[長文] 有無人對夷陵之戰有興趣？

youtube而家好多有3d地圖解說戰役片，真係清晰好多
睇書好多都想象唔到

有睇過佢講春秋吳越，好好睇，但未有時間考究係咪完全正確

覺得睇完片再核對返原文，係另一種樂趣

我就係左好多段，個個解讀都有D 唔同，所以先自己核對一次

主要想問一句， 我想知道真實人數。。。
真係有咁多人係果到打仗？

暫時無見過割讓既記載

諸葛瑾有試過用輕重說服劉備，不過無關割讓：

劉備東伐吳，吳王求和，瑾與備牋曰：「奄聞旗鼓來至白帝，或恐議臣以吳王侵取此州，危害關羽，怨深禍大，不宜荅和，此用心於小，未留意於大者也。試為陛下論其輕重，及其大小。陛下若抑威損忿，蹔省瑾言者，計可立決，不復咨之於羣后也。陛下以關羽之親何如先帝？荊州大小孰與海內？俱應仇疾，誰當先後？若審此數，易於反掌。」

高汁 留名

屯兵數
真正接戰數梗係無咁多
古代打仗打撚到前線崩左後面唔知咩事就會一齊崩

夷陵之戰兵力係有確實記錄：

221年8月「(孫)權命遜為大都督、假節，督朱然、潘璋、宋謙、韓當、徐盛、鮮于丹、孫桓等五萬人拒之」

222年1月 孫權上書(曹丕)：「劉備支黨四萬人，馬二三千匹，出秭歸，請往埽撲，以克捷為效」。

計埋武陵蠻可能有一萬幾千人，所以係5萬 vs 5萬。

咁蜀軍實際作戰人士有幾多？

下，我以為蜀國傾全國力， 至少都20萬兵力以上？
如果唔係諸葛亮點解會話呢戰已用曬蜀國元氣

蜀亡時帶甲軍士十萬二千。

哩度死左五萬，即係一半，仲唔元氣大傷咩

岩岩都想搵

另外蜀亡果時已經穩定左幾十年先有10萬；劉備果陣年年打仗，漢中比曹操遷走哂人民，而且南中又唔完全歸順，可能10萬都無

不過劉備未係全軍覆沒，吳班陳式都走得幾快，向寵軍隊應該都無乜損失。total 無左一半左右啦。

除左兵將之外，糧倉真係全部無哂

蜀軍棄船逃走，糧道完全比吳軍封鎖；
從據點估計秭歸都係一個大糧倉，最後都被破；
劉備有50多個營，陸遜破左40多個。

吳國對魏外交方面，亦是一個重點。劉備放棄走江北道，因為北面有機會被魏吳軍夾撃，208年時兵曹軍曾以騎兵攻夷陵。「兵未交鋒，瑜即遣甘寧前據夷陵。仁分兵騎別攻圍寧。」吳國送返于禁求和的外交成功，減少了北面對魏防線的壓力。在夷陵之戰完結後，魏軍才開始三路伐吳。「（222年）秋九月，魏乃命曹休、張遼、臧霸出洞口，曹仁出濡須，曹眞、夏侯尚、張郃、徐晃圍南郡。」

而且水軍方面，劉備軍已佔領三峽全境，西陵峽以東水勢平緩，巴蜀水軍失去本身的上游優勢。所以從一開始，戰略目標就在於武陵郡，然後與魏軍南北夾擊吳國的南郡，可惜曹丕在整個夷陵之戰都按兵不動。

未必，其實張飛對佈陣有d見地
佢打張郃果一戰就知
如果張飛係馮習個位先破東吳後軍，可能迫到陸遜來援

想請教下，夷陵之戰係咪由一開始必輸？估計劉備係想滅吳抑或拎番荊州就算？

同埋令一班各方面能力都強過自己嘅人服自己為自己賣命都係好強嘅技巧嚟唔通真係一句中山靖王之後啲人就去奶佢咩

必唔必輸好難估，但劉備對爭荊州有經驗。

215年劉備出兵5萬去公安，而曹操進攻漢中，孫權劉備湘水劃界。
今次都係出兵5萬，但調返轉等曹丕出手郁孫權，孫權可能就會割地。

一定唔止
比著你謀不如臥龍鳳雛，武不如關張
你有冇能力做領頭人 冇人反你？
仲要徐州糜氏大有錢佬都肯跟佢著草喎

關羽投降過曹操都肯返去，證明劉備唔係一般人

係，孫權拖字訣拖左半年
如果陸遜8月仲未大敗劉備，可能孫登仔真係要去做人質

曹丕真係理解唔到點解果時唔夾攻吳，如果果下滅/重創吳國，三國統一進程應該會快好多