日本北陸地區半自駕遊記

跟IMAX巴你野食就真

留名

Day 3: 白川鄉半日遊

日本天氣都幾準架，朝頭金澤都緊落緊大雨，見到白川鄉都係。所以朝早比老婆去金澤車站附近百貨公司買衫買褲買鞋，係日元匯率低下，當然有野買到。


金澤車站下底朝早有人自己彈琴


金澤車站隔離既百貨公司

將近中午12點左右，見到天氣預報話白川鄉會2點幾停雨，所以就揸車去白川鄉，記得要經過10條隧道先入到去

去到2點幾，白川鄉既停車場免費既。穿過相會橋就正式開始




相會橋


係相會橋上望過去河川


原來有民宿既




食飛驛牛，幾好食

有入去和田家，可以在此深度了解日常生活與曾經盛行於白川鄉的養蠶事業。


和田家




室內


係最頂個層望出去


浴途既合掌屋

有上去荻町城跡展望台，個畫面係ok ge ，不過更加期待冬天夜間點燈黎



上到黎望返白川鄉

落返黎就食下五平餅，不過d餐廳就收工，食唔到當地鄉土料理。


五平餅，個人覺得煙靭，不過冇乜味


行多陣合掌屋

將近5點就揸去富山市，大概6點幾就到啦，沿途無乜車可以揸快啲。


今次唔駛我揸車


高速公路無乜車


終於返黎富山市

Lm
能登牛我都覺得麻麻

Day 3:夜遊富山市

今次就住車站對面既東橫inn酒店，房間都比較細。


房間size都接受到既

Check in 後就係車站附近百貨公司行下，竟然係100店買到d碗碟，made in Japan 真係平到呢


富山車站



富山市出名既電車


話咁快就夜晚

之後順便睇下食乜，由於今日無乜食野，於是就食迴轉壽司，叫左接近30碟野，都係11000左右，同係香港係壽司郎食飽飽差唔多價錢，味道會再好食d


餐廳門口


希望明日見到立山連峰啦


第一round

食完8點幾就行過去富山環水公園，當然就係睇號稱全日本最靚既Starbucks。由車站都要行20分鐘先到，途中經過市內體育館。




夜晚富山市街道係無用


遠景





現場睇又真係幾靚既，不過就無留係度飲咖啡啦。之後就行返酒店休息。

飛驒牛好食過能登牛

Day 4: 高岡，雨晴海岸一日遊

今日遲少少起身，早餐終於試到麥記既熱香餅漢堡。


黎緊香港都出啦

食完揸車去高岡市，都係50分鐘左右。高岡市最出名就係多拉a夢作者家鄉，首先去高岡Otogi的森林公園，發覺佢地d滑梯都幾好玩，d遊玩設施幾啟發細路。之後梗係影下模擬返多拉a夢角色遊玩過的空地啦


