［PC/PS/Xbox]黑色沙漠#43 全新職業《道士》 精曉環刀與道術之人

大家好 我係一名前'你呢個問題問得真係好'嘅會員 (簡稱問題)
依家係十九層開發建設體驗巴/賽據點戰

目前問題為一間休閒PVP公會

簡單講下我係問題公會打據點同公會聯賽遇到嘅問題。

據點戰
小隊成員追逐繼承蘭，忽略當前磨塔血塔的目標。
不退的旗幟在戰場上20分鐘未見。
相關據點語音節錄
https://soundcloud.com/john-lennon-419688750/2024-10-09-20-25-55a
https://soundcloud.com/john-lennon-419688750/2024-10-09-20-25-551a
漠視戰鬥玩家的高昂靈藥支出，將聯賽1.5e獎勵當作補助。
據點一片敗績，在十天內只成功佔領了據點一次。(由於我已退會，無法提供記錄，詳細請問問題成員)


打據點難以得到喜悅和滿足感, 似孤軍作戰，沒有撞團的能力。大部隊行動力低，不聽指揮。 圖為隨機一場據點戰的戰績。

我曾經試過積極向不同會員邀約進行PVP活動, 但我在最近2星期只有2次有成員接受邀約。

如果係呢度打據點食藥係非常不智嘅行為。(我已經損失咗幾個月嘅藥錢)
公會聯賽



公會聯賽成員戰績：0殺22死及8000傷害，且在一個月後依然沒有改善。
默許部分成員不付出而白嫖獎勵，疏於練習。
有會員
拿著X君王（最高等級的武器）但戰鬥表現不佳。
高層不接納我關於PVP的建議，剛愎自用

我有嘗試過同高層溝通，但得到嘅回應係負面的。

圖為問題DC告狀bot 針對入咗問題嘅前RAQ成員而設

RAQ種族隔離政策
加入問題嘅前RAQ成員會有一個特殊身份組, 有咗呢個身份組你就冇得同問題成員係同一個voice chat.

真是荒謬把自己看得那麼高


隨便整咗d meme圖 解釋當時情況



大概係咁 有人想知再講 🙏
留得咁耐會唔會完全係得負面?當然唔會，香港人同聲同氣嘛，講野用粵語都醒神啲。

TLR 簡單講 打pvp唔好入問題 浪費時間精神(雖然佢地據點戰都諗住收檔了) 唔玩唔撚好玩 130人聯盟出唔滿1階據點係咩事


Thank you for coming to my TED Talk

點睇#451

屌你又抽水

唔識睇

啲圖幾搞笑

世頻見過科興巴個名，好似勁人黎

休閒PVP=幾個PVP勁嘅+一堆混分仔

當食下花生 我都走咗會了

咁大怨氣
btw個聯盟名…

介紹返

真係笑左 其實RAQ嘅人入左你地公會點解要分開身份組？ 種族隔離政策真係好精準嘅用詞，RAQ入黎嘅只配做二等公民？連voice channel都冇得用 聞所未聞嘅公會政策

同埋可唔可以唔好再拎你裝廢黎做籍口唔練PVP
PVP技術係同你裝備水平唔掛鉤架
你可以開高角 你可以打索拉雷 全部都係裝備平等架

你今日Claim你自己係純PVE玩家
咁你就唔應該走入去聯賽到影響真係想打好PVP嘅人 你係期望殺獸娘隻狼定係法師隻召喚物可以快啲？

你鐘意打怪就得? 人地鐘意PVP又唔得?
X君王俾閤下玩到圖巴拉咁真係勁 又要LAM錢又要話人執著 人地打到身水身汗 你入黎送幾十個頭就LAM 1.5E 搞笑

你地D君王武真係可以留返黎打燈火甲蟲

PVP向就係好戰 就係要打爆人地
個logic幾好

真係笑左 其實RAQ嘅人入左你地公會點解要分開身份組？ 種族隔離政策真係好精準嘅用詞，RAQ入黎嘅只配做二等公民？連voice channel都冇得用 聞所未聞嘅公會政策

