原來台灣都有得行雪山

推介完漫畫，唔差在推介埋電影，2018年奧斯卡紀錄片，Free Solo，主角叫Alex Holland，係一個攀岩家，係每日都最多人問佢死咗未既男人。佢就係現實版既森文太郎，不死的獨攀者，個癲佬係唔用繩既情況下徒手攀登世界上最大既單體花岡岩，猶長岩，係將死神按在地上摩擦既男人。
獨自攀山既佢有一啲孤獨同寂寞，但從來冇失過手。不過自佢識咗條女，就好似揹住死神攀岩一樣，每次都提心吊膽，快樂同他人即連結就好似枷鎖一樣。

其實最攰既除咗係行，就係執嘢，將四五日既行裝同食物塞入一個背囊唔係一件容易既事，呢個時候發現，原來對於食嘢冇乜要求係一件好事，可以餐餐都食乾燥飯，因為呢樣只係基本既物理需要，只要夠就好。

係雪山就唔洗擔心水源既問題，周圍都係雪，不過開火之前要加少少水，唔係個煲會燶，仲有就係可以用個兜裝少少熱水，再坐罐has上去，咁樣罐汽吸熱再氣化既效能會高好多，當然，如果你有錢，可以買個jetboil 或者MSR既煲，一樣好高效能。

係雪山既著衣攻略係洋蔥式着法，內層排汗透氣，中層保暖，外層防風防水。小賤人既著衣攻略，就係總之凍就乜鳩都著上身。

Alex Honnold
Free Solo係美藉華裔Jimmy Chin嘅作品
攞好多獎

正呀巴打，留言支持下

lm g持

留名支持

夜晚風好大，係帳篷，聽住風聲，吹撚到發發聲。
身體在震動，陰影在浮動。
意識老了，就會抽離。
意識既搖動，生命既沉重，文字既筆畫都有寫下既思緒同重量。筆劃既漫長，體驗係一生。當你以為係頂峯既時候，原來你只係望其背項。
將自己撫平，將意識歸於太空，穿過雲層既高度，彷彿同星星更接近。
縱使抽離，隨水逐流，想記錄既一刻，描述就會失真，只能意會，係皮膚上流淌，呼吸上吹過，只要一記錄，就抽回現實然後失真。當你以為，自己用文字去記錄自己，係文字既使用者，但其實文字表達既意義，決定咗你既思想同情緒，係文字用人既感情去表達屬於自己既意義。

諗咗咁撚多嘢，其實都只係夜晚七點鐘，基本上瞓到既時間就係夜晚12點之前，因為過咗凌晨就好撚凍，基本上都係縮埋一嚿震住咁瞓。

寫得好好睇 lm g持

樓豬好耐無見，支持

鍾意睇你同舊登小明嘅文，可惜小明唔知去咗邊

好好休息，唔好凍親，身體健康最緊要，安全旅行愉快

吹咗一晚風，表層既雪俾冷凍結硬形成一層脆皮。

攻頂係尾二嗰日，理論上已經適應咗高山，未適應既，已經落咗山。

結果最後上到頂既只有八個人，全部都被困一小時，因為幾日以來，只有山頂既位置收到網絡。

由雪山主峰望過去既就係聖稜線，由大霸尖山到雪山主峰，長46公里，全程海拔3100公尺。
係台灣既岳界有句話：走完聖稜， 終於可以結婚了！意思就是說：走過這一條困難重重的路線，年輕人才能有擔當，可以擔起家庭的重任。嗯，睇嚟小賤人有排都唔洗結婚。

留名支持

厲害

留名參考

+ 卜

行撚咗一日，又攰又凍，其實都唔係好想行岀去屙尿。拉開褲鏈真係嚇咗一跳，點解搵唔到條巨龍，望真啲縮撚到好似花生米咁，平時啲體積去咗邊，會唔會落山都係咁，突然間好撚擔心，好擔心撚。sorry冇鳩圖，因為縮到差啲搵唔到。
張相影唔錯，雲海之上，藍天之下，天地唯獨一人既感覺，雖然其實只屙緊尿。

上到高山係一定會水腫，正常就係手指手腕最先feel到，最唔好彩就係腦同肺。

隨住海拔降低，就會慢慢消腫。
上山用咗一日半，落山就只係半日。

老母問，做乜去旅行去得咁辛苦，有乜好玩。其實都真係唔好玩，不過，去旅行嚟講，有人想買嘢，有人想買體驗，有人想逃離，有人想獨特，冇得去質疑。

人既重要性同獨特性應該只淨下意識或者靈魂呢啲不可辯真偽(暫時)既特質，但應該只係時間問題。因為根本冇一個人重要到值得需要分析儲存影響其人格既每一分每一秒，對AI嚟講，人應該只係一堆龐大既data，只要資料夠，隨時可以同你再複製一個岀嚟，就好似殺戮都市入面既玄野計一樣，未必創造到一個人既未來，但至少過去係可以記錄，甚至重塑，呢度並唔否認人既價值，而係覺得呢個係人類發展既一個進程，人類既知識總量係一個智慧共同體，最終既路向可能就係同AI融合。

強帖留名
唔只冇得去質疑 仲有冇得批評啦 人人想要嘅嘢都唔同