坦蛇係真係廢,仲要收回佣
不過佢哋管理層同球迷都有太大歷史包袱,總係想當年自己點勁點勁
摩佬同蘇斯克查時任揸住咁嘅兵拎到第二本身真係已經好勁,但係冇第一又唔likey
個個領隊都唔長命,冇前4炒冇冠炒,邊個教波有名氣又請到就請邊個,戰術風格同球員夾唔夾又唔理
然後時任領隊就當然會買適合自己戰術嘅人,但買返嚟嘅人本身又唔係全能型,大部份都係加盟前踢開適合自己嘅特定戰術/陣形先發揮到,去到曼聯後就夾硬塞落個位到,同本身舊有嘅球員風格又唔夾又唔清,搞到個個優點發揮唔到,缺點就暴露晒,但就個個都踢第二隊都會識飛
到現任坦蛇,有般奴已經逼住踢4231,左右翼都係快馬擺明最啱踢防反,買返嚟啲人又唔係圍住佢嚟踢,又要高位逼搶,但又要高價買啲老嘢返嚟
你話咩話?要我曼聯踢防守?唔得,要attacking football,但係班人又唔係有攻擊力,場場都係靠啲靈機一觸入球,玩-6足球
卡斯米路又係好撚慘,臨老唔過得世,全能如我哋洛迪,或者阿飯,都唔會真係踢緊單防中,會有隻閘/中堅上嚟補一補防中位,踢4中場
佢就一個老嘢想佢乜撚都做晒,結果就加速回塘
計埋今年近10年其實佢哋都係得一半時間有前4,計埋盃就1個足總,1個飲品,1隻社區盾同1個歐霸,但唔知點解硬係睇到自己好高
車仔易手起碼都真係青春黑暴,砍掉重練
佢哋就買荷甲30+,重曼聯稅,打工天堂,荷蘭回佣驅風暴,下下都諗住靠啲18 20都未踢夠2年正選嘅人carry班老嘢,但係到真係有後生又有能力carry到嘅球員時又家暴又話唔要,又趕出飯堂whatsapp group又盛,但又話要爭冠
成個球會由上到下都好奇怪,唔知自己想點,搲晒頭,盛產足球笑話