【Keeps Believing】阿仙奴23-24球迷討論區MMMCLXXI

記得好耐之前睇過有篇文
好似LG定唔知邊個牌子想sponsor阿
阿求其搵啲2打6簽份野就算
之後完約同獌傾
佢地又請佢地參觀球場睇埋波 總之就勁撚好招呼
所以佢地10幾年前打既底去到而家仲有得食老本

減埋pen

軌成日話佢廢 冇用

Todd哥財技屈𨶙到

講得好！

Leo今季各項賽事上陣45場，上陣時間2184分鐘，攻入17球及貢獻2助攻；只計英超，上陣都只係超過1500分鐘，有12個入球，與Kai並列為隊內次席射手

Leo始終係球隊內finishing最穩定的球員，畢竟係雙槍將，性格冷靜，而且踢法聰明

季前的社區盾，雖然入波有幸運成份，但就係靠佢肯起腳而絕殺扳平，自己最後在互射十二碼時都操刀成功，令球隊奪標

回顧返佢今季的英超入球，第5周作客對愛華頓，面對大巴陣死守，就係靠Leo後備入替情況下，接應Saka cut back，即時起腳下攻入奠勝一球，全取三分

第9周作客車仔，球隊踢得一塌糊塗，但先憑飯仔遠射追返一球，最後再憑後備入替的Leo機警入攝，將Saka仔的傳中一腳撐入而追和，幸保一分

第12周主場對般尼，客串踢正前鋒，Saka頂頭槌向遠柱方向，Leo唔要命地衝埋門將及門柱前加一腳撞入，冒住痛楚地先開紀錄；及後被對手追平，然後Trossard開角球助攻Saliba頂入，協助球隊順利贏波而回

第21周主場對水晶宮，球隊大勝一場；Leo攻入的一球，就係Raya接下皮球後，即時手掟俾耶穌仔打反擊，第3腳波就正正係Leo接應耶穌仔傳中，冷靜扣過對手就射個衝網頂波

第23周主場對利物浦，憑住馬天的機警，令VVD及艾利臣誤會而攻入再度領先的一球，但其後戰況一直互有攻守。最終響補時階段憑後備入替的Leo冷靜呃過Eillot，然後長驅直入殺入禁區，再起左腳射破艾利臣大細龍門

第24周作客韋斯咸，Leo再次踢偽9前鋒，球隊半場就攻入4球，但半場入面唯一陣地戰入球正是Leo所入的第4球，在禁區內起右腳射死角入網

第25周作客般尼，球隊繼續大勝一場，Leo再一次踢偽9，並再一次攻入球隊的第4球，又一次禁區內接應橫傳，今次係起左腳輕鬆射入

第32周作客白禮頓，球隊領先2比0下，後備入替的Leo，未過半場前接應Kai妙傳，一路殺入禁區，挑過對手門將而入波

第34周作客對狼隊，先有Kiwior犯錯差d令球隊失波在先；一輪膠著後，憑住耶穌跌落地後一腳回後，禁區內的Leo即時起右腳拉射，皮球直飛死角入網，終於打破悶局，球隊保持勝局到尾

第29周主場對車仔的補賽，球隊大勝一場；先開紀錄的一球由飯仔殺入禁區，斜傳俾左路的Leo，Leo稍微控一控，再起左腳抽向近柱，響門將手底抽入網，然後打開血洗車仔的序幕

第36周主場對般尼茅夫，雖然先由Saka十二碼開紀錄，但及後形勢一般，一度被對手佔到優勢；但全靠飯仔突入，然後再接應傳送，後眼見到Leo在身後，順腳一撩交俾Leo，Leo即時起右腳掃入，拉開比數

第37周作客對曼聯，雖然球隊踢得唔好，但就係憑住Kai的努力，Leo自己的機警起動兼入攝，順利執入奠勝入球

Leo響歐聯亦攻入4球，尤其淘汰賽階段的入球亦具決定性。

分組賽主場對PSV，球隊大勝4球；Saka先開紀錄後，然後交出助攻，傳俾禁區邊空曬的Leo，Leo順腳地起右腳射門，地波拉向遠柱入網；及後，Leo左腳傳中，耶穌接應下起腳射門入網。Leo一入球一助攻

之後阿仙奴主第對戰西維爾，Saka邊路出波，空曬的Leo跟進接應，輕鬆地一腳撥入地先開紀錄，而球隊最終2比0輕取對手

16強對波圖，首回合落後一球，返到主場出擊，形勢其實同首回合唔差太多，但幸好有Leo響上半場接應奧隊直線，響左輔位起右腳射遠柱入網，總比數追成平手，最終球隊互射十二碼晉級

最後8強首回合對拜仁，雖然憑Saka先開紀錄，但球隊自己犯錯後被對手反先，再一次憑後備入替的Leo，接應同樣後備入替的耶穌的傳送，禁區內即時起腳射入，追平對手。可惜次回合落敗而出局

