Soundbar及家庭影院的抉擇，求解答（39）

新資訊用紅色highlight左

要試atmos效果既可以用netflix/disney+, 或者直接係下面download atmos trailers, 最簡單就係放落手指之後用電視既media player播
https://thedigitaltheater.com/dolby-trailers/
https://www.demolandia.net/

如果要試音量既話請用test tone試, 而唔係用電影去試, 播test tone之後用ch level黎調整, 調整完之後先用電影再試
http://download.dolby.com/us/en/test-tones/dolby-test-tones_5_1_2.mp4
http://download.dolby.com/us/en/test-tones/dolby-test-tones_5_1_4.mp4

-------------------------------------------

電腦近場用一律推薦用番喇叭
-------------------------------------------
比較客觀既soundbar review網站
https://www.rtings.com/soundbar


-------------------------------------------
2024 soundbar資訊
Klipsch
將會推出一套叫Flexus既system, 暫時公佈左兩個型號, core 200同core 100, core 200本體係3.1.2, 有號角單元, core 100係下位版, 本體只有2.0.2既配置

同系列有surround後置同subwoofer, 隻sub係用10吋單元, 應該會比samsung既表現更好, 值得一提既係佢可以pair兩隻sub, 做5.2.2既setup
https://www.klipsch.com/flexus-sound-system

不過唔確定既係香港會唔會見街, 因為上代cinema系列都冇見過

LG
S95TR, SG10TY(flat style既soundbar), S70TY 3個型號
S95同SG10都可以無線連接電視, 最高階既S95有15個channel, 同今代一樣行9.1.5

Samsung
今年既q990d會升級做HDMI 2.1, 即係終於可以做到4K/120既passthrough, 同埋佢都會係roon certified既device, 雖然用得roon既應該都唔會用soundbar黎聽歌。其他硬件上都應該唔會有大變動

另外S系今年都會有新版, 不過暫時未知有咩變動
https://www.samsung.com/us/televisions-home-theater/home-theater/sound-bars/q-series-11-1-4-ch-wireless-dolby-atmos-soundbar-rear-speakers-w-q-symphony-hw-q990d-hw-q990d-za/

TCL
除左一直都有既低階soundbar之外, 今年TCL都會出有atmos upfiring driver既型號, Q75H同Q85H, 分別係5.1.2同7.1.4既setup, 未知有冇實體後置, 不過計埋價格既話應該都幾有競爭力

感覺今年都冇咩特別好突破既野, 不過各廠都開始向無線既方向進發

2023 soundbar資訊

YAMAHA:
好耐冇見既YAMAHA係年尾出左幾支soundbar, 由入門到旗艦都有
SR-X50A, SR-X40A, SR-B40A, SR-B30A

低階既B30A同B40A係冇upfiring driver, 兩支本體都係2.0既setup, B40A會有subwoofer而B30A冇, B40A既power output都會略為比B30A高少許, 不過入門黎講唔推薦, 特別係S517依家都只係2千頭既價錢

高階既X40A同X50A本體係一樣, 只係X50A多左subwoofer, 有兩粒2"既upfiring driver黎做atmos效果, 值得留意既係可以另購WS-X1A後置, 不過依條soundbar既channel都有少許奇怪, 就係冇中置單元, 靠L/R兩粒單元黎做phantom center, 估計效果會比其他牌子差, 總體而言唔算好吸引, 不過多個選擇都係好


Sennheiser:
ambeo mini已經發佈, 定價$6999, 用黎打細size soundbar既市場, 即係ambeo會有3個level, 最低階既mini, 之後plus, 旗艦係max
https://www.sennheiser-hearing.com/zh-HK/p/ambeo-soundbar-mini/

不過driver分佈有d奇怪, 前場只係用2粒1.6"既full range driver黎做LR, 另外兩粒放左右兩邊做側反射, 而兩隻4"既woofer反而向上擺, 佢叫自己做7.1.4 channel, 但係好明顯只係phantom center + 反射rear, 而果兩粒woofer都唔知叫唔叫佢做upfiring driver, 要睇佢點process d signal, 否則的話都只係virtual atmos.

