［本文取材自富士新聞網報道］
公園或者廣場上成日都會見到有長櫈 而喺新宿度就有一種長櫈引起關注
就係咁樣的：
呢款被稱為「惡意櫈」嘅 係位於西武新宿線中井站附近高架道下面嘅公共空間
記者去到實地視察
「係柱嚟喎 唔通係有人惡作劇？」
長櫈上面設置咗用嚟封路嘅路柱 成為咗一個好奇異嘅景象 到底點解櫈上有柱嘅呢？
市民對於咁嘅櫈有咩反應呢 記者拍攝咗一段時間
「有人拎條柱當係椅背咁挨住喎
」
「好難坐囉
都未見過有啲咁嘅嘢 感覺到滿滿嘅惡意囉」
「都坐唔到嘅
」
呢幾張長櫈喺社交網站上廣泛流傳 引起咗網民唔少嘅疑問
「想點！咪即係擺到明唔畀人坐？
」
「呢啲已經超越咗惡意
」
「惡意櫈」其實同樣喺新宿嘅其他地方度都有 亦都曾經引起過關注
櫈面形成一個弧度 有市民表示擔心會一唔小心會成個人碌低
「睇落都蝦仁坐
真係好有惡意咁」
點解會有呢啲所謂嘅「惡意櫈」㗎呢？
新宿區民政嘅負責人表示 因為該處鄰近歌舞伎町、新大久保一帶嘅繁華區
「我哋新宿區嘅區域特性上 由夜晚到朝早都會有唔少年輕人同外國人聚集飲酒
市民同我哋反映過夜晚嘈住瞓唔着」
「所以採取措施令到人唔會長時間坐喺度 但張櫈作為櫈仍然可以坐到人冇問題
」
新宿區嘅區長曾經喺社交平台發文展示過張櫈一樣可以坐低慢慢嘆 對於本台（富士電視台）嘅查詢佢有咁嘅回應：
「的確令到人覺得好難接近 咁作為最終設計的確有不足之處 今後會再檢討長櫈嘅形狀同配置去採取適當措施」
圖片來源：
https://youtu.be/ndo0m22EyNY?si=zjVXboS3tKsSpFVA
呢段新聞嘅YouTube下面嘅日本網友有咩睇法（節錄）：
放張櫈喺度坐唔到嘅話就唔使有張櫈喺度啦
唔係惡意係跟進市民嘅投訴嚟啫 冇投訴嘅話就唔會理 區政府都難做
好似美國咁路上飲酒罰錢咪得 所以點解啲美國戲成日見到有啲場面係一見警察就將啲酒收埋入衫或者用紙袋包住嚟飲
唔想人坐嘅話 索性拆鬼咗佢咪得囉
唔係拆就一了百了咩？日本對醉酒佬實在太寬容
應該禁止喺路上飲酒
佢話就話係應對飲酒嘅外國人同年輕人啫 櫈坐唔到班友就坐地㗎啦
唔係諗形狀點配疊囉 既然係夜晚有人嘈住晒係原因 就應該定啲法例去拉人罰錢！然後嚴格執行 呢班行政嘅觀點都錯晒嘅
咩料
我以為又係啲咩出名藝術家嘅作品添
議員張櫈都係咁嘅話應該可以減少到佢哋開會釣魚
唔放櫈就一切解決啦
當納稅人啲錢係咩 整埋啲坐唔到嘅櫈...
咁坐地啦
路上飲酒罰錢就解決啦 櫈係為想坐嘅人而設㗎嘛
中井站...都同旺區都幾遠㗎喎...
拆咗啲櫈用嚟放垃圾桶啦
新宿區派人去巡咪得囉
應該係用大髀夾住碌柱嚟坐？咦...唔係咩～？
市區唔知 但郊區就直頭有人霸住啲櫈 見過有個阿伯令日都瞓喺嗰度
咁 喺公園度飲酒嘅人有冇少到先？
以為係拍AV用添
既然路上吸煙都可以禁止典有罰款 路上飲酒都咁做如何？
變咗得變態會坐
「年輕人及外國人」簡單講就係有嘈住晒嘅撚樣存存啦 關咩人咩國籍乜事啫
西隧女專用
後庭人士最愛
喺度咁多嗲嘅人
到喺你屋企前面有嗰啲人嗰陣你就唔係咁講
