中一買書逾5000元 家長歎負擔重

呢個餅越做越大…養書商+校長+教師…………

考試份卷係紙本嘛

代數加減乘除真係初中學喎

而家個問題係太貴而唔係實唔實體

利申: 鍾意睇實體書多過電子書

電子書分分鐘仲貴
整一大堆dlc

綜援果班先會堅持全新

如果唔岩仲搞咁多野做咩
自己出notes啦懶鬼

公司附近有間書商，一層office養幾百人，淨係講公司廁所，多人用到臭過公廁，樓上樓下啲男女廁所全部上曬鎖,唔敢畀班人借用；唔收你幾百蚊一本教科書點養咁多人？

一年收割一次就可以養起成間公司

依加有covid 緊係用返新書啦

真心好貴
十幾年前我屋企比2000幾我買書
我中4-5出旺角買二手書$1200度，都仲叫有賺
依家中一新書要成5000 -1皮

校本notes 好多學校都有

書俾基本資料，上堂用筆記

咁就唔好逼學生買啦

唔買？講就口響。好似U 咁出 assign reading list 俾你去影印完，你會唔會睇晒呀？

一個咩都唔識嘅人要學嘢，textbook 係最易入門嘅途徑。依個中學課程有咁多時間俾你捨難取易？連大學都有 introdution to xxx 要買嚟上堂用啦。

其實真係可以唔買書嫁，自己將教師上堂講嘢全部抄成筆記就得囉。如果唔需要理會唔同學習進度同需要。

講嘢用下個腦，諗清楚唔同學生有唔同需要先啦，唔係一刀切就叫好。

咁你又一刀切逼所有學生買?
痴線
唔想讀書果D唔會買, 有心機果D算然會去搵資源 (包括買書)
仲未計D垃圾教科書得閒又錯concept, 又搞埋D無用的形式主義
見到都嬲

大學唔知文社的readings, 最少STEM科除左屈人買code做功課之外未聽過強逼人買書

其實中學有無收回佣?
我試過高中唔撚買 自己自修 圖書館大把書睇
然後係咁比老師冷嘲熱諷又罰9我

就係唔係每個人都自學到，textbook 係一個補底機制。差嘅人有用，叻嘅人拎咗無害。所以一刀切咁買所而對教學無損害。

一刀切拎走教科書？大學有個資源充足嘅圖書館，學生年齡大，自己搞得掂。尤其香港依家個教育制度咁闊咁趕。中學生，特別係初中生，可以搞得掂？

Textbook 係教學工具嘅一種，教學上佢唔係唯一工具，但係佢有佢嘅作用同價值。

仲有，最重要嘅問題，係香港學校無可能cater 個別需要。當唔強制買，就成班一堆人唔買，唔買嘅人當中又係唔係個個都叻到可以自己搵資料搞掂？你有無另一個方法保證果班唔叻又無書嘅人，可以有齊課程所需要嘅材料？

教師筆記有出呀，但唔會精美、無咩圖、得字，埋怨唔好睇。好嘅課堂PPT 一定唔會係一段段字，印俾你都無用。咁最簡單直接嘅方法，就係全部人都買一本textbook。

係家長角度，特別低年級，有本textbook 要溫書時就有得溫。一堆紙，就亂糟糟好難搞。

我講緊係一刀切地取消現行嘅做法，唔一定係好事。你要詭辯「一刀切」我都無辦法。香港學校本來就係一個規訓嘅地方，傾向講齊一、均等，能夠照顧差異當然最好，但此時此地，有幾大空間幾多資源去做，大家有眼睇。

所以郭富城咪失去了一切

既得利益者唔會俾你破壞條水

5K真係好痴線,,, 特別係而家數碼年代,,

你先係要用下個腦果個
錯concept或者搞無謂的形式主義對學生絕對有害 又浪費時間
無心的你逼佢買完都唔會睇架啦
有心的會自己問老師拎reference, 再者我唔係話"取消textbook", 我只係講緊唔好"強制買textbook"或者係"強制買最新版本的textbook", 有書單, 有心的又唔敢問老師的咪可以執書單的textbook

初中點會用唔到notes, 我讀初中果陣直頭有幾科係用notes, 完全無問題, 出notes搞唔掂係閣下能力有問題, 唔係出notes本身有問題

高中補習社出到notes閣下出唔到? 擺明係質素問題

如果你係現職教師唔怪得教師呢行比人叫教畜

呢d奸商同學校串通畀回佣

老實講打龍通或者教師無料寫notes咪乖乖地認左佢
唔好講到咁正氣話為學生為教育

咁就落仔啦
生乜撚嘢仔