有無人有視雪/飛蚊症?

白內障係換晶體唔係換玻璃體

睇過文獻,有啲case同你一樣OCT照到,但amsler grid睇唔到曲線。好奇英文你嘅second option係乜嘢？

呢個手術，你做過一次就唔會再想做第二次。我嗰時貪新鮮試下，康復過程心理壓力好大，做完之後亦唔係百分百變曬直線。

心盲症吧
利申大個先知原來大家可以想像到實物

我合埋眼都係咁 望完啲光嘅野合埋眼會有光嘅殘影
但平時望野又唔覺有飛蚊

唔係萬中無一，我睇眼科個醫生話依家好多後生有，暫時無得醫，未必關眼事，有機會係個腦signaling 嘅事。不過，飛蚊還飛蚊，視雪還視雪，2回事。

請問心理壓力係邊方面？

兩樣都有,不過who fucking care慣撚咗當佢冇事

Second Opinion, 診所想醫院再check 多次confirm

清醒嘅情況，睇住醫生做手術，係眼球拮三個斗，一個插燈，一個出水入水(洗走晒D玻璃體)，另一個鉗入去夾夾夾，好似夾公仔咁。雖然冇左玻璃體睇唔清楚，真係好清楚見到醫生擠啲染料入眼球，又見到血管唔小心穿咗啲紅血球走曬出黎。康復過程須然話六個禮拜好返，日日睇住眼球由100%氣體到入多小小水，一日多啲一日多啲，水浸到一半，最後剩番一個大氣泡。

但係因為做完手術瞳孔全部瘀血，即使換咗人工晶體，睇野好濛，你想像一下，好似望住一個半滿嘅圓形金魚缸，上一半睇唔到嘢下一半又睇到少少野，心情都好沉重。

風險大嗎

咁又係 習慣成自然.

非常感激仔細描越

咁完全康復之後係咪清晒？仲有冇睇魚缸咁？或者其他？

最簡單嘅說法：六個星期後眼球裏面嘅氣體畀身體完全吸收，入滿水之後，飛蚊又洗走曬，人工晶體又換埋，睇嘢好清楚，過咗七，八年，暫時冇乜嘢明顯問題，就係曲視嘅問題改善咗但冇回復到完全直線。(更換人工晶體後好快生左塊膜(2ND cataract)，期間用laser打穿佢，淨返幾粒黑色殘渣，久不久會見到喺眼裏面有一粒黑色嘢飄下飄下)
不過樓上師兄話做完玻璃體切除有機會加速老化，我都想參考下佢有冇更加詳細嘅補充。

視雪同飛蚊兩樣野黎的

fing頭 fing散佢啦

我都齊症狀，但去過政府眼科醫院check過，眼壓，眼底，冇事。

其實頸椎問題都會影響視力，出現閃光，黑點症狀。

我都係啱啱飛蚊嚴種果排好撚sad先係咁睇D類似既研究同文, 果陣有睇到講話vitreous 成個成份基本上就係9X%水+抗氧化物, 係用來阻擋自由基去到眼球另一端, 要擋既原因係氧化其實等於令細胞/器官老化, 具體會導致有咩效果我唔太清楚, 不過諗都諗倒唔方好野, 分分鐘比飛蚊仲大件事

而飛蚊之所以產生係因為果D抗氧化物屌唔住氧化, 結構崩壞而黐埋一齊, 當光線照入眼就會見倒陰影

離眼越近會越清析, 越大舊/重疊就會越黑

諗諗下先醒起, 白內障就係晶狀體氧化既結果, 呢個係最直接既影響, 所以全切有D人話係有>40%機率會導致白內障

可唔可以問下換左晶體同以前睇野有D咩分別, 我毒撚一條生存意義就係睇動畫同打機, 雖然而家唔嚴重, 但係都幾影響我做呢d野既心情, 有諗過學你一樣一炮過做

1. 換晶體對飛蚊冇幫助,因為飛蚊係玻璃體到, 即眼球內jelly狀物體;
2. 白內障先會換晶體;
3. 仲有, 人工晶體唔係你身體一部份; 正常人係朦眼可以改變到焦點, 睇野清楚D,換左人工晶體冇左呢個效果。

玻璃體切除算大手術(雖然可以係診所做, 唔洗住院, 隨時可以一野打爆你份住院保險), 如果你仍然年青, 冇其他眼底問題, 個人唔建議現在做。(我估醫生都唔會因為飛蚊同你做)。