香港讀Master，嘥錢嘥時間

首先快講我嘅真人真事經歷，免得你質疑我冇資格講。我在2000年夏天在港大畢業，精算，second lower。然後冇返過工，9月去咗英國讀書，在Warwick（冇錯，陶傑嗰間）讀MSc in Financial Mathematics．唔知讀一年定一年半，總之2001年中秋節我返咗香港，然後開始咗大半年好爽嘅雙失生涯，見咗好多份工都見唔成（我唯有同自己開脫：果時失業率個個月升，而我返嚟正係911後冇耐）。到2002年我開始返工，教書。2004年轉咗去做蕉行。以上種種，舊文有寫。

贏在起跑線？人生唔係一條直線｜李聲揚｜01博評
生命嘅嘢當然似 NBA，好多時頭 3 節都 hea 打嘅，第 4 節先見真章。咁當然，贏在射精前嘅，覺得最好一開頭畀 50 分底分佢。咁當然有優勢。但，仲過癮咩？不如頒個盃畀你算。贏當然重要，好重要，但自己拎返嚟，點都爽過人哋畀個盃你。
我當年去讀Master，原因好簡單—唔想返工。到英國話收咗我，我更加仆到去，就同老豆老母（已離婚，但居然都同心協力）講科水。你話換著係香港？可能我都讀，讀左就抱憾終生，但唔使擔心呢個問題，因為根本冇人收我。Second lower嘛，堅記車房堅叔話齋，second lower就好難搵Master讀架，邊個想收second lower？ 咁多個米高佐敦？

而我返到香港，居然都仲有搵Master繼續讀，咁就梗係搵MPhil啦。讀完MSc又MSc？不過又係好彩，畀人百般羞辱（其中包括中大數學系某博士，屌佢老母啦，同科相輕，質疑我讀呢啲火箭數學嘢唔識抽象思維喎，同我講即係例如呢，我地講limit要用Delta-Epsilon Approach—我仆你個街我中五已經識啦！你唔撚睇我A level 拎乜grade？），最後又係多謝佢地各院校不娶之恩，收咗我嘅我應該都幾大鑊。
讀Master？首先問你點解想讀，二來問你去邊度讀。我嘅短答案係，在香港讀嘅，就唔好浪費時間了。在外國讀，好啲，不過都唔好以為有乜回報，你當係消費，心理易平衡啲。

想讀Master嘅人，心態各有不同。首先講係最好嘅，即係讀完Degree接住去嗰啲。最出色嘅，當然係為知識嘅，諗住做科研嘅，讀上去做Doctor嘅。咁你梗係去讀 MPhil啦，然後去送薄餅讀PhD。我冇讀過MPhil冇過薄餅，冇得評論。只能叫你睇返我朋友廖博士嘅鴻文。客觀地講，博士學位膨脹甚快（懶搵數據），而有幾多學校請，大家心照。請嘅會唔會請本地大學嘅博士，更加心照。我年少時正係香港兩大變三大三大變八大定十九大時，明明以前唔使薄餅都教得嘅位，變咗全部要有薄餅，就請咗好多人。呢班友就梗係霸住屎坑等退休。加上而家大家知道，研究院十居其九係大陸啲學霸，食樹皮偷渡落嚟，個個都省級狀元，勁過你勤力過你，你覺得你夠佢鬥？Think Again．不過都係嗰句，我冇做過就無謂潑人冷水，要追夢嘅自便。本人其實唔係討論MPhil畢業去讀Taught Master（MA MSc MStat一大堆）嘅，九成就係啲唔想返工嘅人，咁其實係OK的。冇錯，只係將個問題推遲一年，但推得一年得一年嘛。況且工可以邊讀邊搵，分分鐘畀你搵到份好嘢就讀都慳返（都唔記得講，當年我嘅教育文憑PGDE就係咁樣畀港大殺咗訂，因為之後我冇教書，去咗做蕉行）。但真係除非好大件事，好冇錢，唔識講英文，要餐餐都食到譚仔。否則，強烈建議你唔好在香港讀。原因下面會再講。

好啦，最麻煩嘅，其實係啲做做下嘢走去讀Taught Master嘅友，亦都係呢度嘅讀者。又不外乎係兩種人。有啲係做得幾年嘢，可能唔開心，可能同人炒大鑊，可能畀條女飛咗，總之想逃離職場。呢啲例子我都聽唔少。或者有啲係條女做得唔開心，自己又有錢，就供埋佢去讀，又得。但一般嚟講，一係就唔做嘢，開始返得工呢，為療傷去讀Taught Master，應該冇乜用。

