[討論]超人Ultraman[44] Netflix”道友”超人Rising 6月14上

首先我覺得劇情合理流暢 主角同怪獸之間嘅bonding set得幾好
有好多致敬位
又有好多戲嘅彩蛋 ironman x Godzilla x Pacific rim
之後完左仲有彩蛋 下集返m78

佢無解釋過點解可以變成超人
可能下集m78會講到
隻怪係騎呢但嬰兒化得佢幾好 幾搞笑我覺得
連我老豆老母都唔睇啲咩慶餘年 要睇埋先訓

簡單嚟講，只不過係一套披住超人個名，又係外國嗰啲講親情嘅老土到爆嘅電影，仲要講父子親，擺明就父親節
故事就係講怪獸從怪獸島嚟，但冇人知喺邊，超人就負責打怪獸保護人咁
KDF就係民間發起嘅對抗怪獸組織，負責人因為超人救唔到佢個女同老婆懷恨在心，唔鍾意超人，仲想去怪獸島殺曬所有怪獸，方法就係孵蛋入嘅怪獸出嚟，等佢帶佢哋去
機緣巧合之下，超人就變咗佢老豆，培育出感情，再引伸去修復超人同佢老豆嘅感情
想屌嘅嘢都幾多
1.點解佢老豆同佢感情變差?佢老母失蹤咗?我睇完套戲都GET唔到
2.超人真係好撚廢，導彈都可以打傷佢
3.加咗機械哥斯拉同環太平洋嘅原素，好聽叫吸引觀眾，特別係西方，因為呢啲IP外國受落，難聽啲講句，令套戲超人嘅色彩少咗好多，變咗四不像咁
4.有啲個人接受唔到BUG位，例如俾KDF追緊，仲可以為咗特登為咗服務套戲，修復父子關係一齊出去玩
5.畫風同造型真心唔得
最後，擺明會出續集，睇下幾時，但未必會睇，雖然冇期待過，但都失望

但我想講最難接受係無解到點變超人 睇左大半套我都以為係個老豆pass個變身器俾個仔 但最後兩個都識變身 個老母又喺m78 咁佢地一家都係超人？ 無左超人係個獨立個體而寄宿喺人類到嘅感受 變左美國超人feel
同埋隻怪獸b好樣衰 隻眼畫大啲唔好咩

仲有下而幾點

- 通常人類基地都係同超人係同伴 今次變左敵人
- 但超人行動準則係乜？ 一黎用隻怪b黎滅人地全家的確唔係君子行為 但人類的確控制唔到怪獸嘅破壞 所以二黎感受唔到超人想保護人類／地球嘅心態 佢打鬥時想型多過想減少破壞 喺大街大巷同怪獸隻抽 甚至打棒球熱誠仲大
- 暫時怪獸好似都係黎自怪獸島嘅普通生物 無左高智天外來客嘅刺激感


但層主2 3 4呢3點無辦法 始終netflix要圍皮 套野唔可以太cult 要愈多觀眾先愈易有得整落去

冇講點變超人其實可以睇到佢哋根本冇諗保留超人嘅特質，我唔明點解圓谷可以批呢套嘢
大部份變身者都係為救人冇咗條命，係勇氣嘅表現，呢套乜都冇
我估係佢哋一家係超人，跟住嚟咗地球咁？冇乜點深究
人類基地一開始都可以叫做超人嘅同伴？雖然似係各有各做咁，又係冇咗超人特質
打打下內隆嘎走咗去我都吓咗，如果人類夠打，咁要超人做咩？咁超人為乜行動？萬一死咗人點算？番屋企懷念親情，真係屌咗出嚟
超人入面嘅怪獸唔單止係MONSTER，仲有ALIEN嘅含義，呢套得個MONSTER，LEVEL已經唔同曬