【2ch文連登式演繹】詭頭：日本網友與公仔頭共同生活

好正啊 樓主係咪精選左d經典 post嚟譯

好好睇多謝樓主翻譯

屌又早左

推

好老婆

呢個故好正
多謝樓主翻譯

續上 公仔頭自己回歸 一波未平又走去探靈撞到嘢

做法事嘅地方係揸車30分鐘左右 去嘅途中因為我哋有四個人所以都幾安心
但就喺5分鐘左右又出現異變

同喺隧道嗰陣一樣車入面嘅空氣唔同咗
四個人都沉默起嚟

拳手講「喂咁即係...」嘅時候 我同笨蛋太郎四目相對後

砰！！！

同尋晚一樣 有唔知咩拍車頂嘅聲
感覺驚到就死咁

同尋日一樣咁好大聲嘅砰！！！！砰！！！！聽到好幾次車頂傳嚟嘅聲

涼子一路講「冇事！冇事嘅！！」咁一路抱實我
拳手繼續揸車 但係又有變化

車頂嘅拍打聲停咗

取而代之嘅係 嘰......嘰......咁嘅聲 如果頭先嘅係用手掌大力拍嘅聲嘅話
而家嘅就係慢慢一步步踩嘅腳步聲
拳手話「冷靜啲 一定冇事嘅」但係笨蛋太郎已經喊晒
我就一路冇郁 慢慢啲腳步聲都靜落嚟

啲腳步聲停咗
涼子同拳手問「尋日係唔係都係咁」
我就話冇一步步踩嘅腳步聲 有啲唔妥
笨蛋太郎就用震晒嘅聲講「對唔住一日都衰都係我 sorry呀頂唔順喇」
然後喺佢咁嘅時候就到咗目的地

係一間好普通大少少嘅獨立屋
咩唔係神社咩？喺我一頭霧水嘅時候涼子就衝去撳門鐘

涼子真好

同性戀者自己嘅社群好羨慕

出嚟嘅係一個阿叔同阿伯之間年紀嘅男人
睇落幾好人但冇話可以就咁安心
我哋四個將發生過嘅嘢 尋日嘅事 重有碧姬 一輪嘴咁講出嚟
冷靜唔到落嚟
阿叔見咁依然「嗯嗯」咁聽我哋講 又請我哋入屋

間屋嘅二樓係工作用 即係話就係做法事嘅地方

我到幾年前為止都有去開counselling 間屋嘅陳設就好類似嗰種
整體用嚟柔和色調嘅家俬配成一套 為咗令人感到安心咁嘅佈置
有少少懷念咁嘅感覺所以呢個時候都安定返啲

笨蛋太郎喊住咁話「一日最衰係我」
阿叔就話「唔係你嘅錯」咁答返佢
（笨蛋太郎雖然笨蛋但佢係勇於認錯嘅人嚟）
我呢個時候覺得阿叔只係想安慰笨蛋太郎先咁樣講 但好快阿叔就講咗句令我在意嘅嘢

「正題唔係你做過嘅嘢」
即係點？

我哋個個都「？？？」咁 阿叔就轉向同我講

「即係呢 係你呀」
阿叔望住我對眼講

我都係自首 驚到我死

阿叔望住我拎住嘅碧姬「嗯嗯 就係俾呢個迷住？」好似喺度確認咁同我講嘢

我「喺見到嘅嗰一瞬間 就有種一睇就好鍾意嘅感覺」
叔「嗯嗯 都明大概嘅」

我哋個個都好混亂 阿叔就繼續

叔「可唔可以問一問你（即係我）
喺你身邊 到目前為止有冇發生過啲咩解釋唔到嘅事」
我「冇咩特別」
叔「唔係最近 係近呢幾年」
我「唔係好清楚......」

阿叔望住我對眼慢慢咁講

後續快

然後阿叔就慢慢咁講

叔「有冇啲加害過你 或者想加害你嘅人遇到啲不幸嘅事？」

一直不明就裡嘅我終於喺呢個時候醍醐灌頂



我「喺幾年前有3個想強姦我嘅人 佢哋全部死晒」

樓豬嘅人生咁壯烈...