你自己計下，讀Taught Master要幾多錢，加上科乾咗嗰一兩年嘅人工。然後仲要再搵工，一個唔該一讀完金融海嘯你就仆街。況且，你唔鍾意都好，少不免會有老細或HR覺得，呢條友做幾年又走咗去嘅，會唔會之後都係咁？係好戇鳩，但HR就係戇鳩架啦，今日先知？貪過癮呀要減壓呀失戀療傷嘅，你過澳門應該簡單啲，自己計下用嗰堆錢可以做幾多嘢—最重要係，你放工先去嘛！唔使辭咗份工去澳門！所以，真係要讀，就Part Time。死都攬住份工。

另外，仲有堆比較正路嘅，係為事業，即係為錢。例如係做咗幾年嘢覺得自己有啲不足。但，千萬唔好係因為呀乜水讀過你冇讀，真係唔關事的，人戇鳩你又戇埋一份？邊個話你知老細升職睇人有冇Master？我歷任老細冇一個讀Master，亦都冇一個係CFA。因為李嘉誠真係唔使識落石屎。

如果係覺得自己不足，係好事，總好過覺得自己好醒。我年代唔少理科高材生，其實好叻仔，但大學走去讀工程或電腦。畢業之後覺得好瀨嘢喎，人工低工時長又溝唔到女，想轉型，就去讀金融（而家風水輪流轉，到啲金融撚扮Tech撚去Coding 去區塊鏈）。我見過啲成功例子，但其實我覺得，唔使用劍嘅，你讀個CFA咪得咯。真係事必要讀嘅，搵Part Time嘅嚟讀。辭咗份工去讀書，真係點計都唔啱數，邊個同我講我都話唔好。冇咗嘅人工，加埋學費，加埋要搵過工，未見官先打八十大板。你計下幾多年先回到本？知識？你咪撚玩啦。你睇我啲文肯定獲益多過你讀啲濕鳩Taught Master。仲唔使錢添。仲可以在公司睇添。

有冇例外？有，如果你去外國讀，就另一種玩法。當然外國讀by default就係full time，香港啲遙距乜乜，又係浪費時間浪費金錢。外國讀有乜好？兩個。首先，老細或HR都係膚淺嘅，外國緯度高啲，月亮真係圓啲的。蕉行嘅老闆標哥請我，就係因為我Warwick讀。你即管話佢膚淺，但佢就係決定請人嗰個。後來我發現佢根本唔請任何Local大學嘅人，佢之後請個大陸仔都係澳大利亞讀大學的。第二，舊文寫過，Warwick嘅一年，係我生命中好重要嘅一年。唔係佢地教得有幾好（實則我好少上堂，捽住腳趾都叻過啲鬼仔啦），而係在外國，一條友，冇王管，種種嘅文化衝擊。睇好多無聊嘅書，諗好多無聊嘅嘢，去好多無聊嘅地方，好多痴線嘅想法同核心價值，就係嗰時形成的。你話係咪幫到工作？唔知，你可以話我好彩，遇到標哥。但無論如何，你當係消費，都已經抵。幫到你加人工或仕途就額外嘅。

在香港讀呢？你可以計數。你諗下你個Master可以令你加到幾多人工（if any），然後睇下幾耐先會回到本。唔計錢的話呢？上面嗰段講嘅國體驗，你全部都冇。得罪講句，你話你在港大（我母校，唔怕講）讀MSc，啲女／仔都覺得你係有啲問題的。

仲有一種，其實應該分開嚟講，係MBA。又係嗰句，我冇讀過唔應該評點咁多。但正如 置地記者所講，人人都知讀MBA唔係為讀書，係為識人。所以你見大陸啲MBA好多靚女去讀—無非係釣金龜，塞張房卡畀佢，今晚玩救你。因為好多大陸白手興家，書又冇乜讀過嘅大老闆，都會走去讀。

不過，潑冷水都要講句，香港啲MBA，就你懂的。另一朋友話頭，個盲點就係，人人都諗住入去識人，結果就好多九唔搭八嘅人去讀。MBA同社交網絡一樣，有好強嘅Network Effect ：原本已經多勁人嘅，咪更多勁人去讀咯。原本就騎呢嘅，就只會係一堆騎呢人。把關收生嘅當然係會講佢地點嚴格點乜，但真相大家都知。

因緣際會，有位工作上嘅前輩，家住成億嘅單位（我等牛屎仔眼中好貴架啦），耶魯School of Management畢業。因為佢，我有次在北京都參加佢地 嘅活動。係真係唔同的。甚至佢地自己有個場，定期畀啲校友交流下，叫啲客席嘉賓（例如本人）去講下。