其他soundbar資料:

BOSE:
smart soundbar 300, 600, 700, 900
https://www.bose.hk/zh_hk/products/speakers/soundbars.html
300, 700, 900三個型號都已經有得賣, 分別係3.0/3.0/5.0.2既設定, 可以配搭番bose既surround同bass module做番一套完整既組合

600都推出左一段時間, 係3.0.2既setup, 5隻單元, 前場係靠一粒center + 兩粒側反射黎做LCR, 然後再用兩粒upfiring driver黎做atmos, LCR咁擺唔算係常見既排列, 我相信左右反射會因為環境而影響LR既效果

Sennheiser:
ambeo plus已經見街, 7.1.4既設定, 不過rtings測試完後, 將佢歸類係5.1.2, 其他channel都係virtual既, 單元既數量較少, 只有9粒, 有自己牌子既無線subwoofer可以配對, 亦都可以配搭其他active subwoofer, 可以視為ambeo max既低階版
https://www.sennheiser-hearing.com/zh-HK/p/ambeo-soundbar-plus/

mini都已經發佈, 可以睇#1

B&O
Beosound Theatre
https://www.techradar.com/news/bang-and-olufsen-beosound-theatre-is-an-entire-cinema-in-one-beautiful-soundbar
本體7.1, 12粒單元, 可以配合B&O既無線speaker黎砌完整既7.1.4系統

JBL:
JBL Bar 1000同1300都已見街, 香港最近亦都引入左1300x
次旗艦model JBL Bar 1000, 係7.1.4既channel, 繼續有10吋無線subwoofer, 其他次級型號都有10吋subwoofer, 值得讚賞

旗艦1300x, 隻subwoofer有12吋單元, 其他配置同1300冇分別, 比較1000係多左唔少單元, 特別係再多2粒upfiring driver, 包圍感會再強d

SONY:
HTA3000, A5000, A7000
Sony全線lineup已經見街, 型號為A3000, A5000同A7000, 3.1/5.1.2/7.1.2既聲道設定, 不過依然係冇信仰加成既話唔係好抵...後置RS5都已經見街, 售價$4,590, 可以同A3000, A5000及A7000配對

DEVIALET:
DIONE
https://www.devialet.com/zh-hk/soundbar/dione/

Sonos:
入門級ray, 冇咩值得介紹
https://trysonos.hk/products/sonos-ray

B&W:
Panarama 3
https://www.bowerswilkins.com/en-us/product/sound-bars/panorama-3

DENON:
入門級soundbar S217, 支援模擬dolby atmos
https://www.denon.com.hk/zh-hk/shop/denonapac-soundbar_ap/dhts217

如果有多少少budget, 比較推薦s517做入門, 3.1.2既setup, 有subwoofer亦都有upfiring driver做atmos效果
https://www.denon.com.hk/zh-hk/shop/hometheatresystems_ap/dhts517

Harman Kardon (香港冇消息):
Citation MultiBeam 1100
https://www.avforums.com/news/harman-kardon-unveils-citation-multibeam-1100-soundbar.19767/

Edifier:
Edifier B700
https://www.ramboxs.com.hk/product/edifier-b700/
https://www.youtube.com/watch?v=jA3BuG7tuxw
大陸牌子edifier係香港推出既soundbar, 5.1.2既設定, 食到atmos, 不過冇實體後置, 都係用左右兩邊反射黎模擬後置, 低音係down firing既8吋單元, 售價只係3千頭, 入門價錢黎講個spec係唔錯

Polk:
美國品牌polk既magnifi max ax sr, 7.1.2既setup加10吋subwoofer, 有獨立後置, 係一套比較完整既setup, 價錢亦都相對貼地
https://www.avlife.com.hk/tch/product/ProductPage?cmd=detail&product=EA5483C1EA6D19B47E81C276C7CB24931666582275022109616935018212E2E9

Home theatre/家庭影院setup簡單介紹

想砌家庭影院既第一步可以試左喇叭先，睇下自己鐘意咩走向，下面係d大路既入門級/中級喇叭。front stage左中右最好買番同一系列，後置唔一定需要同系列，都係睇budget做人。

kef q
wharfedale evo
focal 800/900
polk r
b&w 600
elac debut/uni-fi 2.0
歡迎補充, 仲有好多入門品牌

如果budget唔夠，試聽完又岩聲的話，可以睇同品牌再低一級既系列，另外有興趣半影音分家可以試埋proac，atc，pmc，fyne，或者上面d品牌既再高一階

上面所有喇叭友誠都有得試，唔使太急買，試晒再慢慢決定格價，唔好比d sales推下推下就買左。

天空聲道要求唔高可以直接買2/4隻衛星喇叭仔就得（e.g. ca minx min22,12)
e.g. ca minx min22, JBL control, mirage

然後睇自己想要幾多channel同功能再簡av receiver (avr)，最好簡番有preout既機，未來加int amp可以聽埋歌，下面係主流既avr品牌

DENON:
https://www.denon.com.hk/zh-hk/category/denonapac-hometheater_ap/denonapac-avreceiver_ap
傳閒年尾至下年會推出x6800h同a10h

Marantz (所有新機都已見街, 官網未update):
https://www.marantz.com.hk/zh-hk/category/hometheatre/avreceiver

