鴻圖道1號二手手機

好搵過全新機

如果你想聽真話既話
依行已經冇出路
成個華強北死晒...個個都係吊住條命
依兩年好多人都轉行...更加多既係擸人一批大貨再走佬
上個月先有條友擸左成千萬貨走佬去左日本
除非你唔介意去啲東南亞或者非洲地方做開荒牛
非洲非常好搵...但自問冇勇氣

依家仲係依行...但搵唔到食
鋪緊路去台灣或者去歐洲

即係有毒係入面定點

冇毒

一半算係報恩
因為我兩個師傅係富士康出黎
佢地教我工廠式既維修...係華強北都算有少少名氣
佢地個時岩岩出左黎做...又唔夠人
咁岩識到又岩傾咪叫佢地教我...之後一齊住埋
佢地賺到又唔會待薄我乜都除三份
一半係真係搵到錢...但真係賣命咁做
做一晚就六七千
睇落好多...但係冇得放假
全年無休除左過年
你放多幾次假人地就唔會再攞貨黎
因為依行一層一層去...人地都要交貨
有時啲仆街仲唔找數/拖你數
但係身體係番唔到轉頭
如果有得揀我會唔做

咁又唔得
你有量既話全新機個GP大好多

冇毒但你唔會知部機入面原本係點
基本上黎得既都係甩甩爛爛咁既
啲機都係外國收番黎既後門七日機/壞機/爛機

大陸叫洋垃圾, 網上買仲平過香港買

我明你講咩
有一年都試過每日無休止咁做
其實都好攰 因為排山倒海每日都對住過百過千部機
唔好講維唔維修 就咁執貨埋數分類搬貨都好係野啦
同埋每日都好似爭分奪秒咁 遲左期學你講咁人地比第間做
不過你做維修 係唔同d
我個陣做都係好普通 幫人分類下 check下機賺微利
同普通打工差唔多 但就辛苦過打工好多
但聽你講個陣咁好搵 我又覺得係另一回事
至少多勞多得咁做 如果理財得好 都可以有一大舊錢剩
呢家想搵呢d錢都搵唔返

何謂 "工廠式既維修"?
即係點? 眼不見為淨, 著到機就算?

我地維修都係收好平
因為佢地有量就壓你價
睇咩機睇咩問題
有啲仆街拎3百部黎要一晚起貨俾得二三十蚊部我都做過
咁個時一個月十萬八萬都有既
但依家人大左先發覺...十萬八萬其實好多方法都搵到
早知個時就唔做

你好彩 一開頭揀岩左 起碼叫有門手藝 同埋有貴人幫你搵路數
我呢行都做左7-8年
但都係就好基本既野 冇你咁專精做維修
如果開頭學埋維修 咁可能結果都好d
巴打呢家都係做緊批發維修既野？有冇諗過轉行

廠維修同出面街鋪維修有啲唔同
唔係著機就俾番你
大家都係睇圖紙但睇既野唔同...郁既野都有少少唔同
因為廠做係要過QC
過唔到就要扣錢
唔同IOS經過既路線同電流都唔同
唔同IOS運作時既次序都唔同
開機行經次序唔同用既電都唔同
某啲型號或者有啲版本既ios特別食電
佢地做得好快...有時幾分鐘就可以做完一部
好似機械人咁...係廠個時佢地做夠數有bonus
可能係咁練番黎

諗住移民多啲
我依家都係做依行不過好hea
夜晚就炒股票
NVDA跌到咁上下就準備入貨

巴打有tg? 同行人搵你傾下計

我驚自爆

sorry 其實唔係好明
即係廠維修同街舖維修出嚟結果唔同?
咁係邊樣會全面d?
照計廠維修係咪會整到出廠咁?

之前搵返工用副機
上Carousell搵到幫襯過有間喺三十幾樓兩次
而家搬左去中環

我室友整既機板可以番到俾apple拆開都唔知佢有整過
我就唔得...一半一半學藝未精我都認
但我都冇時間鑽研更多
出黎整...著機就收你錢啦仲搞咁多野
白mon綠mon求其飛兩條線就收你幾百一千...一陣又壞番
真心...你收得依個價都起碼俾啲成本...壓排搬ic一勞永逸丫
廠修其實咪即二次出廠...官方翻新
不過話就話廠...但有啲女工好hea
甩甩漏漏...好似人地去做手術
做完漏左塊布漏左條喉冇拎出黎咁

華強北其實都好多好叻既人
專醫奇難雜症
有一批係一個叫新天地既市場上面

嘩
街舖整一整閒閒地都三四百, 仲要未必完全好哂, 你地如果照上面講咁大量機就幾十蚊咪差好遠?
仲要可能你地整得好過d街舖

咁公平啲講...打開門口做生意
如果佢冇呃你既話其實依行利潤好細
人地要交租燈油火蠟人工...零件要成本
賺你錢係應該
我既建議只係賺還賺...唔好呃人
我係客黎得俾人整都預左俾錢
但唔好換左我啲野
我之前係大陸住成本好低
係因為屋企整成本只係得零件

咁係工廠大廈租個單位都一樣要燈油火蠟人工姐

賺錢我明, 只不過諗唔到如果地點換左可以差十倍咁多
就好似地舖餐廳食一碟飯80蚊, 上工廈飯堂食係8蚊一樣
而且照你咁講, 街舖手工隨時仲衰過工廈果D真係專業人士