都係講返錢。無論MBA又好，Taught Master又好，都面對一個好大嘅問題：回報率越嚟越低。
我反對人讀Master ，但絶對贊成人讀Degree，都係因為回報。有學位嘅工，都仲係高過冇學位嘅工（雖然差距收窄左，好多以前中學生做得嘅工都係大學生做）。香港讀大學有一個好重要嘅誘因：學費平。香港大學本科嘅學費，N咁多年冇加過—你人工再話停滯不前都好，都有加到。麥當勞時薪都貴過當年啦，但大學學費冇加過喎！

相反，香港嘅Taught Master我唔知。但MBA肯定加咗好多價。而我在Warwick 讀嘅嗰個MSc呢？當年，18年前，係9000鎊。而家？係35000鎊，四倍咁滯。咁你估下，而家畢業生嘅人工，會唔會係我當年嗰啲嘅4倍？梗係冇啦。所以好簡單嘅例子就話你知，個回報肯定跌緊。

MBA嘅情況，以我所知都係一樣。MBA係大學最現實嘅課程，亦係其中一個最吸錢嘅課程。往往賣點就係，讀之前幾多幾多人工，讀之後幾多幾多。呢啲統計全部都有水份，但，作數亦不能作得太離譜，即使你睇官方數字，呢啲increment，都冇乜增長 —但學費貴咗好多。原因亦好簡單，因為一街都MBA，而掉轉頭，邊有咁多中層？去中層化亦係近年企業嘅一大趨勢。

結論：唔係為錢嘅，唔好讀。要讀嘅，就去外國。真係在香港讀嘅，讀Part Time。MBA？一樣。

睇你打咁多廢話冇重點就知係嘥錢嘥時間

用黎洗底 攞牌/升職/考政府officer

𨑨一萬步 就算比你去到耶魯讀碩士
一樣嘥時間

羅湖聰就係好例子，嶺大廢科讀七年先畢業，黃絲要造神 就送到佢入耶魯
讀完出嚟原來係比佢繼續做社民乞衣，日日打電競 收披床唔返工

Too long to read

我好快就搵倒全文重點知道唔洗睇


贏在起跑線？人生唔係一條直線｜李聲揚｜01博評


見倒01呢2個字就知唔洗浪費自己時間

神學系master 最有用

講咁多都係廢話
而且全部都只係自身經歷

我夠可以話我讀完master後人工多左一倍

讀master係俾你識人 唔係俾你學野
做咁耐人都未明個世界點玩

真天真: 你哋納稅人又係衰嘅,要你哋納稅人每個月供4萬嚟養我經党安做手joke係呢度打飛機同問候大家娘親
- 分享自 LIHKG 討論區
https://lih.kg/3580407

你讀埋d 垃圾就梗係咁講

睇到second low就冇睇到落去
Tldr

正解
學完又點 真係咁有用咩 心照啦
私人市場 for只係用嚟識人 包裝自己
政府 就入場卷
樓主咁大個人仲咁天真嬌
屋企有貨就撈私人
冇貨又唔想煩咁多要用腦就政府

呢個真 中間勁多廢話 睇唔落去

原來潮文嚟

攞黎識上進既妹豬
回報點計

再讀咁多書. 其實真係冇乜用
第時AI 取代晒. 出年AI Training 已經叻過晒地球上所有人.
未來人既知識, 只係當AI無電hang 機, 做AI BACKUP 而已.

其中包括中大數學系某博士，屌佢老母啦，同科相輕，質疑我讀呢啲火箭數學嘢唔識抽象思維喎，同我講即係例如呢，我地講limit要用Delta-Epsilon Approach—我仆你個街我中五已經識啦！你唔撚睇我A level 拎乜grade？

epsilon delta太basic 求其一個math major都識 識都唔代表乜嘢
同埋識背definition同識用嚟計同用嚟證嘢又係幾回事
反而係你仲J緊A level嘅grade去屌人唔收你讀數學MPhil好笑啲

有冇清可以將呢編嘢
隊比chatgpt，睇吓會唔會hang機

TMI, 唔好插咁多讚自己嘅句子會好睇d

咁你又讀過有邊啲香港master唔廢
Btw我直上PhD真係未讀過taught master

咩科先

PHD依家都係為個名
求其報個野雞都得啦

我係美國同香港都讀過 taught master, 兩個對我都無實際用途

以讀緊嗰陣嘅感覺黎比較, 美國明顯無咁悶, 因為好多時d professor/同學 會分享下佢地D research 同讀緊嗰科有咩野關聯

香港就好似中學咁上堂/落堂, 讀完一個 sem 已經悶到想 quit

學無止境呀，老世
我係一個傑出專業嘅外賣司，我都有一張鯨大嘅MBA學位啦