同埋可唔可以唔好再拎你裝廢黎做籍口唔練PVP
PVP技術係同你裝備水平唔掛鉤架
你可以開高角 你可以打索拉雷 全部都係裝備平等架

你今日Claim你自己係純PVE玩家
咁你就唔應該走入去聯賽到影響真係想打好PVP嘅人 你係期望殺獸娘隻狼定係法師隻召喚物可以快啲？

分返開voice message都係近幾日嘅事
相信唔係唔俾用，係避免兩邊發生碰撞


唔知上面位巴打不斷針對繼承蘭係咪有啲咩誤會
冇人講過自己廢裝唔練pvp
開高角自由一直都有做（少唔係冇）



唔好斷章取義先
純pve 玩家都可以做到裝壓
同埋可唔可以唔好拎單一場聯賽嚟睇
呢一場對面有兩隻都食高純嚟打

可摸耳講吓打top pvp 公會點先唔算lam錢
God , sav, …

十年都冇人推 一推就有花生食

唔推冇人入嚟

難得沉左個po咁熱鬧，應該好多人都食緊粒花生，我可能會打長少少，想食花生既睇下有無耐性睇晒

大家好 我係公會 你呢個問題問得真係好 既現任會長 諗到話你知，對於近日既風波想作出一d回應(本來都想俾大家發表睇法 始終係處理上我係有d衰仔，俾大家話下都啱既，但話晒我地公會都有係連登招下生，去到一d 搞到公會名聲既野我點都要回應下)
(題外話好似間間hk公會都上過黎打擂台，估唔到今次終於到我地Siu4,大家想重溫之前d 花生可以自己追po, 今次到我地派)

背景：我地公會都係黑沙好耐既公會 好似最頭已經係連登呢到？唔sure 我係第4任會長
創會以黎，我地都係以'休閒公會'自稱(你當鹹魚都得), 收人唯一條件(at least我收既話) 係識講廣東話就收

聯盟背景：收人無問意向既結果就係純生活仔/想pvp既都有機收到，結果就係當有一班想試下少量玩pvp既人，遇到raq盟友入面，都有人十分之想組一個全hk人既大聯盟出去玩下據點，所以幾個月前 問見聯 就誕生左，組聯個陣我都受邀去到raq個到同佢地share, 都有講過我地d人係十分之休閒，每week可摸耳打少d據，我地好多都係撐人數，raq大佬要多多包涵。當初raq都同意亦無介意我地(十分感激)

如是者，經歷幾個月pa d改版，有批raq主力棄左坑，又適逢出左公會聯賽，有d raq戰力就過左黎我地到，以打公會聯賽同幫手處理據點為主要目的

去到最近期，因我處理手法不當，去到其實2家公會思想唔同既人被迫困係同一個地方，矛盾就爆發(一邊其實十分之熱愛pvp, 一邊都係以生活休閒為主)

對有十分之熱愛pvp俾comment 我地，想我地打好d ,而我地點都好似做唔到，我只能對此表達十分之遺憾，辜負你地既期望，始終我地主流仍然係休閒仔，呢到我唔再點補充

去到dc處理到，都有d背景share左先既，我地公會其實係打字公會左好耐，去到開始打據，同埋咁啱有批會dc開咪既會員黎到 我地先復活到公會dc siu4

講到dc, 其實據點個到都無乜野，都係指揮為主，問題就出左係我地之後既日常

Dc: 自從raq部分人黎左我地本會dc到，其實一開始都無乜野，佢地想開咪都入黎大家一齊講野，但我本人唔算多入公會dc, 1日夜晚入1h左右，以我所知同其他人反映，係有一位會開咪既raq朋友覺得部分我地既休閒仔pvp上太唔得，但大家又會打聯賽，去到呢個位矛盾又彈左出黎，(fyi大家本來係dc到hehehaha又一日，有好想打pvp既見到自己打好好 點解隊友唔努力跟上，從而直接地表達左d意見，which 10個聽左有9.5個都覺得d說話十分之un耳，最後導致有會員頂唔順個dc同受到既pvp期望壓力，從而退會)