呢度講返我以前嘅事（只係幾年前）
如果有對性暴力敏感或者有類似經驗嘅人請注意另外驚起底所以會多啲虛構成份

我同屋企人出櫃自己係同性戀者
呢啲都只係好普通嘅事 只係我爸爸有少少苦惱
佢搵過朋友傾訴自己有個同性戀嘅女
然後就唔知點樣傳到嗰個朋友嘅仔都知
喺呢個世界度係有一定數量嘅人會覺得「女同性戀呢啲大大力屌過就鍾意返男人㗎啦」
嗰個仔就係呢種人 佢叫埋兩個朋友打壞主意

我諗你都估到係咩 佢哋就係企圖想強姦
唔知點解 我嘅住址同樣都俾佢哋知道咗
就喺一個又唔係夜晚嘅時間 外出嘅我就被拉咗入一架唔識嘅車度
唔使一陣就被推倒捉住頭髮同衫 然後俾人入埋

喺呢度我完全好慌亂驚恐 喺架行駛緊嘅車度猛烈咁抵抗
佢哋好用力咁捉住我撳低我
但我就抵抗得更猛烈用力咁撐手撐腳
好記得成架車都搖晒
而問題就係之後發生嘅事

揸車嗰個因為俾我踢中 所以架車就咁撞埋去電燈柱度

我而家好似俾呢個PO迷住咁
異常地想知後面係點

阿叔靜靜咁聽我講
笨蛋太郎同拳手就「唔係呱」咁嘅樣聽住我講
涼子一早知呢件事 所以佢睇落好冷靜咁

我「個司機對腳撞斷咗 之後對腳就咁跛咗 所以佢自殺」
叔「嗯」

我「其中一個 俾一個唔識嘅男人先姦後殺咗
但嗰個男人本身係異性戀 但好似精神有問題對答唔到嘅狀態咁 點解會強姦佢到而家都唔知」
叔「嗯」

我「重有一個人冇咩特別事 但最後都係自殺」
叔「嗯
有少少奇怪 你唔覺得報應嚟得太準確咩？
就好似有人幫你報仇咁樣」

阿叔咁講老實我有啲驚

叔「我估呢 呢班罪犯本身 除咗對你都有對其他人做過壞事 有其他嘅受害人
所以呢 嗰啲其他嘅受害人」


「就喺你後面」

我呆咗

後續呢！！！
好想知！！！

就完 待續

屌 最緊張先黎待續

頂LIVE左

早咗

陶瓷娃娃

結局係唔係取代碧姬而家你玄關放嘅係涼子嘅人頭呢？

Same

笨蛋太郎就不斷咁叫「有怪莫怪！細路仔唔識世界！！」

笑撚死

估唔到收工入嚟仲係太早

多謝師兄，繼續等後續

太早入來了

live 左個

續上 諗住搵高人指點 從過去中得知另一真相

最先開口嘅係笨蛋太郎
笨「咁佢會點樣！？
唔係會死呀嗎！？」

叔「聽我講埋落去先啦」
據阿叔所講 嗰3個罪犯除咗我都有做過其他壞事
雖然我唔知 但睇嚟佢哋有唔少罪行
而因為咁令害死過幾個人

叔「不過你遇過害但冇死到
（漏咗講 有留低到啲唔影響日常生活嘅障礙）
然後就係咁 佢哋對咁樣嘅你覺得好羨慕
可能你都有聽過 靈體係會跟住咁樣嘅人
所以呢 就算係被跟住都唔係壞嗰方面嘅事嚟
相信係企喺你嗰邊嘅

