原來台灣都有得行雪山

話說，早排無意中係YouTube睇到條片講去台灣行雪山，先知道台灣真係有座山叫雪山，仲會落雪，於是即刻就去search下，原來台灣係有雪訓課程，對於乜柒都唔識既人嚟講最適合不過。

其實座山都係visible distance，望得到就去得到。

小賤人等咗你好耐

LM

鍾意睇雪山極地嘢既，建議follow 喪標https://www.instagram.com/eric_songbill?igsh=MTFzM2Z3Z3JqdWxiZA==
呢度只係鍾意寫下嘢同睇漫畫既毒撚遊記，並非專業。

留名

呢個雪訓，岀發前五日先會通知係咪成行，因為如果冇雪，嗰座只係台灣既第二高峰。
可能最近做得好事多，開班前一個星期突然有寒流，落咗幾日雪。不過臨上山前回暖咗兩日，山上既雪融得好快，都有機會唔俾上山。

山腳農莊既櫻花同梅花開得燦爛，不禁擔心上到山會唔會雪花都冇塊。

上唔上到山就靠把雪尺，每日都有熱心行山人士去影下把尺，之後再由雪山國家公園管理局發文。要有30cm厚先可以係圈谷札營，因為要保護嗰度既地面唔俾啲蛋散係唔係都札營落釘。
但把尺就放係最先哂到太陽既地方，所以好快融。
岀發咗上緊山先話雪得20cm，教練已經屌哂鬼，話做乜唔岀即時通知叫人唔好上山。但係子彈上膛，不能不發，冇雪都要照上。

第一日其實係輕鬆，係登山口集合，然後行個零鐘上去山屋訓一晚。

個山屋其實都算係咁，起碼有張床，有廚房，有廁所。

樓主d post好睇

住山屋嚟講呢，最撚慘既唔係攰同凍，而係隔離個撚樣扯鼻寒。呢啲人係最撚自私，雖然佢唔想，但佢愈瞓愈冧，就愈扯愈大聲，你就愈諗愈嬲。更過分既係獨奏完之後有合奏，嗰種低音震到連冷凍既空氣都岀現裂痕，抗噪耳機入面播住既雨聲同行雷完全被比下去，而小賤人能夠做既就只係感受住身心既震動，寫低呢個遊記。

一早係山屋食個肉鬆強做早餐，屙埋督屎就要再見文明。
第二日係最辛苦，因為要揹住4日既物資行一日上去圈谷。台灣既雪訓都好撚辛苦，因為起碼要係登山口行兩日先到有雪既地方。
如果係日本，山屋打開門就會係雪。

lm

台灣D山真係唔夠膽行
咩劍龍稜 真係痴撚線

用呢個塞住佢個鼻

經過聲稱會行到人喊既哭坡之後就上到雪山東峰，大概3200米。

再之後就會經過369臨時營地同穿過黑森林就會去到圈谷入口。
去到黑森林開始見到有雪，因為有杉樹遮擋，所以黑森林入面既雪都保持得幾好。圈谷係最近山頂多雪既地方，如果係圈谷冇得札營，就有係369營地瞓，然後每日來回四五個鐘穿越黑森林去上堂。突然間明白了咩叫山區學童。

同行既團友有啲應該冇諗過咁辛苦，以為好似日本咁一岀山屋就有雪。教練雖然有講過會好辛苦，但其實一個人冇經歷過嗰個苦，其實根本唔知道好撚辛苦既概念。話就話行山呢啲個個既節奏都唔同，要自己配速，但係配速呢啲係講緊有返咁上下技術同體能既人先做到。

最崩潰既事係當你用意志力行撚完個黑森林以為終於可能放低嗰廿幾kg既時候，發現仲要再上多兩百米，呢個原來先係測試自己極限既時候，行兩步喘兩啖氣，心跳大力到彷彿聽到碰碰聲。

終於望見札營既地方，身心俱疲，呢啲大概就係意志力既磨練，成就你係一個咩人既，並唔係一次半次激勵人心既旅程或者經歷，而你你每日一點一滴累積既小事，每日既routine堆積成你既人格思想。
生存既意義，在於每天微細既小事，一個人經歷過既small things，可能係同鍾意既人一齊沖涼，為佢煮個早餐，沖杯咖啡，若干年後，你先會發現嗰啲原來先係你人生既big things。學楊絳話齋，最美好嘅風景，就係內心嘅淡定同從容。

等左好耐！

雪山上面好靚，如果book到369其實會方便勁多
但夜晚真係好難先訓得著，成間房都係開緊鼻寒交響樂

嘩兩邊都係懸崖嚟嘅

樓豬 I love you
等左你好耐

去高山，最撚慘既其中一件事就係感冒加高原反應，一路咳，一路吹風同喘氣，就好似要吸盡，世上最後一口氧氣，心臟要跳岀胸膛既感覺。雪山既冰冷同辛苦，只能靠你既呼吸感受到，就好似欣賞微風，只能夠透過女高中生撚曳既百摺裙同沙沙樹葉聲中。

行撚到懷疑人生既時候，不停諗孤高之人入面一個畫面。https://www.instagram.com/p/CIlIqA8guYi/?igsh=ajBzMmg3dXN5Yndn
終於感受到，迎面既寒氣，發熱既身體，冰斧穿過手套既金屬感，強力既心跳，貪婪既呼吸。原來呢個就係森文太郎既感受。其實之前都介紹過，係小賤人心目中既神作漫畫之一，建議大家去睇下。