我屋企係單親家庭，我7歲死老豆，當時仲有個6個月大嘅阿妹。老豆死前屋企經濟尚可。但係老豆死咗之後老母發現佢同銀行借貸（都幾大筆），屋企又有樓供緊，加上我老豆死當晚佢個仆街家姐就過嚟話我老豆借咗佢10萬要我地還返。最後老母要賣樓還債。而家屋企經濟就係窮到仆但又未攞到綜緩(加上老母話攞綜緩=會被人睇死所以點都唔會攞）
講返今日令我頂唔順開po嘅事：
我今年大學yr3，年年都要申請nlsft，而我比其他人更煩因為我要申請放寬彌償人（同老豆嗰邊親戚斷晒，老母嗰邊得好老嘅公公婆婆。我老母全職家庭主婦）今日又收到學資處d信。佢主動問我封信係講乜，其實我完全唔想俾佢知道，因為佢乜都唔識搞，反正都係我自己填，講嚟做乜。
我=
，老母=
：好煩 學資處又彈返嚟：政府再嘈叫信唔信我申請綜緩啊嗱？我當時即刻好躁底，屋企條件未夠，而佢每次收到濕9政府文件都會講呢句。我覺得除咗煩膠之外並無實際用處。
：你好煩，你有本事咪即管去申請囉然後我呢句說話就焫㷫咗佢，話我對住屋企人發洩情緒，話我無抗壓能力，佢提綜緩係想安慰我屋企條件未差到攞綜援。
*如果同我一樣慘要申請放寬彌償人嘅都知道學資處係好麻煩，又要填表填原因，唔知點解又會彈返嚟話唔得，打電話過去又成日唔聽。
然後老母又開始話自己十幾歲打工養起頭家仲辛苦之類，我每次聽到都好想問佢係咪想我quit u去打工養家
我完全唔明點解講一句學資處煩就係無抗壓能力。再講下其他事
我由入u開始無再問老母拎過一毫子(除咗yr 1 hall fee係佢交)。
我中學嗰陣次次問親佢攞錢補習佢就話我唔生性，好廢要補習(其實我淨係keep住有補數，physics補咗f6一年，chem臨考前補咗1個月)。
我真係好驚再問佢攞錢，好似我係罪人咁。所以我入U光速搵工，而我本身都好慳，完全唔買無謂嘢，食飯交通同yr2 hall fee都係自己錢，加上我濕疹每個禮拜都要睇一次醫生，全部都係自己錢。淨係買衫係老母買畀我，我諗住一年買幾套衫好合理吧。
前幾日佢無啦啦屌我
：有幾多人好似你咁廢啊？20歲人仲洗緊老母錢，衫仲係我買畀你我真係即刻o咗嘴，買幾件衫都叫洗老母錢？我而家已經決定以後買衫都係自己畀，反正我一年買衫先一兩千左右，使唔使講到好大洗費咁
想睇下到時又有咩位可以被佢屌我其實我都明佢一個人養大我地係好辛苦，但係使唔使乜都屌7我
Sor for 1999，諗到咩寫咩，因為涉及好多屋企情況，而且好似好婆媽，都無乜同friend呻過，喺度當下樹窿，浪費咗你地幾分鐘時間睇廢話
