曾被C朗看不起的蘭歷克 「逼搶之父」終為自己正名

奧地利在今屆歐國盃表現出色，分組賽力壓強敵法國和荷蘭首名出線，主帥蘭歷克居功至偉。

敗走曼聯，更被傳奇球星C朗拿度公開批評，蘭歷克在球壇的聲譽一度跌到谷底。然而，他這幾年在奧地利國家隊默默耕耘，德國「逼搶之父」終在國際賽舞台上再度為自己正名。

C朗拿度曾公開稱：這人不是教練
「這個人根本不是教練。我一生中的所有教練，我都稱他們為老闆（Boss），但在我心裡，我從未把他看作是老闆（Boss）。」這是葡萄牙傳奇球星C朗拿度在2022年底接受英國名嘴皮雅斯摩根（Piers Morgan）訪問時，對蘭歷克的評價。

以德國「現代逼搶之父」之名來投，蘭歷克在2021年底走馬上任成曼聯暫代領隊，紅魔迷一開始對這名德國老帥寄望甚殷。然而，球迷的期望很快幻滅，蘭歷克在曼聯的六個月裡，只贏了11場比賽，更成為紅魔近50年來勝率最低的領隊。

高位逼搶、攻守轉換快速，一向是蘭歷克足球的標誌。但在曼聯的時候，球隊完全發揮不出這種風格。有不少球迷甚至嘲諷他只是「公關教練」、「只懂在記者會批評曼聯」。當季結束後，蘭歷克與曼聯提前解除其顧問聘約，雙方不歡而散。一代德國足壇教父，半年間的聲譽受到了很大的損害。

敗走曼聯 轉至奧地利默默耕耘

蘭歷克沒有回到德國擔任足球總監職位，反而選擇再挑戰自己，走馬上任成奧地利國家隊主帥。在奧地利，蘭帥有時間和空間傳達他的理念，他將球隊從前任教練福達（Franco Foda）的謹慎打法，一步一步轉變為積極進攻的風格。奧地利在蘭歷克的帶領下漸見成果，他們曾在2023年11月擊敗德國和2024年3月大勝土耳其，這兩場都盡顯其戰術功架。蘭歷克的成功，更吸引拜仁慕尼黑向其伸出橄欖枝。不過，他最後時刻決定留效奧地利，專心備戰歐國盃。

帶領奧地利力壓法國荷蘭 首名出線

奧地利今屆歐國盃身處於D組，同組有今屆大熱法國和傳統勁旅荷蘭，相信開賽前沒有一個人會認為奧地利可以前2名出線。不過，奧軍在今屆賽事中展現了蘭歷克球隊應有的韌力，首戰便領法國吃盡苦頭，最後僅以1球落敗；次仗不停以高位壓逼波蘭，清風送爽地贏3：1；對荷蘭一仗更踢出其代表作，在控球及射門方面均力壓對方。雖然比賽中兩度被追平，但在最後關頭臨危不亂，最後憑沙比薩射入一記靚波絕殺對手。令眾人驚訝的是，奧地利最後成功壓過法國和荷蘭，以首名姿態晉級。

擊敗荷蘭後，蘭歷克將功勞歸於球員：「我們在比賽中展現出了更強的取勝意志和投入度，我在比賽的每個階段都能深深感受得到。當面對失球時，我們立即回應，沒有屈服，並保持了自己的比賽風格。當你仔細觀看球員今場的表現，真的要向他們致敬。」同時，蘭歷克仍保持謙虛，認為球隊奪冠機會渺茫，只希望球隊能腳踏實地，一場踢得比一場進步。

92歐洲國家盃，以候補身份參賽的丹麥成為創造童話。如奧地利在蘭帥帶領下能夠繼續踢出悅目足球，誰敢看輕他們？

連高普都尊敬既逼搶先師都被牙朗朗睇唔起

Alaba點解無份？

傷 不過都有份做助教

除非兩隊都入到決賽，否則奧地利冇機會撞葡萄牙，可惜

贏左先講

可能呢度冇乜巴打有睇,
蘭sir 以前2次教史浩克04 都教得好好,
德甲德國杯雙亞,
第二次教入歐聯4強.
真係比曼聯害左佢.

教賀芬咸由業餘升上德甲，教紅牛都有啲料

高普有幾多個歐聯先

老德甲迷真係好中意佢
有型，有form，行出黎有氣場
係冇乜教頂級班霸既經驗
生涯冇乜榮譽

蘭歷克 沙薩比都證明到自己 ，有無諗過問題其實係來自

隊波有個3十幾歲既中鋒
叫佢迫搶而唔係發揮佢既優點

咁既教練真係好廢

唔係曼聯害咗佢，係曼聯配唔起佢！
成班少爺去做明星好過做球星啦！

主要係冇教過拜仁姐,
同埋佢本身身體健康有問題,
似乎頂唔到太大壓力,
所以後期做總監

曼聯太多政治問題了.

叫班大少爺迫搶??

屌你老味我幾廿歲人, 你叫我企係前面迫搶, 你話你係唔係唔啱

佢呢啲似弱隊先岩佢教
班霸個個球星點會同你迫搶

真呀，阿朗一向嘅踢法都係等隊友做曬所有野包括防守組織揹位過人串連再俾佢門前等餵輕輕鬆鬆咁一己之力carry全隊

叫佢迫搶真係彩你都傻

Giroud 響米蘭正選出場，30幾歲咪又係咁打逼搶，無氣最多咪換人。

你傻咗呀? 搵Giroud同我球王比?

豪門唔易教，撞正班大帝怠工真係喊三聲

Lm