stephy 個問題係啲野唔去試就自己認定咗唔得先,當然呢樣係佢原生家庭加埋前男友對佢瘋狂否定而形成嘅性格,呢種性格亦通常好撚迷信
其實可能佢肯繼續試,之前畫廊幫佢搞簽證係會成功嘅。而無論佢係求冰姐好、假結婚好定正式走工作簽證都好,起碼個 ending 係講佢踏出咗一步
而 sica 條線其實成長先最大,同埋三個女仔面對嘅困境,sica 係最難最難嗰個。因為一直過慣咗有老公同工人照顧、疑似闊太嘅生活,所以離婚第一樣野諗係搵個替代品令自己可以過返一模一樣嘅生活。去到水伯個 moment 其實有兩個機會但佢都推咗,而去到第四個男人佢諗通咗自己唔想再過啲要依靠男人嘅生活,同埋要正面面對杰杰呢個仔。
成套戲嘅 message 係 move on,與其話佢係套劇,不如話佢拍到似真人騷/紀錄片,其實有啲似之前睇啲移民港人訪問咁
島嶼協奏曲其實唔差嘅,只係咁啱放咗喺差唔多 msg 而且同樣係小品風格嘅無人之境後面,令到所有野都弱晒