總結去睇，馬天今季的低沉，幸好有Leo的挺身而出，但同時Leo多變的踢法，不需企死邊路做翼鋒，可令球隊調動及佈置更有變化。

不過Leo強項並非爆破，要佢做長距離爆破，或一扭二就唔係佢強項，而且佢踢正選的話，往往要兼顧攻守上落，似乎速率就唔足以頂全場。

好難為Leo界定一個最佳位置，總覺得佢要離禁區近d先可以盡顯佢埋門把握力的高超能力，無論左腳或右腳，燙射、平飛、輕鬆撞入等等，總之就係可以送到個波入網

對比起自己隊友的埋門，Kai要兼顧太多工作，又要攞位或入攝，結果未能做到專心一致地攻門；耶穌仔就太浮躁，往往都響一個唔適合的時機起腳，自然難以爭取入球。反而Leo可以出奇不異地即時起腳，或者走到空位入攝，當然，係球感問題，呢一樣就真係本身能力問題，想學也學唔嚟

當日買唔到Mudryk，然後趁住Leo與白禮頓的不和，以一個更合理的價錢收購Leo，絕對係一個超值的買入；上季Leo半程加盟我地就貢獻英超10個助攻，今季轉換角色，攻入12個英超入球

冷面殺手，你地又會諗起邊一位前阿仙奴球員呢?

— — show gun

托哥

呢件衫估唔到成績咁好

有冇坦克同達老友鬼鬼嘅gif

呢條友真係上哂腦，宇宙中心主角嗰啲friend嚟

阿仙奴對曼聯呢場絕對稱得上係「睇住嚟食」。呢句說話並沒有對曼聯含任何不敬之意，而係講緊阿仙奴喺戰術部署中完完全全掌握咗曼聯缺乏調配空間、限米煮到嘅限飯實在太少。作客奧脫福直接了當、不華麗地贏得三分。係阿迪達上年之前都仲係相當罕見嘅妥協。
呢場嘅曼聯幾乎已經去到「有11個人開波、22對腳完場」已經還得神落嘅嘅境界。講傷兵唔係要賣慘，係話你知曼聯可以選擇嘅game plan只有今年對強隊用足全季嘅「經典防反套餐」——即係閃電開局15分鐘、龜縮死守60分鐘、最後狂炸15分鐘。
但係呢個防反套餐嚟到今場根本唔夠料煮。全場得Garnacho獨力拍門，Hojlund努力牽制，Dalot以跑動盡幫。其他人唔係唔想一齊攻，係唔識。無Bruno不停嘗試比最後一傳、無Rashford以速度攻堅（佢唯一適合嘅比賽類型就係有大量防反機會比佢浪費嗰種），Casemiro又要頂中堅變相中場得Amrabat連長波都無埋。
唔好忘記Garnacho、Mainoo本來就無90分鐘嘅體能… 最後嗰15分鐘「狂炸」降級到「掙扎」都唔太稱得上。
我呢啲唔識波嘅外行人都睇得出你個「經典防反套餐」無料到，你估Arteta同阿仙奴教練團隊睇唔睇得出？
明知曼聯只剩下一招transition可以用，阿仙奴就順水推舟交出控球，比個波你自己犯錯。將比賽節奏減慢，球隊隊形保持緊密，減少兩邊來回次數，自然可以減少空間比曼聯喺奧脫福打快速反擊——畢竟呢樣嘢阿仙奴係真心害怕嘅。
所以Arteta嘅戰術個人認為係唔好睇，但實用、意向明確。副作用係球隊習慣控球遠多於對手，部份球員明顯唔適應out of possession——害怕到Partey頭60分鐘都緊張到不行，連帶阿仙奴有好幾名球員都有失準。另外曼聯廢還廢，但你永遠唔知無啦啦幾時有下「波子機」打到手、或者kick到腳，一球上落輸個十二碼就無謂…
但事實係曼聯根本造唔出呢啲威脅。場面上可能阿迷會覺得場波踢得好差，但其實實質嘅博弈上，阿仙奴係盡在掌握。
坦白講個人係失望嘅，諗住曼聯會有理無理主場同阿仙奴鬥攻，我張「客其他」嘅飛先有錢收架嘛。順帶一提，半場客其他喺出場名單公布後10分鐘由250倍跌到125倍，班賭仔真係0尊…

唔為小火車喊？

真心樣衰 但係幸運波衫

琴日強哥廢到真仆街

個球係禁區邊清波變角球
仲有禁區外假身比對面個麥湯一野偷走左個波

非洲人唔識打水戰

假身個球算唔算盲拳打死老師傅？

好勁喎 預判鏟波

香港都有得講話爆閘累事

早排有個台仔youtuber講kane 下面comment又係阿熱打交

我琴晚都失眠

耶

咁都俾佢過骨？

見到上面托哥篇文

冇佢我地今年真係爭4咋

各種事令我覺得好攰，諗好多嘢
仲要見到隊波盡晒力37場86分咁叻仔都有機會拎唔到冠軍

係非洲每過60秒就等於係英國過左1分鐘

最衰都係油頭狗