著名打卡地點







天氣熱到呢



之後去高岡站，咁岩見到架多拉a夢列車，之後就去寄postcard,有多拉a夢既stamp 架。再過去對面既廣場影下銅像。


高岡站


高岡市獨有電車，當然最近香港輕鐵都有類似列車。


黎到呢度，梗係寄返張明信片。


高岡站已經見到立山連峰，睇黎雨晴海岸都見到靚景


車站對面廣場

師兄自駕多數泊邊？

酒店附近停車場

係咪google揾parking就得？嚟緊諗住自駕最擔心泊車問題

日本d城市大把停車場，起初我都擔心過

港版熱香餅漢堡得返50%、日本版果balance做得啱啱好

我仲未試

我反而覺得香港屌打日本版

日本嗰個太甜 香港balance好好多

Day 4(續）：


返車站見返傳統電車

呢個時候已經1:30pm，見仲有時間就揸半粒鐘過去冰見魚市場食刺身當午餐



去到就2點幾，仲有得係魚市場餐廳食野，都係叫海鮮丼同海鮮鍋，魚市場所整既刺身，味道/鮮度都有保證






魚市場


魚市場餐廳內環境


Menu



兩種海鮮刺身飯


炸河豚

海鮮鍋

食完都3點幾，跟住揸5分鐘車去冰見一番屋市場，買下手信、食下布旬。見到有冰見牛，不過太飽關係食唔到。



大把車位免費泊車


入面環境非常乾淨



買黎試一試，正常水準

之後就去雨晴海岸，今日天氣好好😎，應該連到立山連鋒，係道の駅 附近停車場泊低架車，就落海邊影下相，果然見到立山連峰。


女岩


跨過路軌就望到呢個風景

跟住行上去高少少既地方，第一次見火車沿海邊行走既相






回望女岩

有車真係好

同你一樣行程 都係高岡>冰見>雨晴 但是就變左行路+踩單車+火車 時間要預得好準先得

Day 4 (續）




之後再行返去道の駅 ，見到平台頂有好多人影相，原來呢個位影火車經過時既既相靚d


等火車經過前就買杯飲，係室內地方欣賞下美景


準備中



火車加上立山連峰，靚景

最後揸返1小時返富山市還車，返到去富山市6:30pm左右。首先去返富山環水公園影返個傍晚相先，好好彩影埋後面既立山連峰，上埋橋上影係另一種感覺。



之後返富山車站食白蝦亭，一致推介白蝦天婦羅飯，好食過白蝦刺身飯。完全唔油又脆，見好多人外賣食物


夜晚7點幾都要排隊架


睇住廚師炸白蝦



食完之後，考慮到之後唔知幾時黎富山，於是去埋隔離既拉麵舖食細碗既富山黑拉麵，個湯底係好濃，唔係話唔好食，不過就唔係太岩我口味個人都飽哂





食完餐廳都收哂工，我地都返早d酒店休息，返酒店前去左富山電鐵兌換明日立山黑部所需既乘車券。預備明日一大早起身上山


用車站呢部機就換到車票啦

揸車反而欣賞唔到風景，踩單車幾好呀。我係要趕行程嚟啦ja。

冰見市踩單車好舒服，有單車徑，路闊全平路人少，大街小巷都去到，租單車服務仲要平靚正。

舊年夏天

Day 5: 立山黑部、松本市內遊

今日要4:00am起身，因為之前太遲上官網book，得返7:00am立山站先有位上車

首先要搭5:18 am係富山電鐵站出發既車，我地5:00 am黎車站寄存行李，見到就算5:18am頭班車原來都好多人搭。好彩早黎左排較前既位置。


5點車站狀況


5:15左右開始上車


沿途景色

搭咗個幾鐘頭，大概朝早6點幾就到立山站，已經見立山站外既櫃檯已經排左好多人換pass或者即日walk in上去


呢度就係排隊等上纜車


6點幾就已經咁多人排即日walk in/換pass

我地就直入車站內排隊，等7點上去美女平既立山登山纜車。大概6點45分左右，見到montbell 登山用品專門店開左，叫老婆入去睇睇有無立山限定既透氣tee，結果係有，只係$3000



7點幾就入閘登車，都係搭左10幾分鐘左右就到美女平，算幾快



跟住就排隊等巴士，大概8:15am上車，搭車上去室堂，要大概50分鐘車程，中途會經過稚名瀑布，會停留一陣比大家影相，由樹林一路變化雪山景，坐巴士就感受到。



大家記得坐最後排，因為上去雪之大谷位置，可以係車上倒後影哂兩邊雪牆大概8:15am 去到室堂站。






雪之大谷大概9:30am先開，於是我地買左個熱包食，之後就上到3/f 走出去戶外雪地範圍影下相，周圍行下咁，溫度大概9度啦，唔係太凍。

冰見市都適合半日遊

Day 5(續）


日本最高鐵路站？


呢度原來有火山活動

大概9:30am就返去雪之大谷範圍，呢個時候旅行團未殺到上黎，可以係人比較少既情況盡情影下雪牆我黎到既時候雪牆大概12米高左右。





遠方既山


成個室堂站外面

影到10點幾就返去室堂站，郵局有開，可以有立山stamp 既明信片，當然要寄返張，返到香港係收到返




跟住就上返3/f，走出去雪地範圍，走過去御庫裏池個邊，都要用30分鐘左右，個火山湖就未溶冰既。





之後就走埋過去日歸溫泉個邊，如果大家有充足時間，可以係度浸返個溫泉。係紀念品舖，見到又有montbell 限定edition tee，於是又買左件。


日歸溫泉

回程中途見到好多人影相，疑似見到被指定為「特別天然紀念物」和「瀕危物種」的雷鳥


真係有硫磺味



走返去室堂站，到成接近12點，先簡單食個午餐。呢度都有tnf 專門店，都有立山edition





準備搭立山隧道無軌電車，長約3.7公里，行駛於立山山脈地下的立山隧道內，連接室堂站和大觀峰站，車程約10分鐘，不過今年2024年12月1日停止運行，並改由電動巴士取代




之後要搭纜車落去黑部平站，係呢度見到立山連峰的壯偉景觀，又可以睇黑部湖。


纜車








跟住又要搭多程纜車先到黑部水壩




落到黑部水壩，要見到成個水壩景就要仲左200幾級樓梯，先望到成個湖，不過要6月先見到黑部水壩放水既景觀


水平面望黑部湖



行左兩百幾級樓梯先見到景色