎！』

我開始跑！

幾個幾個防毒面具人就追住我！

飛揚 2024-08-02 15:09:41

『冇嘢㗎！救命呀！救命呀！！！』我起勢咁跑！又嗌晒救命！

但啲途人又好似聽唔到！又發現唔到！就算俾我撞到都好似冇嘢咁！

做咩吖？點解呀？咩事呀？！

我跑唔夠幾步，就俾防毒面具人從後撳我落地！

『嗚呀！救...救命...嗚...嗚！』防毒面具人壓住我背脊！跪住我條頸！

我好似抖唔到氣咁！

俾幾個綠色物體圍住！只係隱約見到啲途人望咗我一眼...又好似冇事又唔使關心咁多咁繼續行...做自己嘢...

飛揚 2024-08-02 15:10:33