藝人江欣燕走過人生56個年頭,從初戀到踏入婚姻,及至宣布離婚
,回娘家過單身生活。走了一圈後又回到原點的江欣燕,已非曾經懵懂純真的少女。鉛華洗盡後,江欣燕散發成熟女人的從容自信。初戀張衛健、前夫吳積遜、以及生命最重要的男人,江欣燕經歷過三段深刻的感情。她深信人間走一趟,不是學習,而是體驗,「冇好同唔好,所有嘢都係人生經驗,我哋嚟呢度攞經驗,呢度冇嘢學㗎。」
https://m.youtube.com/watch?v=aB0cW3wj4M8
新秀認識初戀張衛健
江欣燕1985年參加無綫(TVB)及華星唱片合辦的《第4屆新秀歌唱大賽》,因一個「拜拜」動作獲TVB相中入行。彼時年輕貌美的她,個性風趣又玩得,不乏裙下之臣,同為新秀歌唱比賽出身的張衛健便拜倒其石榴裙下,「啱啱出道冇乜錢,又唔想同屋企攞錢,所以都好少去街。」初嘗戀愛滋味的江欣燕,最愛與張衛健到麗晶酒店咖啡店消遣,一杯檸檬茶已滿足不已,「細個飲完杯檸檬茶,仲想傾計,就將杯水倒入去再飲。細個又唔覺得好『陰公』,好開心喎!」
江欣燕在入行初期曾與張衛健拍拖,有指兩人因性格不合而分手,結束5年戀情。(江欣燕微博)
帶張衛健回家睇相簿 爸爸發現震怒
可惜這段純愛初戀一開始已備受父母反對,「佢哋一嚟就唔鍾意㗎啦!」戀情曝光後更增添了來自大眾審視的壓力。一次在保安的通風報信下,爸爸得悉江欣燕帶張衛健入房,氣極趕回家質問女兒,憶起江欣燕仍忍俊不禁,「一開始我叫佢(張衛健)匿入櫃,因為睇電視劇啲人都係匿入櫃,但我個櫃好多嘢呀!」[orange]江欣燕是烈女,一氣之下離家出走到杜德偉家中避風頭[/orange],更問潘芳芳借300蚊生活費。後來經親戚講和,江欣燕才與家人重歸於好。
分手只因「想睇吓呢個世界」
初戀五年無疾而終,有傳江欣燕嫌張衛健不夠出色才提出分手,她澄清:「唔關有錢冇錢,網絡乜都有人寫啦,但其實係因為初出茅廬,日子耐咗,我睇唔到大進展,我而家大個識解釋返啦,我想睇吓呢個世界。」她回想當年與張衛健因工作繁忙,沒有太多時間拍拖,「而家諗返,初戀其實係有個男仔陪我做想做嘅嘢。」
妹妹發夢發現意外懷孕
江欣燕在朋友介紹下邂逅了前夫吳積遜,因性格投契走到一起,展開愛情長跑十年。當時的江欣燕仍遊戲人間,愛玩未定性,一日胞妹江希文夢見江欣燕懷孕,勸她驗孕,一驗之下竟出現「兩條線」,「我流兩行眼淚,終於都要結婚,終於都要大個。跟住就跪喺度,多謝神、多謝天,我一個咁鍾意玩嘅人都俾我孕育生命。」
婚禮前夕流產
彼時婚禮籌備得如火如荼,並約好記者做訪問,江欣燕卻驚見流產,臨急臨忙趕到醫院做清理手術。兩人最終決定如期結婚,並請信密宗的邱淑貞幫忙,請師父超度無緣見面的孩子。
江欣燕流產後情緒起伏跌宕,再遭遇失去愛貓的噩耗,她不諱言當時有些少抑鬱症徵狀。直到在朋友陪伴下前往泰國見白龍王,白龍王安慰道,貓兒有自己命運,無須太傷心,聽後江欣燕才釋懷。
看開離婚:簽咗份約,可唔可以踢契先?
江欣燕感謝吳積遜陪伴走過近一年的艱難日子。12年的婚姻,江欣燕瘋狂夜蒲過,也試過平靜過小日子。多年來隱忍的小事,譬如工人洗少對襪,先生不滿責備,成了壓死駱駝的最後一根稻草。察覺到婚姻走到盡頭,江欣燕沒有留戀,瀟灑放手離去,放過伴侶也放過自己,「突然有一吓,不如停一停,諗到嗰吓覺得好舒服。」提出離婚時,吳積遜正在看球賽,江欣燕模仿前夫歡呼,振臂高呼道:「佢聽到之後就『嗯,咁我後日搬出去。』然後歡呼:『呀!』」
「我覺得做人好自由㗎嘛,簽咗份約,可唔可以踢契先?」江欣燕很快找了律師準備離婚文件,對方也沒有多言,和平分開,「自己諗吓就知啦,有啲嘢唔夾嘅。」
如果順利誕下孩子,江欣燕自認是稱職媽媽,但至今回望,江欣燕沒有遺憾,「我相信我人生咁行係啱嘅。」