所以就黎到所謂既Dc種族隔離
係前幾日，矛盾點爆發，大量我地本會成員反映自從2家人合左，我地明明風格係hehehaha開心玩黑沙一日就一日，點解最近pvp風氣咁濃厚，點解大家都好似俾後面有條睇唔到既鞭去鞭策，本身既休閒去左邊。
鑒於有大量人反映，而公會dc平時既交流又對我地會員做到一d心理壓力甚至傷害，係群情淘湧之下，我選擇左一個唔明智既做法，提出不如大家分隔下dc冷靜下，當晚係預先通知左raq當時有玩黑沙既高層後，之後都亦將呢個冷靜期申請提議放左上2家公會既聯盟高層grp, 因為我都唔想個聯盟，或者我地任何一間公會爆炸
應該都有2,3小時既等待，個grp內亦係有唔少raq高層，最後raq會長亦表達明白同無意見，就實行左暫時既2家dc分開冷靜下
第2日，當我地得知對我地會員帶來最主要心理壓力個位raq會員離開左我地公會，局勢好似無咁嚴峻了，其實個宵禁都好似無咁大需要，我地呢邊就決定取消返呢樣野
不過事情峰迴路轉，原來仲有會員係對我地pvp十分之有期望，又對於我地整體pvp既不給力十分失望，最終先行退出，及後就被拎上各大頻道bin了sad

我暫時回應住呢到先，本來都想俾人講下我地weak就算，不過去到影響我地公會聲譽既時候，作為現會長點都要出黎講下野

我盡量總結啦：
我地咁鹹魚最後真係match唔到有心想玩pvp既朋友既期望，真係十分遺憾及抱歉

Dc個到係我處理手法不當，但原意唔係想做所謂既種族隔離，只係想爆炸前睇下有無得做個過冷河，大家同一個頻道會互diu既話，如果分開下個頻道冷靜下先得唔得，結果俾到另一邊朋友唔好既印象，而我亦無就此安排作出對全世界解釋，呢到都係我做到唔啱

但最後我都要講返，作為現公會會長，我叫大家唔好覆呢到，咁大家只能係我地本公會dc到傾返單野，最後始終都係俾人cap左拎出黎講，呢件事我覺得好似過份左，我地而家個公會dc係咪無存在意義，我地自己想傾下呢單野先係咪都要俾人觀摩批評？

有前會員講得我好啱，希望我地公會要留意返多d自己公會會員既意見，但我一直都只係奢望兩邊唔同風格既人最後可以和平共存，係我衰仔

大家花生請繼續食，想整爆我地既我都改變唔到，update返公會已經退出左據點，公會會以生活休閒為主繼續走未來既路，積極pvp既朋友我只可以係到祝佢武運昌盛，可以搵得到佢地志同道合做到一齊作戰既朋友

我自問無想對任何一間公會/個別朋友不懷好意，一直做人都係想做個好人(有黑沙識我既人應該都知掛haha) ，但俾呢單野搞到有d無癮，但我都底線係想堅守我地公會唔想俾人整爆，所以我會繼續留守係公會到住先

(Diu la我好耐無手寫篇文出黎咁濟，有錯字，無emoji, 無highlight因為我真係太懶，sor haha)

我認我有用腳本 都得到相應懲罰 (用咗1日即刻比人BAN)

日日入dc屌呢樣 屌果樣 個氣氛一定好差 邊有人頂得順
淨屌個個都識啦 但好啲既做法 係咪應該諗下有咩具體方法幫到公會？

Btw 當年Imp連登擂台同你呢單都係同一個人聊起一黎屌哂全部人又po連登又世頻

具體做法一直都係度 亦好簡單 好多人有提出
係冇人做 叫d打據點嘅執水晶執文物 叫佢地練個d就話佢地CHUR佢 語氣唔好 總之態度係唔接受的。

好啦咁 對pvp 有一定底嘅人就繼續食藥打據點打聯賽 換黎

漠視戰鬥玩家的高昂靈藥支出，將聯賽1.5e獎勵當作補助。 仲有據點起建築好貴嘅講法，貴到10日首次贏咗據點都唔派錢咁。

我會話高層嘅默許先會令我係今次事件出聲 而今日問題公會已經轉型休閒生活公會 所以我會話我已經達成咗我目標 我亦冇必要再拗

以而家打怪時薪計 果1.5億豪比狗

咁老實講
香港人生活環境同黑沙據點時間
又真係要好有心先配合到
玩遊戲都係為左開心
互相尊重遷就囉
做得持旗手就預左辛苦
尊重
話晒大家都係小數香港公會
加油

Btw 又提imp
爆左架啦
個前會長都轉軚講緊普通話了