[ViuTV] 香港小B選舉 週一至五 2230-2300 (2)

巴膠都識杯人

往死裡打

而家咁都可以玩孤立

小童群抽會

小朋友齋打交

Kyle仆街到

小朋友齊打交

細個喊夠，大個先可以忍住眼淚接受社會摧殘

新一終於有對手喇

對Kyle嘅印象 即刻跌到負分

Sad but true

但o係成年人世界
呢o的先係正常兼日常事

咁細個就帶頭杯葛

直頭係

A仔係咁㗎啦
但係又唔可以怪晒佢

某程度上係…

都係睇你好唔好彩…

好似我咁，去到邊都唔太受歡迎

所以都唔太關事

唔太關細路定大人事

但o係成年人世界, 踏足社會後
佢o既行為會係大多數人常態
咁基本上ching會對所有公司99%人都會"印象 即刻跌到負分"

將來踏足社會後
大把"非A仔"都會咁做

係咪A仔都好，唔識同人相處都係好平常嘅

以我自己為例，人際關係同與人相處呢家野，坦白講，由讀書到到而家出黎做野，我都係唔太好

只係由負分稍為變返正數咁解，但頂盡都係剛剛好合格。

所以呢，呢一樣學問，先至係最難掌握，最難處理嘅

性格問題，其實多數都唔關父母事嘅，反而更多係佢自己嘅問題

其實我由第一集開始，已經係鍾意睇Kyle，一來我同佢都好鍾意巴士，二來就係覺得佢同我的性格，或者其他特點都好相似。（唯一分別就係，我從來都係被杯葛果個，未試過帶頭杯葛）好多野，例如融入唔到呢個群體，行為出位，同輩之間好多爭拗/投訴等都一樣

如果Shirley沈話，卓嵐似以前嘅自己，咁Kyle就係我大部分嘅寫照。睇住佢不自覺地會好投入，而且想起好多自己嘅過去…

在此分享一下自己嘅過去啦，返學對我而言，從來都係一個地獄；同學之間的爭拗日日如是。或者因為自己同D同學之間冇咩話題，二來亦比較出格，所以從來都係被杯葛嘅一個。小學成績比較好，所以老師同同學之間，某程度上都仲包容一下我；但去到中學，因為學業都越來越差，所以連最後一分包容都冇埋，完全被杯葛之餘，亦冇人關心/幫助我，所以果段時間嘅性格/行為某程度上就更走向偏激/偏峰。

當時好鍾意睇劇、巴士、聽歌同政治，但基本上呢D話題都顯得自己格格不入。

講返轉頭，其實我唔係唔想識朋友，而是根本都唔會有人接納都我，或者俾機會我去學習/改變自己；根本大家已經default 左我係咁！點樣學習呢？點樣去改善呢？有人會接納我咩？都唔知點樣做先有朋友，受歡迎！

反而係去到大學，可能因為成績太差嘅關係，雖然讀唔到八大，但就真真正正識到一班好好嘅朋友，遇到一些關心我嘅老師，先開始逐點摸索到小小人際/相處嘅方法，開始變得冇咁「odd man」；雖然過程都會有爭拗，但基本上都冇咩傷害感情嘅 先至開始稍為有返少少進步，不至負分。

最後，衷心祝福Kyle可以遇到一班好好嘅同學同老師，真正包容同接納到佢，亦可以令他更加融入呢個社會，用佢嘅純真，令大家都開心，好似最初出場嘅時候咁！但…呢一樣野，父母之外，身邊嘅老師同同學都好重要嫁！

一個好好嘅伯樂，一班接納到佢嘅朋友，係可以改變到佢嘅。只是唔知幾時可以遇到；亦希望大家可以俾次機會佢！

應該話，唔會講到出口，係更陰暗。

漏了一點，初步睇，最起碼節目組嘅大人同佢父母都有及時介入處理，而唔係置諸不理，甚至加害被害者。

大人嘅態度才是最重要‼️

呢樣野真係好重要，講真，每個人都有鐘意同厭惡人嘅時候，只係有冇表達出嚟，尤其小朋友就更加直率唔會掩飾，但始終講者無心聽者有意，如果無大人介入，就好影響將來雙方待人接物嘅態度同性格。