【重甜】【明就明唔明就黎明】《XG快落》(3)

1001 回覆

6 Like 2 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

格躺 2024-07-31 10:17:48

飛揚 2024-07-31 12:16:06

越嚟越C伏

飛揚 2024-07-31 12:16:30

飛揚 2024-07-31 12:16:42

木各身尚早

駐連燈首席美軍 2024-07-31 13:31:26

越嚟越多真相

公司啲電腦就用自煮燃髮嘅90nm晶片做

飛揚 2024-07-31 14:18:05

有冇咁新都成問題

逝去的青春 2024-07-31 14:29:55

飛揚 2024-07-31 14:37:34

青春

飛揚 2024-07-31 19:00:20

上回講到綽廷諗返尋晚喺露台中出完晴晴，沖涼又後入中出～
插住咁出返嚟喺床邊又係後入中出～
全日都玩後入中出勁爽皮～
然後又出現幻覺！
見到曱甴老鼠！啲水仲要係黃泥水咁！
嚇鳩到綽廷掉杯！
晴晴都醒咗，問綽廷咩事？係咪有幻覺？食粒藥先啦～
食完藥好似好啲...都係好似平時咁啦～
然後就送晴晴返學～
但係喺駛去學校期間，又出現幻覺！
啲車唔止殘殘舊舊...仲好慢吖...行得勁慢...條路又窄...仲要爛嘅！路面勁多窿！又多裂紋！
綽廷都感覺到我哋架車不停咁Un吓Un吓！屁股都痛！
佢哋架車...佢哋架車...係喎！
綽廷睇清楚啲佢哋架車...當綽廷留意返自己架車之時...又好似...正正常常咁...
「你點吖？」晴晴皺住眉咁打量住綽廷，「又有幻覺？」
『我...我...』綽廷望到車廂裡面...就好似平時一樣...國寶級跑車嘅格局...
被真皮同碳纖所包圍...
就連出面...我望返出面...啲超級跑車都係喺廣闊嘅高速公路上飛馳...巨型貨車都安全行駛...
點會...頭先...
「真係好嚴重咁喎...」晴晴幫綽廷拎咗樽藥，「駛唔駛真係去做返個檢查吖？」
好嚴重...嚴重到...真係要...做檢查？
跟住既劇情發展又會係點呢？

準備出文

飛揚 2024-07-31 19:00:43

[Day 05－加劇惡化] PART 02

我接過晴晴樽藥，食返粒：『應該冇事嘅...食藥就冇事...』

「真係？」晴晴皺皺眉咁打量住我，「政府有宣傳話如果幻覺嚴重，要立即去做檢查㗎喎...」

『唔係好嚴重姐...都唔係好嚴重姐...』冇事嘅...幻覺嚟㗎姐...嚇我唔到嘅...

「唔係喎...政付話明...」我冇等晴晴講落去...

『都話咗我冇嘢咯！！！」我勁大聲咁嗌出嚟！

晴晴嚇咗一嚇！呆咗咁望住我...

『Sor...Sorry...我唔係有心...我...我只係有少少緊張...其實冇事...』我唔應該...唔應該咁大聲...

「嗯嗯...唔緊要～」晴晴帶住天真無邪嘅微笑擰擰頭，「你冇事就最好～」

『嗯嗯...放心啦～食咗藥就冇事㗎喇～』唔好諗咁多...

「嗯～」

飛揚 2024-07-31 19:02:15

冇事嘅...冇事嘅～一直都相安無事～唔會無啦啦出事～

雖然政府係有宣傳話萬一接種疫苗後，經常出現幻覺，就要立即接受檢查...

之但係咁多年嚟，相關個案都只有1%以下...

呢個數字係微乎其微...

又點會咁好彩輪到我～

我都只係偶然出現幻覺姐～冇事嘅～冇事嘅～

“吱～吱...”當我哋架車自動停泊喺學校門前...

『返學小心啲喇～』我摸一摸晴晴個頭～

「知道喇～你...」晴晴有啲擔心咁打量住我，「再有幻覺記得食藥喇～」

『嗯～知道～聽晒你話～』我再摸摸晴晴把秀髮～

「咁放學見啦～」晴晴錫淡我～

『放學見～』

飛揚 2024-07-31 19:03:01

目送住晴晴落車行入校門口...

望住晴晴嘅背影越行越遠...然後...突然！間學校變得又殘又舊！

又...又有幻覺...

我立即拎起樽藥！啪返一粒！

合埋對眼！緊緊咁閉起雙眼！

冇事嘅...冇事嘅...食咗藥就冇事㗎喇...

我慢慢咁打開雙眼...

