對於忙碌嘅中產階層嚟講，花時間捕捉時機，炒出炒入，不單止會影響本業，仲會耗盡寶貴嘅閒暇時間，咁樣嘅投資方式並唔符成本效益。相比之下，善用平均成本法，進行簡單易用嘅定期月供投資，更為適合。揀選指數入面嘅個股嚟定期投資，最終揀中股王嘅機會微乎其微，反而意外揀中低效股票嘅風險較高。因此，選擇ETF係一個更明智嘅選擇。
討論範圍說明
1. 不討論 Leveraged ETF：如果你想討論呢類ETF，請移步到專門討論 Leveraged ETF 嘅帖子。
2. 不討論港股ETF：由於港股ETF同美股ETF喺管理上有一定難度，再加上我對香港未來嘅前景唔係咁樂觀，所以港股ETF唔作討論。
3. 不討論短炒Option/期貨：短期炒作Options或者期貨唔會長期獲勝，所以呢度唔會討論 Option Call/Put 或 期貨。
投資長倉嘅要求
參考咗網上唔同嘅資訊，針對設立長倉，我歸納咗幾個要求：
1. 用時間幫你賺錢：選擇能夠隨住時間增值嘅投資標的。
2. 高回報率：賺錢係首要目標，但高回報率通常伴隨較高風險。
3. 低浮動率：長期投資嘅周期以年計，短則5年，長則20~30年，浮動率愈低愈好。
4. 優於大市嘅回報率：至少要達到或者貼近大市嘅平均回報。
5. 避免「供死會」風險：投機炒賣喺特定價位可以離場，但月供投資不論走勢持續買入，如果最終發現「供死會」，損失會異常慘重。所以ETF越多元化越好。
6. 享受全經濟增長紅利：盡可能享受美國乃至全球經濟增長嘅紅利。
7. 創造現金流：除咗靠自己嘅工資進行月供投資之外，亦希望投資組合能提供額外嘅現金流，以達到以下目標：
8. 再投入市場：將額外嘅現金流再投入市場，不斷滾大資金。
9. 基本生活開支：提供基本生活開銷嘅現金流。
10. 更多元化：ETF除咗股票之外，有部分都可能唔同資產去投資，例如樓、債等。
總結
對於忙碌嘅中產階層嚟講，選擇一個穩定且高效嘅投資方法至關重要。定期月供投資ETF，不單止能夠分散風險，仲可以享受長期經濟增長嘅紅利，係一個值得考慮嘅策略。
初步睇法:
基於以上要求其實初步都對Portfolio有基本嘅要求：
1. Index ETF：
連登仔最清楚嘅係 QQQ 同 VOO/SPY，無疑係最強組合，就算廢老都會叫你 all in VOO 唔使煩，訓住賺錢。
2. 收息ETF：
創造相應現金流，就算遲下冇嘢做都有糧出。
3. 除股票以外其他類別資產管理ETF：
要知道經濟係有周期，股票絕對唔會長勝，中間會有啲階段係其他資產更強。
以下開放討論
nike,仲有幾間bank,仲有美容公司，唔算超級護城河