有無濕疹手足試過睇營養師？有無手足可以分享下呢啲食療效果

由細到大二十年都有濕疹未好過
最近太潮濕發得好勁 feel到類固醇真係只可以好基本咁令啲傷口好返，但無辦法令身體唔好發炎。
所以想轉睇營養師試下。想問有無手足可以分享下營養師睇濕疹有無用同埋通常要睇幾耐先有效？

我就玩咗十年咁上下，最後食酵素類固醇好，戒口有，但唔係完全唔食，偶爾會食下芒果菠蘿海鮮，但唔會瘋狂食

想問下係咩酵素

Lm

都係有2x幾年濕疹，睇中西醫食藥搽藥膏搞到身體愈黎愈差，最後都係自救搵資料改變diet依家好返好多

如果你關注發炎可以試吓anti-inflammatory diet
其實來來去去免疫系統失調都係醫腸漏症，一定要戒麩質同奶，其他就係食有營養抗炎嘅食物，不過香港係比較難實行非主流嘅diet，成本貴同外賣少選擇，多數都要自己煮同諗，不過長遠會健康好多，慢慢調整唔洗急

PS 我係全身好嚴重所以我係跟AIP diet + blood type diet，會再嚴格啲，從anti-inflammatory diet入手會比較易跟

試試 濕疹益生菌

試下去藥房買豬油膏沖涼
我仲有用可可巴油搽身
依家好番dd
一齊加油

做運動，出身汗

維他命D3+ 鋅+omega 3魚油

平時飲食盡量食多啲原形食物、低糖低碳

戒乜都冇用
搽類固醇最有用

真,成班打手想sell食療, on99

搽啲古靈精怪嘢都係冇用
打針都好似好有用 利申未試過
其他一律廢話 唔係我想貶低佢 事實係真係冇撚用 我覺得係安慰劑效果比較大

搽左就黎廿年喇都斷唔到

想知係自己買定跟營養師？

真
即係你都試咗好多嘢啦 最有效始終係佢
呢個都係我得出嘅答案
所以之後我想試吓嗰支針
如果未來有咩新科技可以改善到呢樣嘢 我都會走去試

咁可以雙管齊下姐 最好就唔使繼續搽啦

類固醇啦 即刻見效 食療嗰啲撚你一年半載 又調整又乜乜77 最後唔得都係叫你搽藥先幫到你就算

可唔可以分享下你平時個diet係點？有咩食有咩唔食？最近都有留意anti inflammatory diet，覺得好難實行。雖然我已經有戒糖，加工食品，但變到好鐘意食煎野Google完先知烹調方式都會影響身體發炎，最好唔好高溫烹調食物

唔撚洗係度推咩食療
真係有用醫得好濕疹一早拎左諾貝爾獎啦
首先你要知道濕疹點黎先
濕疹好多種,大致分做急性同慢性先
急性可能係果排好大壓力之類免疫力弱左
及時就醫通常好快好番可以斷尾
慢性通常細細個就有
大把BB幾個月淨飲人奶都出濕疹
咁你諗下關食物撚事咩,乜柒原型食物都無食都已經有濕疹
個主因係你免疫系統有問題
對某啲野敏感,通常都係塵架喇
所以點解咁多人一去左外國就無事
因為香港空氣太差
有啲就食物敏感,
中醫叫你介口就係張一堆有機會做成致敏源食物叫你介晒去
根本就on9,只要你做過test無食物敏感
根本唔撚洗介口,正常均衡飲食就可以

所謂食療,介糖果啲唔係原全無用,但唔會令你濕疹好番
佢只係減輕你發炎反應,同戒某啲食物唔會加劇你發炎反應
因為濕疹即係皮膚炎,你個身體發炎反映係皮膚上
但你一日接觸到個致敏源,你一日都係會有濕疹
即係3級大火你拎住個滅火筒仔去救
唔可以原全話無效,但唔會救得熄場火囉

如果真係塵敏感係咪無得救？

移民

邊隻？

離開香港減少壓力最work

關營養師事？

你咁耐以黎睇醫生用咗幾多錢？