香港地小,餐廳work load勁,翻枱數量巨大,而且商用油污比家用勁得多
洗碗機係洗得乾淨,擺個人刮廚餘就可以入機
但係洗碗機最大問題係慢,其次係要有位擺備用碗碟同部機,反而唔係好關水費清潔劑費既事
要佢洗得乾淨,70度水係咁反覆射先沖得走d油,以家用機黎睇,要2粒鐘先洗到一餐油污勁6人份量既廚具餐具,60度水洗個半鐘多數效果唔夠好
咁既速度緊係唔會夠餐廳一張6人枱既需求,餐廳張6人枱晚市可能4,5轉枱,仲要洗埋家用唔會有既杯,所以可以好保守咁估計到,一張6人枱需要既商用機係家用機體積既一倍,仲要預留最少一倍既餐具擺放空間,只係一張6人枱就會咁
商用超過70度既機可以洗快d,但前題係刮廚餘,勁大部既加熱鍋爐,勁大部既噴水摩打
d野一大部,佢既空間,耗能,就會幾何級上
到最後你就需要好多組餐具,好大一間房,去run呢套野,可能1個鐘佢洗好一枱6人枱,咁餐具數量至少乘以2,擺放餐具既空間又乘以2,諗下全店餐具乘以2個體積幾撚恐怖
而且最麻煩係即使有一部好撚先進既洗碗機,能夠分細批次洗,你都唔可能一人枱用完唔等其他就即刻洗,現實中點都需要有一定既時間量去消耗響洗碗數既存列問題上
唔好講日本,就算其他亞洲地區,人地食餐飯會撚好似香港咁20分鐘起40分鐘止,轟轟聲咁翻枱,翻枱少自然餐具總數少,就有洗碗機操作既空間,而且人地地方都平好多
香港用唔到洗碗機根本係時空既問題
又要快,量又要大,咪出到1000蚊一工去解決,唔會係唔捨得買洗碗機