至於個公仔 話唔定係以為呢個公仔係你畀佢哋嘅居所（？） 所以好開心
而你喺呢方面同步咗所以先會俾個公仔吸引

重有就係車頂嘅聲 整拍打聲係咩嚟我唔清楚 但啲腳步聲應該就係跟住你嘅嗰班
係想保護你免受拍打車頂嘅唔知咩嘢傷害」

大概聽返嚟即係咁

跟住我嘅 同拍車頂嘅唔知咩對抗？嘅
向嗰幾個罪犯報復等等嘅一切我都好驚訝
而且 我對嗰3個罪犯重有其他嘅犧牲者感到好氣慎
就算佢哋已經死咗 我都好想親手殺咗佢哋

回過神來我已經喊緊

叔「咁 同你做返場法事啦」
我「下？但唔係話跟住我嘅會保護我咩？」
叔「想保護嘅心情可能有啲過剩 話唔定就算只係行過唔覺意撞到你嘅人都會對佢做啲咩」

搞到我都有啲驚

叔「咁嘅話就會過份咗 同埋呢......跟住你嘅有3個
當中最強（？）嗰個 大概只有8歲 個頭碎咗一半 同埋



喺你背後踎低望住呢邊喺度笑緊」

咩話...即係話碧姬係好人？定好人s

因為好驚所以大家都請佢照做法事
法事平安結束
內容係點因為唔可以講出嚟所以唔寫得 但講真個法事先最得人驚

完咗後 涼子緊緊咁攪住我
「冇事就真係太好喇」有少少喊咁樣
其實真係好驚 但因為我有危險所以佢忍住唔喊 佢真係好強

拳手就有少少發呆咁講「腕力真係冇力......」
我想同佢講「唔係啊 畀到好大安心我哋」但佢冇聽到

笨蛋太郎就有少少瀨
佢係咁道歉話唔應該帶我去隧道 但我都講返如果唔係有佢嘅話都唔會知原來有嘢跟住我
咁樣叫幫佢打返圓場

之後我哋就咩事都冇 笨蛋太郎話發誓唔再去探靈
碧姬就交咗畀阿叔
今次佢冇返嚟 平穩嘅日子又返嚟喇

重有呢 唔知會唔會破壞氣氛呢～所以去到最後先寫返
喺隧道同笨蛋太郎逃走嗰陣
擋風玻璃撞死咗隻好大隻嘅草蜢
好大聲我哋兩個都好驚咁「嘰呀～～～！！！」大叫
以上係題外話

辛苦晒！

我嘅靈異經歷就係咁完喇
所以睇晒嘅人 我好開心
我會留低睇多陣 之後大家隨便喺度傾下啦～有問題答到嘅話都盡答

謝
幾好睇
登場人物個個都好鍾意
我指活人

好驚
係咩時代嘅故事嚟？

希望你隻貓貓都健康啦

#85
同涼子重有冇啲咩事都想聽下！

>>85 同古靈精怪嘢冇關OK嗎？

而家我同涼子已經分咗手
涼子話「我搞唔清對你到底係戀愛定只係純粹想保護你 我想暫時分開下」
對捲入犯罪事件而變得怪怪嘅我嚟講涼子係救咗我嘅人
當時我對異性戀 特別係對男性好憎恨 直頭完全覺得自己有加害佢哋嘅權利
但係對咁樣嘅我涼子都好細心慢慢咁同我講「咁樣係唔啱」
可以話精神面上都守護住我

然後聽到涼子咁同我講 我都開始對自己係唔係對涼子有戀愛情感而起疑問
我開始諗會唔會係盲目咁信好似神一樣救咗我嘅涼子 但我而家依然認為自己對涼子嘅應該係戀愛情感嚟
到而家我哋都重有一齊去睇戲
作為朋友嘅涼子我一樣咁鍾意 佢既係我尊敬嘅人 好似姐姐咁（涼子大2年）
無論點都好 涼子都係我心中第1位

