有冇人同我差唔多

上年年尾既時候，試過痾屎有血
去咗照腸胃鏡，照完話醫生冇咩事
但過咗一個月痾屎痾尿都有血，入咗醫院瞓咗幾日
淨係抽血，冇做其他檢查就話冇事，叫我出院每兩個月覆診

之後個胃由年頭痛到而家，食咗藥都係唔痛一兩個鐘
痛到唔想食嘢，一日一餐
又試過嘔血絲，又一直痾唔到屎（要用甘油條或者灌腸器先有得痾）
半年輕咗20kg
覆診同醫生講，醫生叫我去私家照pet-ct
照完份report話腸胃有機會吸收咗藥水照唔到嘢
屋企人就叫我去睇私家
私家同我照完胃鏡，而家等緊化驗報告
而家每日就係keep住痛，又好驚自己唔知咩事，好辛苦

雖然我冇試過
但早啲休息啦 巴打
祝你冇事啦

未出報告, 諗東諗西都冇用
盞驚一餐
出左先算

已經幾個月夜晚瞓唔到

其實如果查到係cancer都冇咁驚，係驚啲唔知咩問題
公立覆診由houseman見到consultant
冇人知道究竟咩事

「上年年尾既時候，試過痾屎有血」
D 血係深紅色定鮮紅色？
D 血同大便你覺得勻埋左定睇落分得開？
你依家大便仲有冇血？
你依家大便既顏色正常？
你依家大便時間規律嗎？
你依家大便時間有冇感覺好痛？

純粹問下，你都係等睇報告出，唔好自己嚇自己！

1年尾應該係腸滾加鮮血
2&3而且每次一係有入水，一係有甘油，所以唔肯定，但唔係定正常色，有墨綠，有暗黑，有陣時見到鮮紅色一粒粒既野
4唔用水or甘油，就算食藥都唔係好屙到
5有時有，有時冇

淨係想知咩事，每日都好痛，尤其係食多少少野，個胃就痛到傻

1*腸液

開post係想搵人呻下，傾下計，陪下我
家中兩老唔想俾佢哋知道我有幾辛苦，唔想佢哋擔心
其他屋企人又太緊張，搞到我要應付翻佢哋
另一半啱啱FG，工作特殊情況，唔想佢要照顧我而更攰

你幾歲？ 平時生活習慣係點？ 加油ching

痾尿都有血？
你男定女

Be strong .... 事情未必係你諗咁差 ..........

二十中
生活習慣對比起普通人唔算好，但係未算好差

冇錯
男

其實咩病都唔緊要，係驚搵到冇得醫嘅病

胃癌
好好過埋依兩個月

係胃癌就好，完全唔驚
呢三年照咗兩三次胃鏡，有都係早期，一係切一係化療

有D野可以黎得好快
btw take care.....

如果真係胃癌, 用其他治療方式, 可以既話唔好切 ..... 切左好快向下 ..... 祝願一切安好

我都聽過，不過我估都應該唔係
多謝你

點解既，中咗既話，我自己偏向想切多啲

我呀媽唔知我又幾唔舒服，今日叫瞓到多啲，又俾佢係到嘈，話我淨係識瞓，係咁走黎嘈醒我

鮮紅又痛就肛門附近問題啦。你屙屎屙尿都有鮮血好少病會咁

我都想知咩事