父/母因病離世請入..一周年好難頂

Grief is the price you pay for love,我一直都記住呢句，
時間係沖淡唔到喪親之痛，只係你自己慢慢慣左呢種痛

唔洗唸咁多
一，繼續生存
二，你慢慢繼續痛苦

我媽走左半年 佢一直好想抱孫
遺憾爭一個月個孫就出世…
成世仔對佢都好差 屋企關係都唔好
只因佢搞左好多野導致屋企咁
但始終都係呀媽 好難釋懷
由其是呢刻做左人父母先知真係艱難

非常認同，時間完全沖淡唔到，只有習慣個種痛。每次諗起我爸爸，個心就好似空虛咁。 好難相信我已經冇機會再同佢講嘢。

有冇人諗過結束自己生命，早啲去世界另一邊團聚？

只有時間幫到你

突然見到佢生前用過嘅杯已頂唔順

真啊

人が「満ちてゆく」のは、
何かを得たときではなく、
何かを手放したとき…
手にしたときこそその価値を見失ってしまうものであり、失った時はつらい。しかしそれを受け入れ、自ら手放したと捉えられたときに不安もなくなり、軽くなる、心は「満ちてゆく」。

當一個人變得「充實」時，
不是當你得到某樣東西時，
當你放棄某件事時...
只有當你擁有它時，你才會忘記它的價值，當你失去它時，你才會痛苦。然而，當你接受它並放下它時，你的焦慮就會消失，你會變得輕鬆，你的心會變得「充實」。

換個諗法 老人家唔洗再受病苦都係一種解脫

好耐之前係連登有個post 見到人分享，講得好啱，個份感覺其實無少到

我老豆喺我廿歲嗰年癌症走咗
但我諗同你嗰種感覺會有唔同
老母通常係提供情感支援 而老豆就係賺錢養家
我老豆走咗 我就變咗家庭唯一經濟支柱
（老母喺我好細個時出過意外 無工作能力）

我最大嘅感受係個人變得好堅強
每當覺得捱得好辛苦嘅時候
都會諗起佢第一次話俾我知患癌時 要我唔好喊、要堅強
餘生就係帶住佢臨走時俾我嘅教誨
負起責任 好好照顧自己同老母

由佢斷氣嗰一下 我已經無再為佢嘅離開而流眼淚
因為我知我要照顧咗我老母 佢一定比我更加傷心更加難面對

反而呢幾年差唔多步入中年
都會幻想吓如果老豆唔係咁早走
有無機會兩仔爺隊吓啤 講吓麻甩佬經

但呢啲機會無咗就係無咗
最重要嘅係記住佢生前教過自己嘅嘢、留俾自己嘅課題
記住呢個人 帶住佢俾我嘅回憶、教訓 好好生活落去
俾佢以另一種方式長存喺呢個世界
咁樣對我嚟講就係一種最好嘅悼念

我嫲嫲80幾歲+走得都算冇痛苦+本身好多長期病患死左反而解脫+走左已經5年
但就算咁既package，依家有時夜深人靜諗起細個佢帶我返學去玩d點滴
都仲係忍唔住嗌幾聲嫲嫲
我諗除非係d仆街親人走咗先會完全冇feel

保重🫂

咁我癲啲 凌晨死老竇 朝早返新工第一日
之後朝早死老母 仲諗住照返工 跟住俾啲親戚話我兩句之後先識請假

不過呢啲都冇得值得自豪 只係當刻選擇用工作嚟逃避

樓主加油呀

覺得好多嘢都冇所謂 呢樣真 以前會對搵到幾多錢好執着 而家有能力搵到多啲錢 都寧願做份少啲工時嘅工 好多嘢都唔再執着 舒服就得