耶穌基督的救恩 in a nutshell

你d引用唔係神既安排黎, 邊有得比

點解d好撚勁既神蹟只可以出現係古代
一有cctv就冇哂連鬼都影唔到
好想見識下

另外如果咒詛本身有期限，亦唔需要克意再講解除。只係承諾唔做多次就夠（同用洪水滅世一樣）

我覺得如果只為天國的帶給自己耀榮/獎賞, 而相信耶穌/為傳道而受苦
失卻 人相信耶穌的初心
變成一種等價交換的行為
相信耶穌, 傳福音, 係因為你覺得/相信 神/耶穌所提出的價值是對
覺得神是愛你, 你認同神, 於是你用神的價值觀看世界, 傳講佢嘅道給世人聽
係, 聖經講你咁做係有冠冕獎賞, 來自天國
而唔係當初你睇倒有冠冕獎賞, 就成為主要因素走去信神
神就係要人 focus on 佢俾人神的眼光去處理世界的事, 神的價值觀成為人的價值觀, 回復神與人的關係, 好似阿當夏娃未食禁果之前的關係, 先係神的主要目的
我唔敢講"冠冕獎賞"呢 d 都可能成為信耶穌的其中之一誘因, 但一定唔係神的主要原意
反而太重冠冕獎賞, 會好容易墮入驕傲自義呢 d 陷阱當中

曾經有 d 弟兄問：咦, 點解聖經話 你們要先求他的國和他的義，這些東西都要加給你們了。(馬太福音 6:33) 但係佢一直咁做, 佢嘅衣食無增加反而減少, 一問之下, 原來佢個心放左係"這些東西都要加給你們了"然後才先求他的國和他的義....... 這句本應就要 focus on 他的國和他的義, 其他不理會, 神就會安排好你每日一切所需, 但他只是做然後返check 自己有沒有多了, 這樣的心態, 神的真會加給你嗎?

天主教太過過份注重儀式, 也過份重視聖體的功效, 忘記當初原意係記念耶穌基督要與我們各人永遠結合在一起, 所以其實可以出面自家買餅買聖餐酒, 在家舉行儀式記念就可以了, 至於功效我覺得隨自己所信就可以了

我覺得隨自己所信
個個都係咁咪當神冇到?
所以咪演變到9唔搭8囉成個基督教
一時一樣, 人人都有自己一套去解讀

d經文又好似你呢d諗法之後寫出黎, 你又信到十足, 跟住又有新諗法, 又傳比第2個on9仔, 牧師又一套, 阿媽返到屋企教個仔又一套
重要本身單野已經on9

3, 你認為宗教是：
a, 個人修行 （自由探索人生意義，沒有正確答案）
b, 尋寶遊戲 （類似取西經， 只有一個正確答案）
c, 自然定律 （不能挑戰，類似祖訓）
b, 法律的一種 （不遵從就會受懲罰）
e, 其他 （請解釋為何以上所有選項都是錯的）

我認為宗教係
e 實踐信仰既群體體制。

呢一個體制，本身係冇咩咁神奇。如果有D咩能力，所有能力都係來自呢個群體敬拜既神。
但係因為人好容易將神本身同埋敬拜神既體制掛勾，所以會撈亂黎講，咁樣做既危險係，當人以為自己係個宗教果度做得好好，其實可能同神一D都唔親近。事實上，耶穌就指出左當時既猶太宗教虛有其表：

馬太福音23:15
//15 “經學家和法利賽人啊，你們這些偽君子有禍了！你們走遍海洋陸地，為要使一個人入教；當他入了教，卻使他比你們加倍淪為地獄之子！//

a, 個人修行 （自由探索人生意義，沒有正確答案）

修行呢個字，我會盡量避免用，因為如果可以人修行到出黎，即係神唔洗做任何野，咁既話所有對神既信都係冇意義。

至於答案，與其話係答案，不如話係關係（我都係集中喺基督既信仰）。人同神，係有正確（恰當）既關係，係相愛。

b, 尋寶遊戲 （類似取西經， 只有一個正確答案）

由「達到目標方面」去睇，相對地 b 係較似，雖然似乎每個描述都集中左係件事度。上面啱啱講完有一個恰當既關係，而呢一份關係，係透過每日既行事為人表現到出黎。

c, 自然定律 （不能挑戰，類似祖訓）

呢一點，唔好意思，我唔係太能夠放埋一齊，或者你解釋得深入少少之後我會容易D明。
如果講個被造既世界本身，的確有造到自然定律，但係呢個自然定律能夠被神改變，咁就係超自然神蹟，係去到今日都有發生既。
如果講對神既描述，就有唔能夠被挑戰既成分，因為神係點由神自己講，人冇權講另一樣野。假先知既問題，神睇得極之嚴重，死得人咁嚴重：

