返基層工有感

平時返intern都係岀入甲級寫字樓，但有日屎忽痕想試下做返基層工，所以就係Facebook炒散group搵咗份倉星期六放假做，可以講埋係hktv mall調景嶺倉，但返完之後完全理解唔到點解會有人返呢啲工....

戴定頭盔, 唔係歧視基層工, 佢地既工作係社會上都係不可或缺


首先,人工已經係睇住最低工資黎開, 初時以為學生哥pt先出手咁低, 但入到去 發現返咗好耐既ft 開既價同我差唔多..... 份糧扣埋mpf萬5都唔知有無,甚至好可能唔扣都唔過, 譚仔啊姐都講緊萬7萬8仲要包飯, 得萬頭人工完全諗唔到點生活,自己都養唔掂, 最癲以我所知有部分人仲要養家

你可能以為人工低, 工作內容好hea, 實際上我由開工搬到收工, 做足8,9個鍾, 啲貨仲要重撚到仆街, 搬完食飯連筷子都拎唔起, 放工返到屋企即刻訓着咗

仲要不定期ot, 閒閒地每個人都要ot 2,3粒鍾, 好彩既1粒鍾, 最痴線聽過最長紀錄甚至去到凌晨, ot個價都係多最低時薪少少(<60) ft如果唔ot主管就會有說話你聽, 會叫你好知為之恐嚇下啲長工, 慶幸我pt可以唔使理佢

工作環境都唔多好得去邊, 係個貨倉裡面啲燈光陰陰暗暗, 冇窗唔會見到外面既陽光, 有啲貨唔知放咗幾耐積滿哂塵, 紙皮同木板都被人踩到一個個鞋印黑哂, 成個環境勁污糟,有時仲要喺地下喥𠝹紙皮, 完全唔知自己喺度做乜鳩

同埋唔知喺咪環境關係, 發現多數長做既人都中年脫髮, 外表比我感覺有少少 甩皮甩骨

嗰陣日日返去好似集中營咁, 喺裏面忙到你唔會有時間思考, 成個倉得1個鐘仲要淨近主管位, 普通員工係唔會睇到, 好多人做到lunch hour或者收工都味必知

有時唔明份工已經人工低又累又無咩升職機會, 周不時仲要被人恐嚇ot, 點解啲人都仲唔走, 做飲食業,地盤起碼人工高, 保安至少可以hea

不過某程度好佩服啲長工可以摩打手不停pack貨,出貨, 仲要低出錯率, 只係鄧咁佢人工唔抵


成份工最好既位係 大部分同事都好好人, 見你做野雞手鴨腳都會行埋黎幫你, 都會睇住你既 同埋佢地同事間都互相幫助既, 無乜陰質野, 都叫仗義多屠狗輩

雖然人工低又辛苦, 但我發現裏面既人都偏正面, 做野嗰陣都笑笑口, 又無乜怨氣, 唔多覺佢地有煩惱

office工有office嘅煩惱

我用keyboard 用到手指好攰

提唔能起

知道辛苦，intern就俾啲心機做啦

每份工都有唔同既辛苦啦
勞力 vs 腦力
有d人真係坐一日office都想死

做呢啲工最開心咪就係唔洗喺office同同事勾心鬥角、單單打打，被老細屌又要咬牙切齒忍撚住，唔撚鍾意大可以劈炮唔撈。

Office最撚憎就係啲八婆，日日係到講人哋是非，借啲意講自己老公/男朋友有幾叻有幾上進，屌你老母冇人想知呀！

每日操到佢哋死
份糧又只係啱啱夠生存
咁佢哋就唔會諗咩 轉工呀 進修升職嗰啲嘢

公道講句 每日做到隻狗咁手都提唔能起
仲點會有精力去讀書

咁咪好
係到打死一世工 又唔洗加人工

想像下有日上頭叫你交名
你要係你班同你出生入死既同事入面揀人黎炒
你就明

無咗奴隸制 咪用其他方式去剝削一般人lo
制造專業用詞 將簡單嘢複雜化 專業化 去貶低非專業技能
仲要用住屋問題 捻住你條頸

因為少飲水又無痾尿

身體循環一定出問題, 腎者之石

俾外判食水嗰啲唔會有好嘢
搵勞工處嗰啲好好多
但未必搵到一星期返一日

異性絕緣體咪呢d

office一樣有做唔停手既基層工
搵2萬

香港大把

邊啲？

傻啦，去到倉其實做得耐嗰班又係會恰鳩人

請問調景嶺倉響邊？
我都住調景嶺想做吓🙏🙏

我試過去工業邨啲工廠/倉做兼職體驗生活，由朝企到黑，不停做，有份仲要唔俾袋手機入工場，有一份冇冷氣熱到仆街，日日做同一啲嘢，非常厭惡 體驗過便算了

利申：返開office嘆開冷氣嘅OL

社會運作就係靠呢班人頂住

#7講緊做呢啲粗工嘅人講野會直啲
好少借啲意單單打打
自己講野又唔駛怕對方會錯意
又唔駛諗對方講野係咪串緊自己

上面講嘅都係佢覺得好嘅特質
返office工 連釋出善意都要諗過度過
又要驚幫完呢次
人地唔生性下次主動開口問幫手
又要怕其他人以為你好恰 樣樣野都搵你幫手

你有冇試過返工時做愛？

咪就係唔用腦既人先返勞力囉，咁緊係NICE架

高層中層員工個個食腦，未開始已經諗好橋點搞9人