After Class暨聲夢傳奇討論區(158) 傷魚座｜Dreamscape｜還有一艘救生艙｜年輪海

都係得個估，唔好當係gi反枱先啦
講返轉頭簽大台同出面都各有好壞
綜合計如果唔簽華納，簽蛋同球記真係可能留返大台仲好

華納點會捧佢講真，到宜家大台出黎既人出面反對聲音都好多，除非過晒泠河，但冇理由雪幾年咁，到時咩都唔洗玩

慈禧太后

除咗華納我真係諗唔到邊間會好過TVB
蛋近幾年完全捧唔到人 環球更加唔使講 環亞Sony就弱勢

華納你睇得出想食埋大陸個餅，但自己知自己事，mc dj上去偷偷摸摸咁
有gi就打正個牌可以食，就睇佢有無咁多資源比埋gi，話晒有蕾
蛋球就真係搞唔掂，捧唔到新人全部食老本

宜家唯有希望係搞下動作咁，最尾都簽返大台

華納等陣簽完佢返去 出幾首歌擺上大陸 好似林欣彤咁乜都唔做咁就仆街

AC po要分家了

老實講就算入大陸市場，我覺得華納簽Gi嘅機會其實唔係好大，佢哋A&R簽人嘅準則唔係想要好似Gigi呢啲主打走實力派路線嘅新人

睇下定位係想去到邊度，無線從來無捧過一個歌手上去真一線，劉德華唔走可以做樂壇天王？林峯當年如日方中都比無線捧死咗，過咗咁多年最近先重返樂壇，有人講坤哥仲好笑，佢之前放晒風想走，又同poki合唱，最後無街外公司簽又簽返邵氏，仲有刀削面都捱唔住要出走
如果gigi定位只係想接吳若希/Hana班咁留起tvb係比較好既，可以每年攞TVB個最受歡迎女歌手就滿足，但點睇佢上限都唔止以上2人啦

宜家先19, 留係大台我覺得有資源, 慢慢培養下仲好, 加上宜家形勢唔同, 有得揀緊係發展大陸市場, 比你過華納做到陳蕾咁又點,

【多圖】中學grad din驚現港版張員瑛
https://lih.kg/3722861
- 分享自 LIHKG 討論區

其實起大台有約而又起大陸當紅既有邊個？
成日話大台起大陸有人脈係唔係自欺欺人？最多只可以話大陸人會識依個人係起TVB見過吓，未見過有大台藝人係起大陸當紅，全部都係離晒巢先上大陸發展

同你睇法差唔多 留喺TVB始終有資源
同埋今年整個樂壇都唔好 出邊唔一定好過TVB
反而比啲時間TVB改革 好過你出去闖

如果咁講香港新晉藝人近年係大陸當紅都冇邊個，嗰d離巢發展係大台浸左好多年了，觀眾有一定印象先可以紅到，如果佢地當年冇係大台浸過都未必有今日，gigi仲咁後生，我覺得再浸多幾年先離開都得，除非真係要簽十年，加上大台真係玩大陸條水都係近年既事，唔可以咁快斷定佢捧唔到一個出黎

出面靜過鬼，宜家根本樂壇冇咩生氣，就算連登成日講嗰個cloud我到宜家都唔覺佢有咩歌hit過

論盡講得幾好
某程度而家已經係一個樽頸位 可能gi 自己都感覺到所以嘗試改變

可能佢真係想給多啲其他fans
問題係而家喺TVB都有足夠發展 亦都用實力說話令到多啲人留意佢 俾多幾年時間反而儲吓人氣仲好啲

宜家想得太好，到時兩頭唔到岸，出面市場唔接納佢，又唔可以再係大台用已有既資源，我極度懷疑係太后同佢講過野，呢個問題其實微博都見人講過，gi身邊既人同粉絲吹捧得太勁，講到已經係天后咁，又讚到唱歌技巧有幾高，但客觀事實只可以叫係有潛力加一定知名度，香港有幾多粉絲大家心理有數，大陸微博粉都停左係一百萬了，唱歌技巧直情比某人搞到kick左係樽頸位，出去真係有咁大優勢咩

你講個啲儲左咁多年fans仲要係因為大台影響力仲係勁個時儲落，無得咁比啦
大台的確係有大陸同東南亞優勢既，其他公司想打入去都唔係咁易，但係而家大陸又真係多左自家歌星，加埋韓團，要好似以前個種當紅係唔會，食到個大灣區都當贏，各有難處

消息人士

其實我唔係反TVB，如果唔係都唔會留意到AC！但點得出留起TVB會好過出外闖依個理論？你話做藝員演戲既我都可以認同你部份，但如果認真做歌手起TVB有咩前景？吳若希/Hana/連詩雅/JW有邊個係入TVB後歌手身份提高咗？
TVB寧願出中年好聲音3都唔出聲夢3,明顯TVB都只係著重眼前利益，無諗過要規劃一個歌手路線

希望炎b走咗之後你哋會繼續支持佢

依家唔可以用以前TVB對音樂嘅政策去推測
始終改革咗好多 但係明顯嘅改革都係由上年年中先開始 所以我覺得仲可以有少少時間觀察吓

向外闖唔係唔好 只係驚仲差過而家 今年係整個樂壇都靜左
商演太少 廣告商亦都保守咗搵人
相對之下，其他音樂公司會唔會繼續投放咁多資源喺佢一個人身上 呢樣係值得思考吓 同埋曝光率會唔會同一時間減低？

個個歌手唔紅既原因都唔同，宜家係講緊大台既資源，呢三年比左幾多資源gigi大家都睇到啦，聲夢冇耐後，聲生已經送佢上去，各個大show都一定有佢擔大旗，基本上靠佢撐場，大台點都會重用佢，但如果出到去其他公司真係可以一下就將你投閒置散。另外聲二都唔收得又吸唔到粉，搞中年三都好合理，但唔覺有中年之後gigi既資源有少左