曼聯本身5年內已經拎左4次英超
99年都拎過歐聯
C朗一黎
就連續三年失英超
然後都拎返三年
08年拎左一次歐聯
C朗決賽入一球，但互射12碼又射失
總結︰不過不失，冇特別提升球隊成績，曼聯當時本身都係班霸
2. 皇馬時期 (2009-2018)
皇馬喺C朗黎之前三年拎左兩次西甲
C朗一黎
就連失兩年西甲
成個皇馬生涯9年得兩次西甲
然後就當然係C朗fans日日打J嘅歐聯
C朗黎之前 皇馬對上一次拎歐聯已經係2001年拖舟個年
C朗9年內幫皇馬拎左4次歐聯
另外有樣幾特別嘅野係
相比起淘汰賽光芒四射
呢4次決賽C朗表現都好一般 主角變哂拉莫斯 迪馬 巴爾
總結︰皇馬歐聯成績絕對C朗最高光時刻，但值得一提嘅係就算C朗走左之後，皇馬6年內再拎多2次，究竟係C朗carry皇馬 定 皇馬 carry C朗，似乎都係50 50
而計西甲的話，以皇馬的地位黎講絕對係失敗收場
3. 祖雲達斯時期 (2018-2021)
祖雲達斯喺C朗黎之前連續拎左7次意甲
C朗黎之後 拎多兩年
但最後一年就斷左祖記10連冠美夢
仲要四大皆空
祖記簽C朗的目標當然係歐聯
咁我地又睇下歐聯
C朗黎之前 個三年 祖記成績︰
2015-2016 十六強輸比拜仁
2016-2017 決賽輸比皇馬
2017-2018 八強輸比皇馬
C朗黎之後 個三年 祖記成績︰
2018-2019 八強輸比阿積士
2019-2020 十六強輸比里昂
2020-2021 十六強輸比波圖
總結︰意甲黎計頂多叫一般，祖記本身已經連拎7年，C朗最尾一年仲要斷埋
歐聯就絕對唔合格，祖記由本身係入到決賽+只輸比班霸
變到十六強就輸比中型班
4. 第二次曼聯時期 (2021-2022)
呢段都唔洗多講
C朗黎之前 個兩年 最聯分別排第三同第二 最少有歐聯踢
C朗黎之後 最聯就變到第六
仲要有N場恥辱大敗 (輸比升班馬4比1、輸比利記5比0 + 4比0)
最後C朗被貶後備
仲自行開記者會 屌哂全隊上下所有人博炒
5. 沙特艾納斯 (2022-present)
艾納斯本身係沙特第二大班霸
C朗加盟個刻 艾納斯排緊積分榜第一
C朗黎之後 最後跌到得第二
之後仲要連續兩年 四大皆空 (都叫做有隻FIFA唔計的友誼賽杯仔)
6. 國家隊
葡萄牙本身係 0世界盃 + 0歐國盃
C朗幫葡萄牙拎2016歐國盃 零的突破 絕對係功不可沒
但有趣的係
2016係第一屆 改制後 有24隊的歐國杯
而呢屆嘅葡萄牙亦成為第一支 分組賽三場不勝 以小組第三名晉級的球隊
葡萄牙仲要成功避開哂 英格蘭 德國 義大利 西班牙
直到決賽先對第一隊傳統強隊 法國
C朗踢左一陣就傷出 基本上都係冇貢獻
反而葡萄牙冇左佢 最後神奇KO法國捧盃
當年最佳球員+神射手 都係法國嘅基士文
到世界盃
踢左5屆
淘汰賽階段 0入球0助攻
代表作係對西班牙入三球
但只係分組賽
而最尾都只係逼和西班牙 3比3
仲有世盃外圍附加賽hat trick贏瑞典晉身世界盃
(但呢場附加賽係因為本身外圍賽打得差 唔夠分先要打............)
總結︰C朗對葡萄牙貢獻絕對係有
但以2016年歐國計，似乎都未叫做一人carry (除非啦啦隊都計)
而前前後後的世盃歐國都冇咩突出表現
結語
無可否認
C朗巔峰嗰幾年
入球數字同埋個人表現都非常亮麗
特別係皇馬係歐聯嗰幾屆
對球隊都有明顯貢獻
但係嗰幾年之後
C朗嘅表現就逐漸走下坡
特別佢嘅踢法 係需要速度同體能去維持
年齡一大 基本上就踢唔返以前嘅表現
但係喺商業層面 / 球迷嘅情感層面
球隊好多時都迫不得已要出佢
結果成對波嘅陣式就要為佢一個人而改變
最明顯嘅就係第二次返曼聯嗰陣
蘇斯克查 本身一直打緊嘅前場逼搶 就要全盤放棄
球隊嘅成績就急轉直下
類似嘅情況都發生喺祖雲達斯 同埋而家嘅葡萄牙 / 艾納斯身上
通常結果就係
C朗本身會有唔錯嘅入球數字
但係成隊波嘅整體表現就因為佢嘅出現而下滑
