續:Day 3晚餐——西餐——The Stage Canteen
飲品我就叫咗杯柚子檸檬;另外雖然西餐款式為主,但佢有提供法式燉湯,幾得意。
前菜叫咗個「鴨胸無花果沙律」,佢啲鴨胸同平時好唔同樣,似鴨肉多啲;粒士多啤梨最好食,勁甜。
之後叫咗松阪豬,係帶肥肉嘅部分,最鍾意嘅texture
叫咗手寫menu上嘅「帶子、烏魚子、奶油菠菜意粉」,好好食。
同行要咗個法式燉湯,配花膠,有啲本菇喺入面,我覺得好好飲。
食完上面只係食咗一半,下半輪叫咗Dee哥Story個個「大白蝦Risotto」,隻蝦真係高質材料
今晚個意粉同risotto都好有水準!
然後一份美國牛,呢個就麻麻地,有啲難咬,算係今晚唯一水準以下嘅嘢。
最後甜品係Tiramisu。
今餐盛惠TWD2,950(HKD$737.50),幾有水準,食悶台式嘢可以一試,算係推薦嘅一餐
。食完行返去酒店途中有家樂福,掃咗啲手信。宵夜FamilyMart買到最後一塊炸雞扒,熱辣辣爆汁,水準又係拍得住日本個啲,Day 3完!