為咗確認呢個世界有冇用到嘅即棄環保餐具，買咗堆貴價即棄環保餐具嚟玩

呢排出於好奇而研究下，究竟除咗紙漿同木製嘅垃圾（應該冇資格叫餐具）之外，有冇啲環保得嚟又用到嘅餐具，後來搵到幾種選擇，第一種係用蔗渣竹渣咖啡渣之類嘅植物纖維製造，形狀做到塑膠咁但又冇塑膠成份；另一種叫PHA（polyhydroxyalkanoates）係可家庭堆肥嘅生物基塑膠。呢兩種物料都環保過紙漿同木，但有幾環保我相信應該冇咩人想知，所以入正題先，由於入手比較容易，我最後買咗咖啡渣嘅刀叉羹同埋蔗渣嘅飲筒嚟玩。

首先係咖啡渣嘅刀叉，切雞髀完全冇難度，連骨髀骨之間嘅軟組織都切得開

之後係咖啡渣羹，浸滾水都唔會變形，相信𢳂飯都不在話下，但我雪櫃冇晒叮叮飯試唔到

最後嘅蔗渣飲筒，以前都用過一兩次，所以本身已經知道佢係唔會嘔可樂，為咗方便影相我剪短咗少少


成本方面，刀叉羹每支都係$1.3（$65 50支），而飲筒係$0.45（$45 100支），不過我相信餐廳／大集團採購嘅話一定再平啲。講真我係覺得雖然貴啲但我寧願用呢種功能同塑膠一樣嘅餐具，紙漿同木根本用唔撚到

最後利申下 唔係環保撚

牙活不鏽鋼刀叉羹先兩蚊

香港啲仆街餐廳一定比最平物料

係，有齊刀叉羹先兩蚊真係好抵用，直頭想買完外賣過大快活買佢套餐具，唔知肯唔肯淨係賣包餐具畀我

但用你買嗰堆就更加平
同時真正兼顧到環保

一定貴過大快活嘅不鏽鋼，雖然我唔知大集團大量買可以壓到幾低，但以我$1.3一支嘅價錢計，齊晒刀叉羹就已經要$3.9

不過真正兼顧到環保就真嘅，如果真係在乎環保嘅話，呢啲先係最佳選擇

金屬可以回收再造 唔通罐頭都要禁埋咩

額外收錢但畀啲垃圾你用真係好撚過份

我都冇話禁，我上面先有講想買完外賣過去大快活買餐具喎純粹想講以環保角度，呢啲農業廢棄物整嘅先最環保啫

成本轉移至顧客

到時會唔會黑市有得賣膠餐具

塑膠都係石油副產品喎
農業廢棄物都係做返堆肥/生質能發電算啦

其實啲紙漿同木製咪又係要加錢，所以同樣要額外畀錢嘅話，我寧願用啲用到嘅嘢

政府冇set d標準，唔係膠就得
用唔用到唔關佢事
反而好奇杯蓋既替代品，加塗層講到好貴好複雜咁

例如蔗渣呢啲農業廢棄物其實數量多過需求太多，所以拎嚟整餐具只係善用垃圾，而且佢嘅製造過程唔會造成污染，碳足跡都好低，可以家庭堆肥同完全降解，以環保角度嚟講我覺得冇乜對手

利申唔係環保撚，家陣仲開緊23度冷氣，單純呢幾日研究嗰陣Google 好多先識，所以唔使嘗試說服我其他材料更環保

呢啲蔗渣除咗整到餐具，我見係杯蓋外賣盒甚至手挽袋都整到

仲用埋行動支持即棄餐具添

就係唔想洗碗

我買嘅呢啲咖啡渣餐具其實物料上感覺同塑膠幾似，同樣具有一定彈性可以屈得下，但我反而覺得最大問題係唔似做到透明，就算肯用呢種物料九成九都係要玩盲盒壽司。應該得PHA做到透明又環保。

淘寶咪就係「合法」嘅黑市

歡迎加入保鮮紙包碟邪教

我會直接用即棄碗碟，不過例如淨係切下生果之類，我會保鮮紙包砧板+用廚房紙墊著，為咗唔想洗手仲戴埋外科手套，有時都覺得自己好過份

橫睇掂睇都唔似用純咖啡渣壓成，懷疑會唔會只係溝少少咖啡渣落啲膠度啤