入嚟放低你嘅心事（32）

分開下等大家諗清楚
多啲時間諗入心面係點去做決定
都係我叫佢搬走 等大家諗清楚

我同佢前一日都好地地
有講有笑 有攬有錫
我諗一兩個月乜都搞清楚

已經send咗50份CV 得一個interview

同是失業人

要send夠100份

小弟同另一半9年了。初中開始。琴日分手。
最近壓力好大小弟爸爸末期癌症日子無多。處理緊佢嘅債務問題同埋身後事。
同另一半呢三四個月少見咗好多。由以前一個星期見一次變成一個月見一次。即使係咁樣我都盡力抽時間約佢見面同食吓飯。無奈佢次次都話要做嘢見唔到
因為壓力太大，對於我嚟講見到另一半心情就會好好多，於是琴日好平靜咁FaceTime問佢係咪唔愛我。佢一開頭都係講習慣咗我嘅存在最多都係淡咗。並冇講唔愛我。但我嗰一刻真係好想知，所以唔知係咪逼佢講。最後佢講咗唔愛我。嗰一刻我個心好痛可以話佢係我嘅初戀。第一次面對呢樣嘢真係唔識面對。今日佢同佢閨蜜去泰國旅行，佢話去完旅行再答實我，WhatsApp都有打字話我知佢嘅去向。但呢一刻真係好攰好大壓力，好想離開呢個世界，打開個電話想搵人傾偈竟然發現身邊冇晒朋友。雖然仲有一兩個老死但都唔想俾壓力佢哋。最後我選擇喺度講。原諒我講到1999

返part time 識咗個女仔
佢係一個活潑開朗成熟獨立嘅女仔
所以我好鍾意同佢傾偈
我一開始返工係因為貓貓有大病 急需要好多錢去醫
原本諗住醫好完佢個大病 就返少d工
比自己開學前休息多啲

返咗幾個月之後 同佢相處嘅時間耐咗 傾偈都多左
更加了解佢個人
我知道佢都日日都返工
我一開始覺得sem break 一定係諗住放鬆休息先
但係佢唔係 每日最癲可以返15hrs 讀書又犀利 我覺得佢好勁 好上進 佢開始慢慢變咗我嘅目標 變到我自己都鍾意左返工 報到啲更爆曬 日日返 又去做gym 得閒讀吓書 希望令自己每日進步 成為好似佢咁嘅人

過咗幾個月之後 同佢相處嘅時間耐咗 傾偈都多左
慢慢嗰種仰慕嘅感覺變成咗鐘意
想同佢有進一步發展

起初同佢傾都傾得幾開心 佢會主動同我講嘢 開topic
我有問過我哋個common friend 佢話個女仔有問過我係咪一個好男仔 會問關於我嘅問題
而我都有問過嗰女仔感情相關問題 佢a0
做咩唔拍拖呀？
鐘意啲咩type 嘅男仔 ？
佢比我嘅回應都係話緊比我聽係希望拍拖

近排我主動咗少少 諗住開始追佢
但係發覺自己同佢嘅距離原來都係好遠
我主動少少 佢就褪後少少
甚至去到近排 feel 到開始有啲避我 唔想講野
點解佢要避我呢
我未試過咁愛一個人 愛到感覺可以同佢共度餘生
係咪我未夠進步得多 可以入到佢眼簾
仲有個幾月就返學 佢仲有幾個月都要轉工返full time
我見佢嘅機會越來越少

唉 我真係唔知點算好
我唔捨得放棄佢 亦都唔忍心放走佢

債務問題，我諗最少都要半年時間去解決。因為要調一筆資金去搞。
你講得好啱，的而且確佢身邊嘅朋友經常性帶佢去色彩繽紛嘅地方玩。而我就係好平淡收工就返屋企唔會出去玩嘅人 ，但每次佢想去邊度我都會同佢去。可能我真係俾唔到佢想要嘅嘢佢。

琴日佢話我俾唔到未來佢睇。由於小弟有哮喘選擇唔打針，肺炎開始就食老底咁過，上年肺炎一過我用一年時間就攞返晒我工作上要用嘅牌。而家份人工都唔錯，我亦都準備緊同佢未來發展。我知佢想要一個家。計過條數但都要等起碼五年時間先買到樓 可能係我冇同佢講。
我呢個年紀話大唔大話細唔細。係呢一刻的而且確俾唔到未來佢睇。琴日同佢講，問佢可唔可以俾多五年時間我，佢話已經等咗我九年再等多五年等唔切，我真係重無力感

佢之前都好似講過類似嘅嘢 話會驚人哋追佢
所以我都覺得似似哋 逃避型依戀

我試過約過佢一齊做gym
但係佢到會話下次先 或者專登約啲我唔得閒嘅時間
但係我知道其實佢每日都會去做gym …

我上網睇話追呢啲性格嘅女仔
要用好多嘅耐心時間 俾多啲空間佢哋
但係留俾我哋兩個嘅時間已經唔多了
所以真係好煩惱 唔知佢係真係唔鍾意我
定係真係逃避型依戀
如果係逃避型依戀又時日無多