[ViuTV] 香港小B選舉 週一至五 2230-2300 (2)

佢全程狀況外

Monna b 好得意

Kyle同Eurice都喺後面玩捉，完全對個比賽無興趣

Monna完全係自己世界

我見有人話新一係超齡小朋友嚟 （係呢個小b選舉比賽）

老豆唔識教，仲係到幫小朋友兜

新一係咪以為夠鐘所以鬆咗手？

monna大個o左後
會唔會變成sica呢類女仔?

感覺屋企對住新一好似紀律部隊嘅家教咁😅
每一樣野都好嚴謹
睇見都辛苦

唔知佢老豆係咪講日文

好似講英文

似 sica 都唔差丫

Shirley講得幾好、佢次次講嘢都有point

真係世風日下

可能個細路拍節目o既攬女(冇血緣)時間
都多過我半世人掂女o既時間

我覺得kyle將來係會同囡囡影閃卡o既人

勁好笑
一開始扮兇，一見到肥仔就縮左

有邊個唔係第一次做人父母
唔係藉口啦

咁可能依個時間都係佢成世人攬最耐女嘅時間嚟
未來嘅嘢冇人估到

其實今集偏重左去熹熹果邊，所以都想知Kyle爸爸究竟點樣拆彈😬😬😬

其實剪接上對Kyle都唔夠公平…

如果可以在網上出返就更好了😄

想問有無新一父母懶人包佢地做過啲咩
我見好似好多人都話佢呀媽
我係路過睇左幾集覺得新一好得意又好叻好開心
見你地話佢媽咪係好chur?
因為新一成日都笑 我覺得都係個好開心既小朋友
反而卓嵐先俾我感覺好chur好唔開心咁

利申 真心想知
因為就咁路過睇左啲就鍾意左新一同monna

掉轉咗嚟講喎？？
今晚新一仲輸打贏要
你睇咗友台？

卓嵐係一個好努力嘅可愛小朋友
大概係成班小朋友長期比超齡的新人欺壓
卓嵐係努力咗無數次（仲好多洋蔥）最後抗衡成功嘅小朋友
你每一集都睇吓就明㗎啦
好戲劇性不過好鬼死感動

佢阿媽我就唔評論啦
反正網上都好多人講緊
只能說事實同講法差唔多
成日笑代表唔到啲乜嘢
都可以喺阿媽迫
背後太多故事

隔住個mon都feel到新一好大壓力

成日覺得小朋友係好簡單直接
開心同唔開心係擺晒出黎
所以新一個笑容我又真係唔覺係假同俾人逼
卓嵐又真係無乜點見佢笑
次次都好緊張咁

佢地父母我唔了解先想知發生左啲咩事
但淨係我就覺得新一好可愛 所以想知佢做錯左咩事
望到卓嵐就覺得好大壓力 好沉重
我觀眾角度淨睇啲小b
就覺得monnq 新一 晴晴成日笑睇到我都覺得好開心
當然都加埋佢地本身生得都可愛得意靚仔靚女

你咁多「覺得」同埋「假設」
但係自己又唔去「求證」 （去睇番劇集）
咁講乜嘢啫？
你唔爭在講埋「我覺得地球係正方形」啦

咁大段超齡新一懶人包
成段事實你完全忽視
我真係太認認真同你討論

我「事實」淨呢兩三晚見到卓嵐笑到佢換緊牙仔我都睇到
亦都見到熹憙嘅胸襟，卓嵐既努力，其他小朋友嘅投入

其實你知唔知呢套節目講乜嘢？
晴晴今集話「我鍾意男人」，仲周圍攬男仔，你又睇唔睇到？

新一輸打贏要你又唔提
新一同佢老母做咁多嘢你又選擇性睇唔到
「我睇唔到，我唔知道」嘅朋友

你睇晒咁多集先講嘢啦
「覺得」！