耶利米書28:15-17
//15 耶利米先知就對哈納尼雅先知說：“哈納尼雅啊，你要聽，耶和華並沒有差遣你，而你竟然使這人民信靠謊言。
16 因此，耶和華這樣說：‘我要將你從這地面上除掉，今年你就要死，因為你說了反叛耶和華的話。’”
17 哈納尼雅先知在那年七月就死了。//

留意返，唔係個宗教體制整死假先知，係神自己出手。

d, 法律的一種 （不遵從就會受懲罰）

希伯來聖經入面的確寫左好多神透過摩西傳既「律法」，係宗教體制既一部分，照做就得祝福，唔做就得咒詛，係生同死既問題，正如上上個回覆 1b 講左。

但係關於呢一樣，存在好大既誤解，因為如果用今日法律既眼光去睇，表面上都成立，但係實際上有兩個本質上既分別。

第一，神賜既「律法」唔單止講唔遵從會有懲罰，仲講遵從就會得福，呢個福係神同在既親蜜關係。所以律法係得福既途徑，係親近神既機會。

第二，「律法」 Torah 呢個字，本身指帶人命中紅心（做神喜悅既事）既教導，即係律法唔係最終果樣，按住律法咁行得到既教導先達到律法既目的，呢個終點係耶穌基督果種係神入面捨己愛人既生命，好似佢咁活就做得啱：

羅馬書10:4
//4 要知道，基督是律法的終點，讓所有信的人都得到義。//


你見我講講下已經唔係講緊個宗教體制本身，因為如果所有野都只係搵方法照住做，而唔理同神既關係，個結果就唔係受教、親近神既生命，反而係一班做足宗教活動既人，雖然仍然可以係個體制入面玩鬥爬得高，但係咁係完全冇意義，亦都偏離左神既心意。

暫時分享住咁多先，歡迎繼續問

馬太福音5:22
//22 但是我告訴你們，凡是向弟兄發怒的人，都一定會被判罪。無論誰罵弟兄‘你這蠢貨’，都一定會被公議會判罪；無論誰罵弟兄‘你這白癡’，都一定會被判罪，送入烈火的地獄。//

耶穌既登山寶訓入面，好清楚咁講左咩係地獄。
兩句好明顯平行，所以互相解釋到。
「烈火既地獄」，就係被猶太人「公議會」（呢方面類似法庭）判罪既結果。

想像，並唔符合聖經。

唔該水巴補充。

（１）創 3:17 的確係向亞當講「你活既所有日子」 。所以我同意1.。
挪亞個名果段，創 5:29 ，提及「上主咒詛左既地」，冇講明期限，亦都唔反對有期限。亞當死果年，930 年，係挪亞出世之前（見下表），拉麥出世之後。所以我同意2.。
3. 就上次同意左。

（２）創5:29 呢節亦都寫得好靚，上承痛苦咒詛，下啟洪水，用既係「後悔／安慰」既nacham ，同挪亞個名 noach 部分食字。

自己計返歲數先，之前都冇做過功課：

人名—出生年—生仔歲數—生仔年份—壽數—死果年
亞當 0 130 130 930 930
塞特 130 105 235 912 1042
以挪士 235 90 325 905 1140
該南 325 70 395 910 1235
瑪勒列 395 65 460 895 1290
雅列 460 162 622 962 1422
以諾 622 65 687 365 (987)
瑪土撒拉 687 187 874 969 1656
拉麥 874 182 1056 777 1651
挪亞 1056 500 1556 950 2006

順便講埋之前聽過既教導：洪水，係挪亞600 年，即1656年，瑪土撒拉（個名拼得出既意思：「死．差出」）死果年。
家譜提及既人當中，死剩挪亞（一家）。

（３）再思考個咒詛：

洪水記載入面， 創8:1，當神記念挪亞同方舟入面既生物、牲畜， 「神使風／靈經過地上面」，呢個「經過」wa-ya'aver 同 創3:17 既「緣故」b-'avur-ekha（土地因你既緣故受咒詛）同字根，都係 'avar ：「過」。
（另外都同 創6:3 神既靈唔永遠住係人面［或：係人入面判斷］相反。）

