李文恩有感而發稱：「好多時喺香港做足球，成績同平衡返我哋本地球員出場機會係好重要。我真係唔想全部都非本地人，好坦白講，如果全部本地人，就未必話可以喺聯賽有最大競爭性，不過要平衡呢件事，有好嘅外援，同埋有好嘅本地球員。」
今場入場人數為1,663人，港隊主教練安達臣、技術總監莫寧都有入場。另外，深水埗職球員在賽前安排大合照，而今場比賽開始不久後便下雨，有足總職員喚記者「盡量唔好抌遮」，稱會阻礙VAR 系統。
在賽後，李文恩到草地向一眾職球員說「Thank you」，並手持紙牌的港超聯冠軍合照。他表示，一直希望理文能代表香港出戰亞洲賽，而上屆參加亞冠外圍賽「目標少少成功咗」，今年慶幸能奪冠正式殺入改制後的亞足聯冠軍聯賽二級聯賽分組賽。他希望，理文下季繼續贏得聯賽冠軍，代表香港出戰亞洲賽，吸引更多投資者，及外界注意香港足球。
李文恩笑稱，對理文奪冠感到滿意，但承認部分比賽內容不太好：「始終港超嗰個實力距離比較遠少少，變咗有陣時呢，會有啲球員會唔會每場都好專心去踢？好坦白講未必真係。」他透露，球隊將圍繞亞冠二分組賽組軍，形容在外圍賽不敵日職球隊浦和紅鑽是慘痛教訓，將引入質素更高的球員，表示喜歡物色及引入歐洲外援。
來季續由曾昭達領軍 李文恩：望用返本地人做好成績
對於有聲音認為傑志踢得差，理文才能奪冠，李文恩不否認，但指兩隊在聯賽積分榜有差距，「我哋搵到方法點樣去贏」。他承認，理文在菁英盃等盃賽成績不理想，令球隊形象欠佳：「不過我係明白嘅，呢個係人之常情嘅。呢個只係一個起點，希望會繼續進步。」
談到來季組軍，李文恩明言陣中個別球員已有老化情況，並感謝已完約的球員，「絕對會有新球員加盟」。被問到來季主教練一職，李文恩表示將續由曾昭達執教：「係一個學習階段嚟，達sir係一個比較年輕教練，你見到上次足總盃輸咗好難睇。好坦白講，我哋內部都同達sir 有討論，點樣可以令到更加有進步，你見到今日完全唔同晒。我覺得達sir 係好有心機嘅教練。佢係咪話宜家本地最好？好多人都覺得唔係，我相信佢會繼續進步，我希望用返我哋本地嘅人做好成績。」
具質素外援續約協議「好接近」 透露有華人球員獲內地相中
被問到成軍七年終於奪冠，李文恩認為「啱啱好」，憶述理文首年參賽僅排尾二，但球隊每年均在進步：「我唔想話突然間一個冠軍，班費加好多，跟住簽好犀利⋯⋯大家都記得富力嘅例子啦？富力洗好多錢，甩轆俾東方嗰屆，我唔想咁樣。每樣嘢都係過程嚟嘅，可能加到2,000萬，奪冠嘅時間會縮短少少，不過我唔想咁樣做。」
至於安尼亞、保利臣的續約情況，李文恩只稱球隊與具質素外援續約協議「好接近」、「問題不大」，但有個別位置要補強，包括中堅、中場，另透露有華人球員已獲內地球隊相中，稍後會離隊。
https://www.inmediahk.net/node/%E9%AB%94%E8%82%B2/%E3%80%90%E6%B8%AF%E8%B6%85%E8%81%AF%E3%80%91%E7%90%86%E6%96%87%E6%8F%90%E6%97%A9%E5%B0%81%E7%8E%8B-%E6%88%90%E8%BB%8D%E4%B8%83%E5%B9%B4%E9%A6%96%E5%A5%AA%E5%86%A0-%E6%9D%8E%E6%96%87%E6%81%A9%EF%BC%9A%E5%B0%87%E5%9C%8D%E7%B9%9E%E4%BA%9E%E6%B4%B2%E8%B3%BD%E7%B5%84%E8%BB%8D%E3%80%81%E5%BC%95%E5%85%A5%E6%9B%B4%E9%AB%98%E8%B3%AA%E7%B4%A0%E7%90%83%E5%93%A1?fbclid=IwZXh0bgNhZW0CMTEAAR2p6Cnr8oK6cOWfeVTRLY_B7NIL6P5mFUIyaNdoXEc_3tLuxabzI2_VxuQ_aem_AUMHF6QbGSipwy84RNTyr3RXd1T3u8dgdR7tza3R7xGWjwfB2uSM5hKzFyIf4KVpl9sZz6p9pamuoX771kipzR7G