[台南開埠 400 週年] 2024 台灣燈會

大家好，2024 年希望大家可以繼續自由咁飛。連登唔知發生咩事呢一兩年比較少台灣遊記，呢篇係台長 2024 年第一篇台灣遊記。

我一開始都係諗住去台中，行下清境農場，阿里山呢啲鄉郊咁，之後去台北食野。因為我係第一次去台灣。係上國泰網站介紹台南開埠 400 週年同 2024 台灣燈會先改行程去台南。

唔講咁多 post 張燈會煙花先。

台南開埠 400 週年

人哋係建城四百週年，唔撚係開埠
兩個詞完全唔同意思用開埠係曲解意思

今年台南建城400年係講緊荷蘭人去台南建熱蘭遮城（安平古堡）嗰年開始計起，台南哩城市建立400週年

台長

台長
你平時係咪去開歐美嗰啲，台灣咁近竟然第一次去

台長平時去開中亞

比你估到就唔係台長
Btw 想踏足美洲

台南開始有規模同外國人通商個刻就係荷蘭人起城個陣
所以可以話開埠同起城係同一時間？

我有跟諸蛇步伐去拜日本教

咁幾時去埋西藏？

對外通商不等於開埠，開埠係措施/政策
開放一個地方對外貿易
嗰陣使唔使簽約話開放台南？
1860年大清簽紙開放安平進行貿易嗰啲先叫開埠

早排留意到熱蘭遮城400週年都專程去左參觀

一早我就坐UO去台中，我係第一次坐老母，要去到北衛星閘口。


1號閘同新機都係留比拜日本教信徒


咁大個仔呢個位都係第一次嚟

坐巴士去到飛機之後，無耐就起飛。架機都好多年輕人去台中玩幾日。




老母legroom都係一般廉航legroom，我好好彩有三連位自製商務艙。

UO機艙

攤平一陣好快就到台中機場。

降落個陣見到TSMC廠房


泊左架去外島嘅立榮ATR-72-600


台中機場

係台中機場我做左陣野，同埋唱新台幣同買悠遊卡，即係台灣版八達通。

張野幾得意

我係Family Mart買左釀雞翼同雞脾。佢隻釀雞翼係用糯米釀，幾特別。


做左陣自己野已經差唔多三點鐘，於是我直接上巴士出梧棲漁港。

台中住宅區

架車都係得小貓兩三隻，坐到總站就係梧棲漁港。

台中鄉郊

今個星期去台南 劉明睇吓有咩好玩

而家悠遊卡原來有公仔版
我嗰張用咗十幾年到舊年仲用緊 擺到白色都變黃

燈會過左了
都係食下野行下館睇下台妹咁

絲打
啱啱出返嚟 舊卡係咩樣？

唔係不嬲都有既咩

我果時轉登買左張黑武士版

呢個漁港係漁市場加遊客區。漁市場入面都係普通賣魚地方。



一場嚟到第一件事就係去食。見到有一間專食海產嘅店，就去食返個蚵仔煎。

呢間野專食海鮮同熱炒

台灣啲蚵仔煎係落木薯粉同菜，上面鋪煎蛋同落左甜醬。


隔離有個市集，好多都係賣台中港嘅海鮮製品同小食。有珍珠奶茶，紅茶，鹽酥雞，魚鬆個啲。


我忍唔住又買左個蚵仔酥同無敵海鮮包，一路行一路食。


無敵海鮮包入面都幾多海鮮餡

市集後面有啲海鮮餐廳同乾貨鋪。


呢到無咩野行就行去高美濕地。


本來我諗住行小路去高美濕地，不過我行行下離遠有隻狗聞到我袋食物走過嚟。我唔想受傷或者比狗咬就唔行呢條路，兜返大路去高美濕地。

隻狗好大隻好惡

行返出去梧棲漁港門口見到有個歡迎牌。


一路行都見到高美濕地啲風車轉下轉下。


個天白晒，成條街又無人又大風，好似災難前夕咁。我行緊當刻都係有啲心事，有啲灰咁。

bold但係冇圖

連登係咁

行左陣就到高美濕地。高美濕地係濕地保育區，台中市政府近年打理同保育將佢變成旅遊景點。呢到啱時間可以睇潮汐同行出去濕地上面嘅木棧道。



我去到見到濕地同一排風車。因為兜路避開隻狗所以遲左啲去到。啲風車要過橋去對面睇先比較壯觀。


過左幾分鐘就開始天黑日落，已經見到的士狗出動兜客返台中市區。啲街燈都開始著燈。


過左一陣就日落，個天有啲淡淡嘅橙黃色。好天個陣呢到影日落應該靚。


好快就完全天黑。


耀西攝鏡

你食撚屎