所以「神記念挪亞」都扭轉左地既咒詛：
創3:17 地經過亞當受咒詛
創8:1 神使靈（風）經過地上


（４）夏達華我仲係睇緊使徒行傳，仲未輪到創世記，本來諗住睇左路加福音先，睇黎要改次序。

以我有限既聖經知識睇落都冇。（所以佢地先要用果節。）

其實愈睇愈多條索，偏偏我地好容易因為故有神學理念，搞到盲左咁睇唔到

挪亞點解要做農夫？如果地仲受緊咒詛，冇出產，唔通真係想向難度挑戰？明明神先講完佢可以食肉（留意下，洪水後神先話可以食動物，之前神冇准佢地食動物）

反思：其實乜都賴亞當既原罪神學，是否全然正確

黎巴我信你有答案，不過等我整理下思緒，再寫出黎參詳參詳

係喎，good point。

我啱啱越睇越明，原來77拉麥D仔既名好有意思。點解佢三個仔都咁8？

創世記4:20-22
//20 阿黛生雅拔，雅拔就是住帳篷牧畜者的鼻祖。
21 雅拔的兄弟名叫猶拔；猶拔是所有彈琴吹簫者的鼻祖。
22 至於慈拉，她也生了圖拔該隱，就是打造各種銅鐵器具的匠人；圖拔該隱的妹妹是拿瑪。//

雅拔／雅八（佢帶） yabal ，「帶／流過黎」咁解，引伸到「溪流、水道」
猶拔／猶八（佢被帶） yubal，字根 yabal，
圖拔該隱／土八該隱（你被帶．該隱） tubal-qain，第一個字字根 yabal

以前仲以為聖經冇再提過佢地，啱啱睇到原來「洪水」係 mabbul，字根 yabal，就係神要帶去地既水，流落呢D當神冇到既人既水。

我相信神既掌管入面，所有人分工合作
樓上既討論入面，已經有好多人如常爭唔切咁要賴神

地獄係地名「欣嫰子谷」，果度出名獻小朋友比偶像（耶利米書7:31），呢個係熟聖經既猶太人諗到既野。
公議會（照計）係義得到彰顯既地方，同神用火審判所多瑪一樣效果。
耶穌解緊，如果仇恨人講到出口已經要受到審判，因為呢樣唔係神眼中啱既野，個問題好似殺人咁，諗錯左。

馬太福音5:21-26
//21 “你們聽過這樣吩咐古人的話：‘不可殺人，無論誰殺人，都一定會被判罪。’
22 但是我告訴你們，凡是向弟兄發怒的人，都一定會被判罪。無論誰罵弟兄‘你這蠢貨’，都一定會被公議會判罪；無論誰罵弟兄‘你這白癡’，都一定會被判罪，送入烈火的地獄。
23 所以，你在祭壇上獻供物的時候，在那裡如果想起弟兄對你有甚麼指責，
24 就要把供物留在壇前，先去跟弟兄和好，然後才回來獻你的供物。
25 趁著你和控告你的對頭還在路上的時候，就要趕快與他和解，免得那對頭把你交給法官，法官把你交給差役，你就會被丟進監獄。
26 我確實地告訴你，除非你還清最後一個小銅幣，否則絕不能從那裡出來。//

點解該隱不被喜愛
因為地既出產係⋯

係喎，係adamah 既果子

黎巴有冇睇The Chosen?

又好似拼拼圖咁，一塊又一塊

我冇呀，請問係咩？

美劇 講主耶穌的 剛剛講拉撒路復活

獻d咁既野俾神，神梗係唔鍾意啦！
仲要嬲神

多謝爸打回覆， 我之後都會分享一下自己嘅觀點
再問多幾條問題先

4, 聖經作為基督教的重要基礎， 你認為聖經的價值是什麼？
a, 學習各種美德
b, 以各種神積證明神的偉大與超然萬物的地位
c, 家傳之寶 ， 一個群體的精神支柱（類似日本武士家族的盔甲）
d, 學術價值， 以科學驗證宗教
e, 其他 （請解釋為何以上都不是正確選項）

5, 你認為神對人的期望是什麼？
a, 活出有意義的人生 （享受生命）
b, 計劃死亡後的生活 （人生在世的時間其實只是為了迎接死亡後的發展）
c, 迎接一個未知的神蹟
d, 壯大神的軍隊， 以戰勝魔鬼與地獄的一方
e, 其他 （請解釋為何以上都不是正確選項）

6, 你認為基督教中， 「神蹟」代表什麼？
a, 神的力量
b, 一種代表美德／正義的符號
c, 神蹟本身是有發生過的， 宗教歷史的一部分
d, 代表真理， 因為無其他宗教做到類似的神蹟
e, 其他 （請解釋為何以上都不是正確選項）