何雁詩本身都有養狗，佢嘅愛犬就比較細隻，同Fred拍拖後，亦曾被影到兩個人一齊放狗，看似相處融洽。報道指何雁詩同Fred同居後，Riley經常吠新嘅女主人，令二人不時為此爭執。仲話Fred為咗訓練Riley唔好再亂吠，幫佢帶上釘帶。報道一出唔少愛犬之人炮轟佢地有虐狗之嫌，何雁詩先喺13號早上留言話：「謠言止於智者，Riley好地地係屋企瞓緊，絕無棄養。每個人也有過去，私生活不應亦不會影響狗狗與主人的關係。其實我是狗癡⋯唔係好明發生咩事。」不過呢個回覆似乎更令網友憤怒，指責佢轉移視線。
而Fred亦喺IG上載Riley嘅相片，並以大篇幅英文留言回應呢件事，內容大致係：「養咗Riley已經4年幾，佢本身係一隻流浪狗，領養佢之後曾經有一次佢差啲被車撞到，所以我決定帶佢去接受訓練，訓練員建議我喺Training時使用釘帶，而呢款係好常見嘅訓練工具……」而何雁詩亦再寫咗一篇留言話：「我們按照教練的建議來使用Prong collar。它被用來防止傷害和保護其他狗的安全，我們已經被告知，如果使用正確，它不會造成任何顯著的疼痛或損害。作為4隻狗的主人，我被這個嚴重誤報的消息困惑不已，因為我從不放棄狗，我也有幾隻狗是收養的，我和Riley相處得非常好。」照佢地嘅講法，係專業狗隻訓練員叫佢使用釘帶，不過唔少養狗人士指，即使合法，明知會傷害到狗仔都唔應該使用。
估唔到2024重有報應 又要感謝神了
報應來
巧合姐
