唔好咁快出大佬
我先
我朋友的朋友，阿俊，係風煤切割金屬地盤工人。嗰日，佢負責喺地盤B1層用風煤cut工字鐵準備裝風槽，完全冇諗過最後會引發一場史詩級大火。
大約12點，阿俊因為肚餓，夠鐘就嗱嗱臨出咗去食飯，風煤cut鐵通常都會有大煙，所以大家都見怪不怪嘅，完全冇諗過有可能會燒著嘢。結果，阿俊返到嚟1點左右，見到釘板佬大叫火燭，又拎條水喉係GF層射水，紮鐵佬同雜工都大叫要一齊衝落B1層幫手救火，但太大煙同埋周圍都係密密麻麻嘅鐵架(用嚟支撐GF層未完全凝固嘅石屎)，根本入唔到去火源嗰個位。最後成班只好大叫撤退，因為意識到安全最重要。
之後安全佬聽到，馬上響鐘報消防。由於現場BF層搭哂架，消防黎到都拖唔到喉落去救火。見到佢哋試咗4次左右都唔掂，2點半左右消防升級火警至三級。安全佬最後都留到我哋5點先俾走，因為要100%確保冇工友仲喺火場入面。
阿俊當時心想：我就係出去食個飯，點知成個地盤原來好似打緊仗咁。而且，見住消防員/所有工友/附近居民啲樣，阿俊心中更加七上八落。本身呢個項目預2026年完成，依家搞到咁，9成9要砍掉重練，都唔知造成幾多損失，阿俊心諗：今翅仆街烏。
呢場火，消防一共派出咗200幾架消防車同救護車，出動咗700幾名消防員同救護人員，包括啲災難應變隊同煙火特遣隊。火場面積好大，有大約5000平方米，布滿咗濃煙，啲溫度超高，部分地方甚至高達500度。火場仲有大量建築材料同風煤樽，令火勢變得非常猛烈。最麻煩嘅係，現場有好多支架，個場地就好似迷宮咁，消防員要入火場係相當困難。好辛苦晒佢哋咁樣拼命去救火。最後呢場火焚燒咗近40幾個鐘終被救熄，都慶幸呢件事冇人受傷。
呢件事係阿俊返工犯過最嚴重、最難忘嘅錯。希望大家以後返工都要打醒12分精神，避免類似情況再次發生。
。後尾先知原來係架船上面係載住一啲化學物品，擱淺之後洩漏到成個海都係，公司要負責處理污染物，一賠賠幾億。而事件裡面最無辜嘅係附近一個水清沙幼嘅太平洋小島，因為生態災害，要即時封鎖隔離。