#88
唔好意思唔覺意問咗添
涼子有幾好連膚淺嘅我都感受到
既然而家你哋都有一齊過嘅時間 聽到咁我都安心啲

>>88 早知我講啲開心啲嘅嘢啦～

之前試過有個gay？嘅0講笑咁同我講「你會唔會駁返條J？你有J嘅話我可以要咗你個青頭嘅～」
涼子聽到後堅好嬲咁「下！？」
我唔知佢咁算唔算呷醋 但我都有啲開心

久違嘅好PO 雖然幾驚...
樓豬可以識到涼子真係好

#91
想知多啲笨蛋太郎嘅嘢

女人諗出嚟嘅吹水PO

>>91 笨蛋太郎係我識嘅人入面最單純嘅
笨蛋太郎爸爸本身係bi 好似話細個嗰陣就聽佢講「一個人會鍾意邊個 或者一生都冇鍾意邊個係一啲都唔出奇」
係俾父母冇否定咁湊大？定係話 有種...有種對世界冇憎恨嘅感覺
聽講因為咁所以同樣係gay嘅人唔知點同佢相處
我冇其他close嘅gay friend所以唔太清楚

同埋佢細個嗰陣嘅夢想係做膠紙

即係連結人與人嘅存在...
應該冇咁深奧只係鍾意膠紙啫我諗

細個嗰陣班入面如果有條友會食膠紙嘅話佢就係嗰款啦

#99
講真你不如去陪貓好過喺度磨時間啦
雖然我都想佢健康但萬一有咩事就以後都一齊唔到
活着只係一瞬間嘅事嚟 人又好貓又好

>>99 貓呢 佢情況好好啊雖然重觀察緊情況 但佢之後冇咕嚕叫而家識叫返 又跑跑跳跳咁
要你擔心佢好對唔住

好耐冇好PO 已謝
比起驚故更似感動故

#107
唔該我要#643a0e 連色code都玩埋

>>107 你就想

>>107 屎色嚟嘅喂

全篇完


反而想知髮型師一屋都係公仔頭個畫面會係點
感覺可以更加有發揮空間

鍾意呢類2ch有趣文嘅話 以下專頁有其他翻譯過嘅舊PO
https://www.buymeacoffee.com/hk2chmakoto
假如你對連動物敏感 入面就好乾淨一隻都冇同時會盡可能修正返錯漏字 如發現有其他錯漏請話我知
可以嘅話希望能夠得到你嘅超級感謝鼓勵支持繼續發掘一啲有趣嘅內容分享
除咗有2ch名作嘅分享 間中不定期會有啲其他特別嘅短篇
例如不專業淺談日本漢字詞語 多元化內容希望總有一種啱你
謝謝




以下Editor’s Selection 名作選（奇異博事部門 Something Strange Department）：

【2ch文連登式演繹】日本網友分享家中神秘封閉空間探險經歷
https://lih.kg/3286185
著名角色：旅館太子

【2ch文連登式演繹】日本網友講述一次做補習老師可怕經歷
https://lih.kg/3301752
著名角色：健仔（Ken君）

【2ch文連登式演繹】神主與不可思議 日本網友分享從事神職經驗（神主不思議事件簿）
https://lih.kg/ktOAjS
著名角色：神主

【2ch文連登式演繹】日本網友擁雙重記憶 網民驚訝：或者可以解開世紀謎團
https://lih.kg/3280608
著名角色：維路

【2ch文連登式演繹】時空錯亂？日本網友分享一段不思議經歷
https://lih.kg/3290653
著名角色：姑婆

【2ch文連登式演繹】山村奇譚 日本網友從外婆學到不明咒語
https://lih.kg/kBoqoS
著名角色：阿晴（Kii-Tyan）

【2ch文連登式演繹】日本網友好奇親自嘗試時間跳躍之術
https://lih.kg/3309678
著名角色：時間迷子

【2ch文連登式演繹】日本網友分享山岳相關怪奇體驗
https://lih.kg/3304328
著名角色：老獵人

【2ch文連登式演繹】日本網友憶述一段遇到山中奇人經歷
https://lih.kg/3325894
著名角色：風來大人

【2ch文連登式演繹】服魂：日本網友靈異體驗
https://lih.kg/kgiLmS
著名角色：Cinderella

出完文
未睇
純支持一推

等一陣又有得睇
開唔開心

42樓個on9 唔好quote樓主
識唔識規矩

好想知法事點得人驚, 可怕唔講得