學校都係光鮮...新淨...冇穿冇爛...

冇事...冇事啦～一切都正常吖～

係囉～食藥就冇事～有事就食藥～

好～好！返工...要返工喇！

飛揚 2024-07-31 19:03:58

“吱！吱～”我以自動駕駛駛返公司。

我都拎住樽藥...望望出面...高速公路...

一突然見到啲爛車出現...就立即啪返粒藥先！

冇事...冇事...有幻覺就食藥！

一見到啲甩皮甩骨嘅巨型貨車左搖右擺，裡面啲貨就快飛出嚟咁...又立即啪返粒藥！

閉起雙眼...放鬆...放鬆...盡量放鬆...放鬆～

再慢慢睜開雙眼...望吓出面...望吓條高速公路...又闊又完整...

再望吓啲巨型貨車...冇甩皮甩骨...

又有開住蓬嘅超級跑車飛過...

冇事冇事...食藥就冇幻覺...

飛揚 2024-07-31 19:04:51

我都合埋對眼...聽歌...

聽完一首...

“擁抱基本法二十三條，鞏固國家政權安全...”

又係啲宣傳...

“佛洛疫苗安全可靠...”

又係呢啲宣傳...

“準時接種佛洛疫苗，有幻覺要立即檢查！”

『夠喇！！！』我一手拍落個Mon！

嘈嘈嘈...嘈夠未呀？！

飛揚 2024-07-31 19:06:11

煩唔煩㗎？每聽完一首就要聽埋啲宣傳！

已經去到邊都聽到㗎啦！想靜靜地聽吓歌都唔得！

做乜要咁吖？點解要咁吖？聽咁多做乜吖？係唔係戇鳩㗎？！

『冇人想聽呀！』我熄晒啲音響！唔要再聽到啲宣傳！

然後心跳又勁快咁！無時無刻都Feel到...好似下一秒就會出現幻覺...

拎實樽藥...有幻覺就立即食藥！

“吱～吱...”自動泊車系統泊返好架車之後，我都立即衝返上公司！

飛揚 2024-07-31 19:07:06

一坐低開著部電腦...就見到個Mon閃吓閃吓咁！

『做咩吖...做咩吖？！』我拍拍隻Mon...

隻Mon除咗閃吓閃吓...仲變得殘殘舊舊...勁污糟邋遢！

舊款嘅爛Mon...有掣...仲要甩咗嘅...

唔止隻Mon...張檯...原本每日都執得乾淨整齊...而家又細又殘...爛嘅！仲有蜘蛛網！有曱甴行過！！！

『嘩！』我嚇到彈一彈起身！

啪返粒藥...啪返粒藥！

我喺樽藥一倒...就倒咗幾粒藥出嚟！一次過啪！

飛揚 2024-07-31 19:08:06

閉起雙眼...冇事嘅...冇事嘅...

再慢慢睜返開雙眼...張檯都變返乾淨整齊...隻Mon又冇閃吓閃吓...仲係最新款嘅！

冇事...有事...食咗藥就冇事...都係去沖杯咖啡先！

我個心跳得勁快咁行，沿途都冇乜異樣...冇幻覺...

飲返杯咖啡...食完藥飲返杯咖啡...食住藥飲咖啡...

一入到休息室，立即拎返樽即沖咖啡粉！

就好似平時咁，𢳂一羹...再𢳂一羹...𢳂完三匙...

有咖啡粉...冇事...好正常！仲好正常！

飛揚 2024-07-31 19:08:50

斟埋熱水沖好杯咖啡...就食多粒藥！飲一大啖！

『嗄...』有幻覺就食藥...食咗藥都要準時食藥！

我望住杯深啡色嘅咖啡...再拎起大半樽咖啡粉...望望...望清楚...

慢慢咁冷靜落嚟...個心冇跳得咁快...開始平靜落嚟...

我深呼吸一口...再一口...

突然...有人喺我背後拍一拍我膊頭：「早吖綽廷～」

我擰轉頭一望！

飛揚 2024-07-31 19:10:00

『早...早吖微微...』原來又係微微...

「嘩？你做咩吖？」微微打量住我，「塊面咁青嘅？」

『吓？吓...我塊面好青咩？』真咩？

「係吖...」微微拎走我手上樽咖啡粉，「成塊面都青晒喎...唔信你照照鏡喇～」

『哦...哦...』我行埋去塊鏡照照...

當我一照到塊鏡...望到鏡裡嘅人...又殘皮膚又暗啞...眼袋又黑又大雙眼無神勁憔悴咁！

呢個...呢個鏡中嘅人...係邊個呀？！

飛揚 2024-07-31 19:10:34

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～