自從北上消費流行後，不少內地餐飲品牌近年也「反向」進軍香港市場，繼農耕記、蜜雪冰城、陳鵬鵬後，大受港人歡迎的深圳「窯雞王」攻港的首店，日前亦已於深水埗開業！不過有網民發現，「過江龍」後的香港窯雞王售價的確比深圳店貴，而且加幅亦不少，即睇下文圖輯！
在深圳窯雞王未來港開店時，很多喜歡這間店的港人，會選擇於北上消費時順道買回港，或是專程在內地網上平台買外賣，再相約關口交收，可謂是昔日「反向代購」的俵俵者，極具人氣。而這款神級名物終於襲港，選擇在水埗開設香港首間分店，自3月起圍板裝修，至近日終於開業。
不過，網民發現這款神級名物來港後的售價，比起內地貴得多。窯雞王主打是原隻窯燒烤雞，有原味及香辣味兩款，香港深水埗店全隻招牌窯雞售價$168，現折扣後為$148，內地賣人民幣65.9元。而香港價半隻為$90，折扣後$79，內地則賣人民幣38.9元。
網民嘲︰唔符合深水埗消費
香港店亦設有多款套餐，例如是招牌窯雞半隻、窯雞中翼及醬味蘿蔔餐，賣$103；最平就有招牌窯雞半隻、可樂，賣$80。另有一份3隻的窯雞中翼（$27）、雜錦菌五穀飯糰（$25）、豬扒肉鬆詼米飯糰（$29）等。
對於香港窯雞王的定價比起內地貴近一倍，不少網民都認為「太貴了」，並估計「此店生意好難做！頂到租約就…」，而且是「唔合符深水埗消費，隔離太子有間妃子雞，白切雞都係88蚊一隻」，加上地理位置欠佳，更有人建議「去百佳買隻叮叮雞好過」。
深圳窯雞王攻港首店開業！招牌窯燒烤雞內地賣65.9香港賣半隻$90蚊
心頭好
90 回覆
10 Like
88 Dislike
3隻雞翼27蚊 到底d大陸品牌搞清楚點解d人番大陸未 
深水步果間行過見過一次，D裝修衰過劏房，可能2，3萬搞掂，見到個門面就唔想買，成間大陸style搬過黎香港
深圳買返黎包車費都平過
當香港人傻
應該好快執
對面其實有間港式烤雞，日日新鮮出爐，都係$53一隻
來找中国香港韮茶嗎？
來找中国香港韮菜嗎？
大陸舖頭：香港人真係好鍾意食我地既野
去香港開舖加返價都大把生意
順便又可以走G
北上港豬：
去香港開舖加返價都大把生意順便又可以走G北上港豬：
大陸品牌真係以為自己好有吸引力
香港人去大陸消費係貪你地平, 唔係貪你地好食
香港人去大陸消費係貪你地平, 唔係貪你地好食
好去唔去，去啲基層生意嘅餐飲激戰區
係咪真係咁有信心
係咪真係咁有信心
支持
一定有得做 好快愈開愈多分店
一定有得做 好快愈開愈多分店
香港人實狗衝，賺你第一浸就夠晒 
個個星期六日都去深圳啦
玩完買落嚟食唔好？
咖哩狗5kg米都咁托番香港啦 買隻雞點都輕過5kg
玩完買落嚟食唔好？
咖哩狗5kg米都咁托番香港啦 買隻雞點都輕過5kg
師兄，對面間野咩名
你有本事買$50隻，咁就大把人幫襯你
佢哋究竟知唔知道發圍成功只係因為價錢比香港便宜，唔係講啲味精味道
成班大陸喱都on99，北上消費真係貪你好食呀？貪你平咋 
呢個價去買chicken factory好過
宜家啲‘’北水‘’過江龍由伙記佈置到文字都完全0本地化，幾錢同好唔好想已經唔想知，無眼睇