【TVB】王家衛 | 繁花 | 討論區(3)

雪芝排名第一，如果佢無死，最有機係李李，

起果時果刻整死雪芝，effectively就係令寶總同李李無行，間接令李李出家 XD
btw，呢個網整理得幾好，睇完就知寶總根本就係十年之約既產品：
https://www.163.com/dy/article/IPL68RN70552SX1T.html

我自己都覺得呢段quotation起結尾出現有d夾硬，可能王導係想帶出雪芝點影響寶總，同埋為寶總最後既出路搵個根據

見你地啲人成日話寶總輸剩一塊地回歸平凡，咁其實都對應飄個結尾

飄個結尾簡單嚟講都可以話女主角郝思嘉輸晒全部嘢，主要講佢輸晒全部佢愛/愛佢嘅人，外加名聲都輸晒（除老家塊地）

佢老家塊地係佢老豆故事初留俾佢嘅嘢，女主仲問留塊爛地俾佢做咩，所以佢老豆講左上面個段名台詞佢聽，到女主角經歷打仗輸晒第一次「全部」之後，佢個時就係得返老豆講嘅爛地，就用個塊爛地不惜一切重新起家，養晒全部人，思嘉係戰後起家個嘢就明佢老豆講個段嘢係咩意思

到結局佢又輸清光個時，佢一諗起老家塊地+老豆段教誨，佢就打起精神，重新振作，個故尾好正面，同其實成本飄都好睇，但太多人當呢本野係言情嘢睇，忽視佢個故個價值


如果阿王導攞嚟埋尾，就應該係一樣意思囉，就係呢片土地既係你嘅根，你點輸都仲有佢，亦都可以喺呢度東山再起，tomorrow is another day

事實就係地主有地點都會發達是定律嚟

多謝你既分析，不過就算真係有咁多含意，劇入邊個鋪排都係太短，結局前廿幾集其實完全提都冇提過呢塊地，亦無提過寶總原來有諗過耕田 😆