Frankie陳瑞輝女友Threads放閃
複雜情史曝光
自認一腳踏兩船做第三者
IG公開與皮皮私人對話 AK慘被牽連
MIRROR成員Frankie #陳瑞輝 ( #皮皮 )自推出solo《皮思苦》後,在舞台上更有自信,甚至發光,吸了不少新粉,自爆生飛滋成為流量密碼,感情生活亦成為焦點。去年平安夜他在社交平台分享放閃照,大方認戀愛中,稱對方是圈外人,「佢唔慣高調咁去公開…等佢個人舒服啲,越嚟越多嘢就可以講出嚟。」
事隔半年,皮皮圈外女友 #Christy 突然「上水」,先於皮寶寶(粉絲團名)的Threads留言。當時大家談到皮皮會否記得fans,Christy表示:「佢記得㗎😂😂😂」。數日前有fans轉貼皮皮「女友視角」相片,稱讚女方影得皮皮很好看,Christy再現身答謝謂:「多謝皮寶寶嘅厚愛🥹💖我會影多啲比大家睇同埋爭取多啲福利😆」
正趕拍新劇《麻甩媽咪》的皮皮翌日始回覆:「難得迫到你出嚟講多謝😤我都要多謝你!你影啲相好靚🥰🤣」放閃本是開心事,之後發展卻始料不及。
︱曾現身皮皮MIRO見面祭︱
有fans在Christy的留言下稱皮皮在愛情滋潤下更開心自在,「直情改變哂佢成個人咁,真係祝佢哋繼續幸幸福福。」亦有留言指女方是「心機女」,「到底是要低調定高調?應該從來都冇低調過啦。」另有回覆指有人自認玩「角色扮演」,還頻頻上水。
留言最初只屬純文字討論。有人稱在皮皮的MIRO見面祭見過Christy,身穿皮皮品牌flakey未推出的新衫,手執grumpy bear跟皮皮見面及影大合照,甚至指女方早已加入皮皮的tg group,Christy亦被揭曾參加《尾二尾一屆口罩小姐》。
昨日皮皮仍於tg現身,「Hello皮寶寶🍼」打招呼,每句回覆都附emoji。最近他每次上水都用「🍼」稱呼fans,上月更謂:「我會喺threads、tg,ig不定期出現,你哋記得catch a 輝✌🏻」昨晚十時,皮皮仍於tg回覆留言笑言考車牌「唔好皮皮症發作😂」,未幾關於Christy的IG stories亦分批曝光。
︱分享與皮皮私密對話截圖︱
Christy的IG stories僅限於指定朋友才看到,除有性感自拍,還有心事台感情煩惱分享,更有對話截圖,內容涉及皮皮、AK。其中一幅清楚顯示正在跟皮皮在tg對話,中間部份曾作剪裁。女方先分享了一張照片問皮皮「你同呢個熟唔熟btw」,皮表示「好麻麻」。女方再稱:「(對方)成日R水吹,我連撳入去睇都唔撳。成日似(恃)住自己識你哋就周溝女,好討厭。」至於那個「他」是誰未有提及,疑為一位男dancer。
中間對話被cut走,接上下一段,皮皮說:「完全唔熟。成日喺我面前提第二個我會癲。幾鍾意都情願唔要。」又回覆Christy其中一句「點解AK會搵我傾偈嘅」,表示:「你唔好搵我喇,你自己一早都揀咗。」Christy回覆說:「喂呀」。
皮皮續道:「你講嘅,佢搵你一定會去,做咩我要對自己咁差啫。」Christy安撫表示:「佢唔會啦,傾閒偈only,同埋佢有女㗎嘛。」對話沒頭沒尾,皮皮所指「完全唔熟」的人亦被故意cut走。Christy跟密友分享上述對話並謂:「可唔可以唔好1月1號就畀呢啲難題我。」年份不明。
︱自稱AK「係咁text我」︱
Christy另一個密友story,對話截圖顯示為AK,兩人在IG dm。首句是AK跟她說新年快樂,沒顯示對話由誰作主動。AK又問對方是否已跳pole一段時間之類。Christy寫道:「皮皮嬲咗我因為我成日提AK,而家AK又係咁text我,我都唔知係咪皮皮搵佢嚟試我。但係AK應該唔知我同皮皮咩關係。」但流出的密友story中,沒有更多「AK係咁text我」的證據。
Christy也不時談到其感情煩惱,「我覺得自己要搵多個,而家兩件都唔係隨時on call嘅,我要一個係一call要即刻出到嚟」「我三個男人都好鍾意,唔好要我揀啦。都冇逼你哋分手啦。」
︱坦認做第三者 「見一個鍾意一個」︱
網上流出的剖白stories中,不少發生於2021年,附有Christy性感自拍:「我今年全部relationship都係做緊人第三者」,「見一個鍾意一個」,「仲諗住2022年之前cut off佢哋,但係最後又俾佢哋氹番我」,帖中承認當時與兩男交往中。
另一張與舊愛親密合照,她寫道:「自己十月嗰陣仲幾鍾意佢,估唔到皮皮咁快出現。我見一個愛一個嘅性格咁多年都冇改變。」日期顯示為21年10月2日。
︱皮皮前女友轉貼李惠利「好有趣」story︱
Christy又分享了皮皮一張自拍照,日期顯示為21年12月22日。她寫道:「我25號想去搵佢只因為我條仔陪唔到我,但係我又唔想皮皮覺得我係嗰啲無知靚妹仔,點做好。」所指「25號」疑為聖誕節,她在另一個story出poll:「聖誕節去唔去皮皮屋企chill好?但係要等佢完咗造星4表演先。」
皮皮於22年5月宣佈與拍拖13年的dancer女友阿Hei分開,稱不涉第三者,謂感激「沿途有你」。阿Hei今日出IG story,轉貼韓星李惠利的舊帖文「재밌네」。去年11月,李惠利與拍拖7年的柳俊烈宣佈分手,今年3月男方與韓韶禧傳戀情,李惠利在IG稱「好有趣」(재밌네)。
#娛壹