Onkyo (香港網站唔update, 連rz50都未有, 但係全部新機都已經見街):
https://www.onkyousa.com/product-category/a-v-receivers/a-v-receivers-processors/

YAMAHA (tomlee代理):
https://www.tomleemusic.com.hk/collections/av-receiver

Pioneer:
https://pioneer-audiovisual.com/products/av_receiver/

pioneer同integra既新avr已經開賣, 分別係LX系列既105, 305, 505同805, 同DRX系列既2.4, 3.4, 5.4同8.4, 亦即係支援dirac既avr系列今年出齊晒
https://www.pioneerhomeusa.com/product-category/home-audio/elite-a-v-receivers/
https://integrahometheater.com/product-category/all-products/
(香港官網從來都唔update )

如果空間容計subwoofer個人推薦最少都RSL SPEEDWOOFER 10S MKII or SVS sb1000，細隻之餘都有咁上下既力水，當然有位再買大d/dual sub仲好。rythmik，rel都係經濟得黎效果又唔錯既選擇。



剩低既用黎買喇叭腳(for書架)，線，低音墊，少少補品咁就搞掂。

線可以去鴨寮街剪又得， 有budget既買廠線又得，

低音墊選擇都有唔少
https://auralex.com/subdude-ii/
https://www.svsound.com/products/soundpath-subwoofer-isolation-system
https://isoacoustics.com/home-audio-isolation-products/aperta-sub/

開定新post先, 之後會update番頭post資訊, 請爆左舊post先

前排終於買左Q930C, 升級左真係好正
我用緊SONY 9500H 電視，如果睇戲，想問下大家SETTING 電視音效用STANDARD 定 MOVIE mode?

而SOUNDBAR 你地會點SET? Surround? Adaptive Sound?

電視set音效mode唔影響soundbar嘅聲

吊佢老母，隻隻soundbar都唔肯加個sub jack, 有幾撚難，焗撚住用佢隻垃圾

有無巴打有用Audyssey MultiEQ Editor去cal機？其實同Denon免費跟機嗰個大唔大分別，值唔值俾百幾蚊去買呢個app？

感謝~
有冇邊隻ANDIOD TV APP 可以出到ATMOS?

剛試左Kodi 好似唔WORK, 定需要plugin?

如果你rip片或者自己搵source, 要分係dolby digital+ atmos (串流) 定dolby TrueHD atmos (4k blu-ray)
DD+ atmos以我所知通常部電視機會支援, 但TrueHD atmos就9成9唔會
要分邊種可以用電腦player或者裝mediainfo黎睇
要用kodi又播到trueHD atmos好似得nvidia shield做到

留名學野

係呀，個SOURCE 係 dolby TrueHD atmos 。剛剛先知andriod tv app 串流唔到 lossless atmos 要eARC HDMI 先得

9500H同930C都有eARC wor
係電視機本身唔支援TrueHD哩個格式
如果你有notebook試吓插電視機播, 應該會出到 (player要audio settting較hdmi passthrough)
想用kodi播就好似係得nvidia shield肯定可以做到

Research完, 如果用source 只可以用 nvidia shield, PC, XBOX 出 dolby TrueHD。
SONY TV 用 player APP 係出唔到

想問用緊LG S80QR, 插電視eARC,睇disney, netflix 有d 片soundbar人聲好細聲(有d又正常），較到好大又背景聲太大，有冇方法解決

想搵條soundbar 不需subwoofer 不需後置
主要想幫電視擴下音，有平平地既推介嗎？
謝謝

想請問用緊G3既話，soundbar買返lg既s95tr定sony HT a9好？

買左Q930D,想請教下subwoofer應該點擺？屋企個廳好細，咁大舊唔知放邊度好

HT-A9係間屋三尖八角先好要, 冇subwoofer (話説仲有wifi干擾問題)
LG soundbar哩度好少見人買, 但睇外國網評價唔錯
不過可以的話都係建議自己去聽比較吓

唔該哂巴打，唔知LG係唔係無比錢賣廣告，d開箱同評測少到好似無咁

買佐個soundbar駁電視
但係啲聲時大時細
人聲疊住背景聲既話，人聲會勁細聲
係唔係因為個soundbar太垃圾定係有野可以教得好？

我同你一樣情況！
但係soundbar同你唔同牌子

順便一提, soundbar同電視之間要有心理準備可能會有少少技術問題
哩樣野同一個牌子都有機會發生
電視同soundbar同時發聲個function根據samsung經驗都係gimmick冇乜用
所以唔一定話LG soundbar夾LG電視係最好

電視用緊q70b
而家用緊q600a+後置
諗緊930c定a5000好